Búnaðarrit - 01.01.1940, Qupperneq 119

BÚNAÐARRIT
117
sinni röð. Þar hefir verið gerð merkileg tilraun með
að rækta fjárstofn, æltaðan úr fjarlægu héraði með
gerólíkum skilyrðum frá náttúrunnar hendi, frá
þeim, sem féð á nú að búa við. Það hefir oft verið
reynt, en með misjöfnum árangri, að flytja fé til kyn-
bóta milli fjarlægra landshluta og þá oft úr land-
gæðum í lélegra land, t. d. Þingeyskt fé til Suður-
lands. Yfirleitt eru slíkir flutningar varasamir, eink-
um ef ekki er hægt að skapa l'énu góð lífsskilyrði í
hinum nýju heimlcynnum.
Hrafnkelsstaðaféð er Þingeyskt að uppruna. Fyrir
um 20 árum voru 10 úrvalsær keyptar norður í Bárð-
ardal og Mývatnsveit, einhverjum mestu landkosta-
sveitum þessa lands, og fluttar að Hrafnkelsstöðum
ásamt góðum hrút. Þar eru skilyrði öll frá náttúr-
unnar hendi gerólík þeim, sem kindur þessar áttu við
að búa fyrir norðan. Á Hrafnkelsstöðum er sauð-
land heima fremur létt, mest mýra og vallendis gróð-
ur, afréttur er aftur á móti fremur góður á sunnlenzk-
an mælikvarða en ekki sambærilegur við heztu afrétti
á Norðurlandi og veðráttan er hin venjulega votviðra-
og umhleypingasama sunnlenzka veðrátta.
Féð á kynhólabúinu á Hrafnkelsstöðum hefir ætíð
verið vel fóðrað og betur en gengur og gerist á Suð-
urlandi. Samt hefir ekki verið dekrað við það, enda
sýna fóðurskýrslur frá búinu að fóðureyðslan hefir
verið hófleg a. m. k. samanborið við það, sem eytt
cr í fé víða norðanlands. Búið liefir verið vel starf-
rækt frá byrjun og þeirri góðu reglu fylgt að út-
rýma þeim einstaklingum úr stofninum, sem ekki
þrifust vel í hinum nýju heimlcynnum. Flestar
Hrafnkellsstaðaærnar eru nú afkomendur þriggja
ánna, sem upphaflega voru fluttar suður. Með þessu
móti hefir tekizt að rækta stofn, sem þrífst vel við hin
sunnlenzku skilyrði.
Hrafnkelsstaðabúið hefir gefið góðan arð og hefir