Dvöl - 01.01.1943, Blaðsíða 135

DVÖL
133
Jón Helgason blaöamaður og ritstjóri
hefur þýtt bókina.
Fjallkonuútgáfan og Prentverk Akra-
ness hafa aö sínu leyti lagt fram mynd-
arlegan skerf til þess, aö allir megi út-
gáfu Kósakkanna vel una.
H. Sœm.
Glas lœknir, eftir Hjalmar
Söderberg. Bókaútgáfa Gúöjóns
Ó. Guðjónssonar.
Sænski rithöfundurinn Hjalmar Söder-
berg hefur til þessa veriö furðu lítt kunn-
ur á landi hér, þótt hann hafi getið sér
mikinn orðstír í heimalandi sínu fyrir
ritstörf sín. Það var því vel fariö, er
helzta bók hans, Glas læknir, var valin
sem útvarpssaga. Nú er hún komin út í
snotri útgáfu Guðjóns Ó. Guðjónssonar
og getur hana að líta á boðstólum bók-
salanna.
Glas læknir er nútímasaga að ýmsu
leyti, þótt hún fjalli um vandamál, sem
ekki eru ný af nálinni. Hún er eins konar
dagbókarþættir og gerist frá 12. júní til
7. október. Misheppnað hjónaband, ástir
i meinum, vonbrigði og harmur, þetta er
rammi frásagnarinnar. Höfundurinn læt-
ur Glas lækni segja söguna en af sögu-
persónunum gætir Gregoríushjónanna
mest. Frúin ann ekki manni sínum fram-
ar hugástum og leitar aðstoðar læknis-
ins. Hann ákveöur að freista þess að
veita henni fulltingi sitt. Brátt kemst
hann að raun um, að frú Gregoríus ann
öðium manni, prestsfrúin lifir í ást í
meinum. Hann reynir aö fá mann henn-
ar, séra Gregoríus, til þess að hætta ásta-
mökum við konu sína, fyrst hennar vegna,
en allt er fyrir gýg unnið, freistingarnar
sigra guðsmanninn jafnan. Þá sendir Glas
læknir klerkinn brott til dvalar á frægum
baðstað, en strax eftir heimkomuna sæk-
ir allt í sama horl' og fyrr. Loks grípur
læknirinn til þess örþrifaráðs að ráða
klerkinum bana á eitri. En hafi sú ráð-
stöfun verið til þess gerð, að læknisfrúin
fengi notið þess manns, er hún unni, fer
því fjarri að þeim tilgangi sé náð, því um
sama leyti og bana séra Gregoríusar ber
að höndum tekur hann að' líta aðra
konu hýru auga. Hafi Glas læknir alið
ást í brjósti til prestSfrúarinnar fer því
og fjarri að draumur hans rætist. Bókinni
lýkur með harmi og lauffalli haustsins.
Glas læknir er ekki skemmtileg bók, en
hún er lærdómsrík og efnismikil. Hún
krefst íhygli og umhugsunar. Hún hefur
að geyma mörg spekiorð, þar er skiptum
skoðunum teflt fram, sálarstríö háð,
andstæður látnar eigast við og úrslit
ráðin. Hún knýr fremur til umhugsunar
en aöhláturs. En þeim, sem les hana með
athygli, mun rnikið til um hana finnast.
Hjalmar Söderberg hefur fyrst og
fremst getið sér orðstír fyrir þróttúgan og
snilli þrunginn stíl og glöggar og skarp-
legar persónulýsingar. Þessa gætir einna
bezt í Glas lækni allra rita hans. Við
lestur bókarinnar, sér maður inn í furðu-
lönd fagurs máls og listræns stíls og ör-
lög persónanna, sem koma fram á svið
frásagnarinnar, taka hugann fanginn.
Þórarinn Guðnason læknir hefur þýtt
Glas lækni og tekizt með miklum ágæt-
um. Töfrar hins sérstæða stíls Söderbergs
mást hvergi, og þar sem vandinn er
mestur tekst Þórarni bezt. Frágangur
bókarinnar frá hálfu útgefanda og prent-
smiðju er til sóma.
H. Sœm.
Tveir menn ræddust við og var
annar kennari. Ræddu þeir um
kennslumál og voru ekki á einu
máli um þau. Kennarinn sló botn
í umræðurnar með þessum oröum:
Ég er að vísu ekki maður prófhár,
en ég er maður barngóður.
*
Mamma: Helgi minn, hversvegna
er manni það fyrir beztu, að segja
alltaf sannleikann?
Helgi: Þá þarf maður ekki alltaf
að vera að hugsa um það, sem
maður hefir sagt.