Árbók Háskóla Íslands - 02.01.1955, Blaðsíða 59
57
9 dögum eftir fæðingu. Oftar en hitt minnkaði C-vítamínmagnið
nokkuð, er lengra leið frá fæðingu, en jókst stundum.
Yfirleitt voru flest sýnishornin tekin á 3.—7. degi frá fæð-
ingu, en flokkun eftir dögum, innan þessa bils, sýndi ekki ótví-
ræðan mun á vítamínmagninu.
Meðalmagn C-vítamíns í mjólk allra kvennanna 69 var 4,91 mg
í 100 ml eða 49,1 mg í lítra, og voru 60 þeirra (87%) innan mark-
anna, 3,5—6,5 mg/100 ml. Nokkurrar lækkunar varð vart, er á
leið veturinn, eins og tafla 19 sýnir, og er það í samræmi við árs-
tíðasveiflur á C-vítamínmagni í blóði, enda hafa aðrar rann-
sóknir leitt í ljós tilsvarandi sveiflur í mjólk kvenna.
Yfirleitt reyndist nokkru meira af C-vítamíni í mjólkinni en
búast hefði mátt við á þessum tíma árs, og má til samanburðar
benda á niðurstöður allvíðtækra rannsókna hér að lútandi, er
gerðar hafa verið í Englandi (23) og Danmörku (8), en þar náði
meðaltalið á fyrsta ársfjórðungi ekki 4 mg.
Þykir ekki ólíklegt, að allmargar kvennanna hafi neytt C-víta-
mínauðugra ávaxta (appelsínur, sítrónur) síðasta hluta með-
göngutímans, en ekki tókst að fá fullnægjandi upplýsingar um
það. I sængurlegunni var áætlað, að þær hefðu fengið um 30 mg
að meðaltali í dagsfæði.
Það er áberandi, hve miklu meira er yfirleitt af C-vítamíni í
konumjólk en kúa. Börn, sem fá pela eingöngu — kúamjólk bland-
aða sykurvatni —- fá því miklu minna af C-vítamíni en þau, sem
eru á brjósti, og þurfa að fá viðbót annars staðar frá.
C-vítamín í nýrnahúfum og lifur.
C-vítamín má finna í öllum vefjum líkamans, en mjög er því
misskipt. 1 vöðvum er lítið af því og eins í blóði, en í ýmsum
líffærum er allmikið. Sérstaklega er áberandi, hve mikið er af
þessu vítamíni í nýrnahúfum. Er talið liklegt, að söfnun C-víta-
míns í nýrnahúfum sé að einhverju leyti í sambandi við hormón-
framleiðslu þeirra, þó að ekki sé enn ljóst, hvernig því er háttað.
Líku máli gegnir og um heiladingulinn, enda er náið samstarf
með þessum líffærum.
8