Búnaðarrit - 01.01.1940, Síða 105

BÚNAÐARRIT
103
2000 krónur til þess að stofna skólabú, er hann skyldi
reka á eigin ábyrgð. Skilningur manna á því, hvernig
búa þyrfti að svona stofnun, var mjög lítill. Allt
hjálpaðist að, illt árferði, lítill skilningur almenn-
ings og mjög kröpp fjárframlög til þess að gera
frumbýlingsárin erfið. Slcagfirðingar stóðu einir að
skólanum, fysta árið. Næsta ár, gengu Húnvetningar
í lið með þeim og síðar Eyfirðingar. Þegar þess er
gætt, hversu öll aðstaða var erfið, má það heita stór-
virki, sem Jósef kom í framkvæmd þau 6 ár, er hann
gegndi skólastjórn þar fyrst. Þá tók við skóla og
búi Hermann Jónasson, árið 1888 og sat hann á Hól-
um önnur 0 ár. Þá var allt auðveldara orðið, enda
gerðist Hermann stórstígur um framkvæmdir. Reisti
hann skólahús mikið úr tirnbri, byggði fjárhús stór,
er enn standa á Hólum og hóf túnasléttur í stórum
stíl. Jósef J. Björnsson tók aftur við skólastjórn 1896
og hélt þvi starfi til 1902. Var þá mjög haldið áfram
með ýmiskonar búnáðarfrarnkvæmdir, bæði umbæt-
ur á engjum, túnrækt og húsábætur. Jósef J. Björns-
son hefir verið skólastjóri eða kennari við Hólaskóla,
meira en hálfrar aldar skeið, lét hann af embætti
1934, þá hálfáttræður að aldri. Á hann mjög mikinn
þátt í endurreisn Hólastaðar. Og hefir enginn af
þeim sem starfað hafa við Hólaskóla, frá því
bændaskóli var settur þar á stofn, helgað Hólum
krafta sína, jafn óskiptur og hann. Ber þessvegna
engum jafnmikið þakklæti og virðing fyrir starf sitt,
við Hólaskóla og Jósef J. Björnssyni. Jósef býr enn
luii að óðali sínu, Vatnsleysu í Skagafirði, þótt kom-
inn sé yfir átlrætt, og er vakandi og hugkvæmur um
margt er snertir búfræði og þjóðmál almennt.
Árið 1902 tók Sig urður Sigurðsson við skólastjórn
á Hólum, og gengdi því starfi í 18 ár, eða til 1920.
Árið 1907 tók ríkið við skólanum, af amtinu og hefir
rekið skólann síðan. Sigurður var eldheitur áhuga-