Búnaðarrit - 01.01.1940, Qupperneq 36
34
BÚNAÐARRIT
að allir hrepparnir héldu við loforð sín, hvar sem
bújörð búsins væri valin í sýslunni.
3. Að bústjórinn skili aftur búinu á sínum tíma í
sömu upphæð að dalatali, eins og hann tekur við,
þó þannig að hann borgi upphæðina með þeim
fénaði, sem þá er á búinu, og öðrum hlutum
þess eftir réltu rnati, ef þess er óskað.
4. Er það einlægur vilji allra fundarmanna, að búið
sé reyst á næsta vori, og að leitað verði samskota
úr nærliggjandi sýslum til þess að fyrirtækinu
verði framgengt.
5. Var það samþykkt, að taka lán, með veði í krist-
fjárjörðum sýslunnar, jafnframt og það var sam-
þykkt af fundinum, að ábyrgjast að 2400 rd. væru
til taks í vor komandi, þá búið skyldi stofnað,
til bústofns búinu, er bústjórinn á að hafa leigu-
lausan ásamt fyrirmyndarbúsjörðinni, með þeim
skyldum, sem til eru teknar í nefndarálitinu, er
upp var lesið á „sýslufundi"1) næstl. vor, um
þetta efni.
Þessum kostum neitaði Torfi, sem var viðstaddur
á fundinum, að ganga að þar eð fundarmenn treystust
eigi að lofa því nú, að búið yrði svo aukið að fjárstofni
síðar, sem hann áleit nauðsynlegt, til þess að búið
gæti heitið fyrirmyndarbú. Til þess áleit hann nauð-
synlegt, að til bústofns væru lagðir 4000 rd. auk jarð-
arinnar, ennfremur lil jarðabóta 300 rd árlega, að
minnstakosti í 10 ár, 300 rd. árlega til húsabóta, þang-
að til húsin væru komin í það stand, sem fyrirmyndar-
búi sæmir, og 100 rd. árlega til viðhalds jarðyrlcju-
verkfærum. Gaf hann svo fundinum 3 ára frest til
þess að safna þessum peningum. Þá skyldi hann taka
að sér bústjórnina með 8 mánaða fyrirvara.
1) Svo í fundargerðinni, en hér er auðvitað átt við síðasta
fund félagsins.