Valsblaðið - 01.05.1991, Blaðsíða 42

Úrvalsdeildarlið Vals í körfuboita 1991-1992. Aftari röð frá vinstri: Sveinn Zoega, Matthías Matthíasson, Símon Ólafsson, Magnús
Matthíasson, Arnar Guðmundsson, Svali Björgvinsson, Vladimir Obokov, fyrrum þjálfari. Fremri röð frá vinstri: Tómas Holton,
þjálfari, Ragnar Jónsson, Skúli Skúlason, Frank Booker, Ari Gunnarsson, Guðni Hafsteinsson.
menn sem sýna störfum sínum mikinn
áhuga og ég held að það sé engin spurning
að það skilar sér í betra uppbyggingar-
starfi.“
— Eru fleiri í yngri flokkunum núna,
heldur en voru þegar þú varst þar?
„Nei, ég er ekki viss um það. Þegar ég
var í yngri flokkunum var körfuboltinn í
mikilli uppsveiflu og naut hylli, m.a. sök-
um þess að þá voru útlendingar farnir að
leika með úrvalsdeildarliðunum. Það
kann þó að vera að iðkendafjöldinn sé
eitthvað að aukast, en ég er ekki maður
til að segja til um það vegna þess að ég hef
lítið fylgst með þessu sökum dvalar minn-
ar í Bandaríkjunum.
Ég held þó að körfuboltinn hérna sé í
uppsveiflu. Deildarkeppnin er orðin ntun
betri en hún hefur verið og fólk er farið að
hafa gaman af því að fara og sjá góða
körfuboltaleiki. Einnig held ég að aukinn
áhugi sjónvarpsstöðvanna á körfubolta
skili sér í því að áhorfendur mæta á áhorf-
endapallana og t.d. eru margir sem fylg-
ast með sýningum Stöðvar 2 á NBA-
körfuboltanum."
— Hvað má fara betur í þjálfun yngri
flokkanna? ___
„Að mínu mati mætti leggja meiri
áherslu á varnarleik, í þjálfun yngri flokk-
anna. Ég held að munurinn á íslenskum
körfubolta og þeim, sem ég sá í Banda-
ríkjunum, sé fyrst og fremst sá að varnar-
leikurinn hér á landi er mun slakari. Hér
á landi eru leikmenn sem eru ágætar
skyttur en góðir varnarleikmenn eru aft-
ur á móti vandfundnir."
— Er íslenskur körfubolti á réttri leið?
„Já, ég held að svo sé. Við eigum
marga góða leikmenn um þessar mundir
og ég fæ ekki betur séð en að margir
efnilegir leikmenn séu að koma inn í bolt-
ann. Ég held að þjálfunin sé einnig sífellt
að færast í betra form og því held ég að
segja megi að körfuboltinn sé á réttri
leið."
— Heldurðu að það myndi auka vegs-
emd íslenska körfuknattleiksins hér á
landi, ef tveir erlendir leikmenn mættu
leika með sama liðinu?
„Ég er ekki viss um það. Þegar tveir
erlendir leikmenn eru farnir að leika með
liði, kann það að taka eitthvað frá ís-
lensku leikmönnunum. Annars er erfitt
að segja nákvæmlega til um það fyrr en
rnaður hefur séð þetta að eigin raun.“
— Höfum við verið heppnir með val á
útlendingum?
„Ég held að þeir hafi verið jafn mis-
jafnir og þeir hafa verið margir. Sumir
þeirra hafa verið mjög góðir og aðrir hafa
alls ekki staðið undir væntingum. Það er
svo mikið happdrætti þegar lið eru að fá
til sín erlenda leikmenn, þar sem farið er
eftir umsögnum um leikmennina og
menn geta ekki metið þá með eigin aug-
um. Þó svo að flestir þessara manna séu
mjög færir einstaklingar, er ekki þar með
sagt að þeir falli inn í liðsheildir — það
sem körfuboltinn gengur mest út á.
Ef ég ætti að nefna einhverja sem mér
finnst hafa staðið sig myndi ég benda á
Rondey Robertson, sém lék með Njarð-
víkingum í fyrra, en þar er frábær leik-
maður á ferð. Einnig finnst mér Frank
Booker, sem lék með ÍR í fyrra og nú
með okkur, góður leikmaður. Hanh hef-
ur enda vakið gríðarlega athygli fyrir
ótrúlega góða hittni — miklu betri en við
eigum að venjast."
— Nú varstu valinn besti leikmaður
úrvalsdeildarinnar í fyrra. Kom það þér á
óvart?
„Já, ég get ekki sagt að ég hafi búist við
því að vera valinn besti leikmaðurinn. Ég
gerði mér vissar vonir um það að verða
valinn besti nýliðinn, en þessi viðurkenn-
ing, sem ég fékk, finnst mér ómetanleg.
Það er góð tilfinning að sjá þá uppskeru
eftir erfiðan vetur að vera valinn besti
leikmaður úrvalsdeildarinnar, af leik-
mönnum úrvalsdeildarinnar. Ég reiknaði
frekar með því að sá sem hlyti nafnbótina
kæmi frá einhverju þeirra liða sem unnu
til titla á síðasta ári og voru með betri
útkomu úr leikjum vetrarins en við Vals-
menn."
Magnús er ekki laus við meiðsli, þótt
þau hái honum lítið í leik hans. „Ég leik
með spelkur á báðum ökklunum og finn
það að annar ökklinn er laus í sér. Ég hef
vanist að spila með spelkurnar og þær há
mér ekki svo að teljandi sé.“
— Hvað er til ráða til að auka aðsókn
áhorfenda að Hlíðarenda á körfubolt-
ann?
„Við þurfum einfaldlega að standa
okkur betur. Valsmenn hafa úr góðum
liðum að velja í fótboltanum og handbolt-
anum og það er staðreynd að Valsmenn
eru kröfuharðir. Ég er nokkuð viss um
það að þegar við förum að vinna fleiri
leiki og standa okkur betur fara fleiri að
styðja við bakið á okkur hér á Hlíðar-
42