Valsblaðið - 01.05.1991, Blaðsíða 23

FLOKI
GUÐMUNDS-
SON
Leikmaður með 10.
flokki í körfubolta
Flóki er 15 ára og er í Hlíðaskóla. Hann
byrjaði að æfa körfubolta 11 ára gamall og
þurftu vinir hans að draga hann með sér á
fyrstu æfinguna. Hann valdi Val af því að
liðið var í hverfinu þegar að hann bjó í
Hlíðunum. Síðustu 3 árin hefur hann
búið í Mosfellsbæ en æfir áfram af fullum
krafti með Val. Hann leikur sem skot-
bakvörður og líst bara vel á veturinn
framundan.
„Við erum með betra lið en í fyrra og
mjög góðan þjálfara, Tómas Holton,
þannig að við ættum að geta náð langt.
Helstu andstæðingar okkar í A-riðli
verða örugglega Grindvíkingar og Njarð-
víkingar en við ætlum að komast í toppb-
aráttuna. I A-riðlinum eru 5 lið og fellur
eitt þeirra og eitt lið kemur upp úr B-
riðlinum. í okkar flokki eru um 15 strákar
sem æfa reglulega. Við höfum ekki fengið
nógu marga æfingatíma að mínu mati en
það stendur til bóta.“ Flóki hefur aldrei
æft aðrar íþróttir og segist vera rnjög sátt-
ur við körfuboltann.
— Fylgistu með NBA boltanum?
„Já, af miklum áhuga. Ég læt taka alla
leikina upp fyrir mig af því að við eigum
ekki afruglara. Utah Jazz er uppáhalds-
liðið mitt og John Stockton minn uppá-
haldsleikmaður.“
— Hvað með framtíðaráformin?
„Ég er nú ekki búinn að ákveða neitt
en eins og staðan er í dag hef ég áhuga á
að læra sjúkraþjálfun og jafnvel að verða
þjálfari. Auðvitað væri gaman að komast
til Bandaríkjanna í skóla og spila körfu,
en það er bara draumur ennþá,“ sagði
Flóki.
KJARTAN
HJÁLMARS-
SON
Leikmaður 2. flokks
í fótbolta
Kjartan er 16 ára og lék með 3. flokki
Vals í sumar en er nú genginn upp í 2.
flokk. Hann byrjaði 9 ára að æfa fótbolta
og þá með Leikni. Hann lék einnig um
tíma með Fram en 13 ára byrjaði hann að
æfa með Val og hefur verið þar síðan.
Hann er nemandi í Verslunarskólanum
og er stefnan sett á stúdentspróf en fram-
haldið er óráðið. „Okkur gekk ágætlega í
sumar, við lentum í öðru sæti á íslands-
mótinu en eitthvað neðar á Reykjavíkur-
og Haustmótinu. Við æfðum þrisvar til
fjórum sinnum í viku í sumar og nú erum
við tvisvar í viku innanhúss. Pjálfarinn
okkar í sumar var Magnús Þorvaldsson
og nú tekur Kristinn Björnsson við í 2.
flokki, báðir ágætismenn. Ég leik alltaf
sem miðvörður og líkar það mjög vel.
Næsta sumar verðum við flestir á yngsta
ári í 2. flokki þannig að það gæti orðið
erfitt sumar, en við erum bjartsýnir.“
Kjartan æfir handbolta með Leikni á
veturna. „Þegar kemur að því að gera
upp á milli vel ég örugglega fótboltann.“
— Áttu þér einhverja fyrirmynd í fót-
boltanum?
„Það er þá helst Jón bróðir minn sem
spilar með Leikni.“
— Haldið þið eitthvað hópinn félag-
arnir í Val?
„Já við förum stundum saman í bíó
eftir æfingar en annars hittumst við nú
ekki mikið fyrir utan æfingarnar," sagði
Kjartan að lokum.
BJARNI
GRÍMSSON
Leikmaður með 3.
flokki í handbolta
Bjarni er 15 ára og er á fyrra ári í 3.
flokki. Hann stundar nám í Æfingadeild-
inni og segir það líklegt að hann eigi eftir
að fara í MH en hvað hann langar til þess
að læra eftir það er óráðið. Bjarni leikur í
vinstra horninu og hefur verið f Val frá
því í 5. flokki.
„Mér líst mjög vel á tímabilið sem er nú
nýbyrjað. Liðið okkar er mjög gott og
ættum við að geta hirt alla titlana. Byrj-
unin lofar góðu, við höfum enn ekki tap-
að leik, hvorki í Reykjavíkur- eða Is-
landsmóti, þannig að það er bara að
halda áfram á sömu braut. Helstu and-
stæðingar okkar í vetur verða sennilega
Vestmannaeyingar og Framarar. Við er-
um með mjög góða þjálfara, þá Mikael og
Egil Sigurðsson og æfum þrisvar til fjór-
um sinnum í viku.“
Bjarni stundar ekki aðrar íþróttir en
handbolta núorðið en stundaði fótbolta
og borðtennis þegar hann var yngri. En
Bjarni á sér annað áhugamáþ, hann spilar
í hljómsveit, á trommur. „Ég hef mjög
gaman af að spila með hljómsveitinni sem
enn hefur ekki hlotið nafn. Við æfum
yfirleitt tvisvar í viku og spilum auk þess á
böllurn. Þetta fer ágætlega með handbolt-
anum en það er ekki tími fyrir mikið ann-
að.“
— Áttu þér einhverja uppáhaldsleik-
menn í handboltanum?
„Já, Geir Sveins, Jakob, Valdimar og
Finn, auðvitað allir Valsmenn, sem ég
held að eigi eftir að gera góða hluti á
íslandsmótinu í vetur,“ sagði Bjarni að
lokum.
23