Valsblaðið - 01.05.1991, Blaðsíða 25

HJORDIS
SÍMONAR-
DÓTTIR
Leikmaður 2. flokks
í fótbolta
Hjördís er 15 ára og er búin að vera í
þrjú ár í Val. Hún byrjaði ferilinn 10 ára
hjá Fylki en þegar kvennafótboltinn var
lagður niður hjá Fylki fór hún til Vals og
sér ekki eftir því. Hún stundar nám í
Foldaskóla í vetur en segist ekki ákveðin í
hvaða framhaldskóla hún ætli en senni-
lega verður Fjölbrautaskólinn í Breið-
holti fyrir valinu. Pað minnisstæðasta frá
síðasta sumri var þegar hún var valin í
landslið Islands 16 ára og yngri.
„ Við fórum til Finnlands og tókum þátt
í Norðurlandamótinu og það var alveg
meiriháttar gaman. Þetta var mjög erfitt,
tvær æfingar á dag og einn leikur. Við
unnum Svía og Finna en lentum í 5. sæti
þegar upp var staðið. í þessu liði voru
þrjár stelpur frá Val. Ég spila alltaf á
hægri kanti. Okkur gekk ágætlega í ís-
landsmótinu, lentum í 3. sæti í okkar riðli
á eftir Tý og Breiðabliki. Ég missti því
miður af leikjum við bæði þessi lið vegna
þess að ég fór í frí til Spánar. Ingvar Guð-
mundsson var þjálfarinn okkar í sumar og
stóð sig mjög vel. Við æfðum þrisvar í
viku í sumar sem er of lítið, mér finnst
lágmark að æfa fjórum sinnum. Núna er-
um við að byrja að æfa inni, undir stjórn
Einars Páls Tómassonar, tvisvar í viku í
litla salnum en það væri gaman að fá
stundum að æfa í stóra salnum. Við erum
um 20 stelpur sem æfum og er það mjög
samrýmdur hópur sem gaman er að vera
í 44
Hjördís stundaði frjálsar íþróttir þegar
hún var yngri en núna er það fótboltinn
og skíðin sem hún hefur mestan áhuga á.
Uppáhaldsleikmaðurinn hennar á íslandi
er Sævar Jónsson og erlendis eru það
Ruud Gullit og Roberto Baggio sem hún
heldur mest upp á.
BERGUR
EMILSSON
Leikmaður 10. flokks
í körfubolta
Bergur er 15 ára og byrjaði að æfa
körfubolta fyrir 6 árum. Hann fór í Val af
því að vinur hans æfði þar og líkar honum
mjög vel hjá félaginu. Hann stundar nám
í Laugalækjarskóla en er ekki viss um
framhaldið en eins og flesta unga körfu-
boltamenn dreymir hann um að komast
til Bandaríkjanna á skólastyrk og spila
körfubolta.
„Mér líst mjög vel á liðið okkar og
þjálfarann, Tómas Holton. Við töpuðum
að vísu fyrir KR á Reykjavíkurmótinu og
unnum 1R en við getum gert mikið betur
en við sýndum þar. íslandsmótið byrjar
svo 16. nóvember og erum við ákveðnir í
að standa okkur þar. Ég hef leikið allar
stöður en núna leik ég mest sem miðherji.
Við æfum fjórum sinnum í viku og oftast
bara klukkutíma í senn, sem er allt of
lítið. Við erum að vonast eftir fleiri tím-
um.“
— Æfirðu einhverjar aðrar íþróttir?
„Já ég æfði fótbolta með Víkingi í sum-
ar en ég er ekki viss um að halda því
áfram því að nú verður maður að fara að
velja á milli og eins og er hef ég meiri
áhuga á körfuboltanum.“
— Fylgistu með NBA boltanum í sjón-
varpinu?
„Já mér finnst mjög gaman að horfa á
leikina, það besta er hvað margir eru
farnir að hafa áhuga á körfubolta eftir að
hafa horft á NBA í sjónvarpinu.“
— Hvernig líst þér á meistaraflokkslið-
ið í vetur?
„Þeir eru með mjög gott lið þó að byrj-
unin hafi ekki verið góð en þeir eru með
nógu gott lið til þess að komast í úrslita-
keppnina."
HRUND
EINARSDÓTT-
IR
Leikmaður 4. flokks
í handbolta
Hrund er 14 ára og stundar nám í Aust-
urbæjarskólanum. Hún byrjaði 12 ára að
æfa handbolta og hefur alltaf verið með
Val. Hún æfir bæði með 4. og 3. flokki og
er þar af leiðandi á æfingum alla daga og
stundum tvisvar á dag. „Það er stundum
erfitt af því að það er mikill munur á
flokkunum en mér finnst ég hafa mjög
gott af því að æfa með 3. flokki. Ég hef
spilað í báðum hornunum og stundum
fyrir utan líka. Þjálfararnir í 4. flokki
heita Kristín og Berglind en í 3. flokki
þjálfar Mikael okkur og líkar mér mjög
vel við þau öll.“
Hrund segist hafa áhuga á mörgum
íþróttum, t.d. æfir hún sund tvisvar í viku
og henni finnst rnjög gaman að fara á
skíði og að renna sér á skautum.
— Hvernig hefur gengið nú í byrjun
tímabilsins í handboltanum?
„Ekkert voðalega vel. Við töpuðum
öllum leikjum okkar í fyrstu umferðinni á
Islandsmótinu en í seinni umferð Reykja-
víkurmótsins unnum við tvo leiki og spil-
uðum við miklu betur þar. Við erurn bún-
ar að læra heilmikið á þessum stutta tíma
og erum orðnar mun betri en þegar við
byrjuðum."
— Áttu þér einhverja uppáhaldsleik-
menn í handboltanum, karla og kvenna?
„Ég held mest upp á Valdimar og Finn
hjá körlunum en ég fylgist ekki svo mikið
með konunum að ég geti nefnt einhverja
þar.“
Hrund segir það líklegt að hún fari í
MR af því að hún býr mjög nálægt skólan-
um en hún er ekkert farin að hugsa um
hvað hana langartil að læra íframtíðinni.
25