Valsblaðið - 01.05.1991, Blaðsíða 62

í MINNINGU LATINNA VALSMANNA
MAGNÚS
GUÐBRANDSSON
f. 04.01.1896
d. 23.10.1991
Magnús Guðbrandsson, fyrrverandi
fulltrúi, andaðist 23. október síðastlið-
inn, 95 ára að aldri. Með Magnúsi er
genginn einn af frumherjum Vals en hann
var einn fjölmargra ungra drengja úr
KFUM sem skipuðu sér í raðir Vals-
manna eftir stofnun félagsins árið 1911.
Magnús hóf knattspyrnuferil sinn með
Hvati, sem var deild innan KFUM, en
Hvatur sameinaðist Val skömmu eftir
stofnun félagsins. Hann lék með ung-
lingaliðum Vals næstu árin og var á árun-
um 1914-1919 einn af bestu knattspyrnu-
mönnum landsins. Árið 1919 var hann
valinn í fyrsta úrvalslið íslenkra knatt-
spyrnumanna og lék á móti danska liðinu
ÁB. Pað var fyrsta erlenda knattspyrnul-
iðið sem kom í heimsókn til Islands. Það
þótti merkur viðburður að íslenska liðið
fór með sigur af hólmi en dönsku leik-
mennirnir afsökuðu sig og sögðu að
ástæðan fyrir tapinu væri sú að þeim hefði
verið boðið á hestbak daginn fyrir leik-
inn, eins og frægt er orðið.
Árið 1918 varð Magnús formaður Vals
og gegndi því starfi í tvö ár. Jafnframt því
að vera formaður þjálfaði hann annan
aldursflokk með þeim árangri að flokkur-
inn sigraði í knattspyrnumóti sumarsins
1919. Það var fyrsti sigur Vals í knatt-
spyrnumóti og þar með var brotið blað í
sögu félagsins.
Skömmu eftir að Magnús hætti sem
formaður fór hann að leika með öðru
félagi í skamman tíma. Enda þótt leiðir
hans og Vals skildu var hann ávallt Vals-
maður í hjarta sínu. Það kom berlega í
ljós eftir að hann var tilnefndur í fulltrúa-
ráð Vals skömmu eftir stofnun þess. í
fulltrúaráðinu var Magnús ávallt má-
lefnalegur, tillögugóður og fylginn sér í
niálum sem hann taldi að gætu orðið Val
til framdráttar og stuðlað að sterkara og
þróttmeira félagi.
Þetta sýndi hann eftirminnilega í verki
þegar hann færði Val veglega peningagjöf
við vígslu nýja íþrótthússins árið 1987.
Á þessu ári, þegar Valsmenn fagna 80
ára afmæli félagsins, ersagan gjarnan rifj-
uð upp og þá einkum upphafsárin. Þar
komu margir við sögu sem með störfum
sínum, í þágu félagsins, mörkuðu tíma-
mót sem ávallt verður minnst. Einn
þeirra var Magnús Guðbrandsson.
Blessuð sé minning hans.
Þórður Þorkelsson
VALGEIR HAUK-
DAL ÁRSÆLSSON,
SENDIHERRA
f. 12.07.1929
d. 21.10.1991
KVEÐJA FRÁ VAL
í hverju hádegi hittist hópur Vals-
manna á veitingahúsinu Torfunni í mið-
bæ Reykjavíkur. Nú á haustdögum barst
hópnum sú frétt að Valgeir væri dáinn.
Fyrr í sumar kom Valgeir á Torfuna og
heilsaði upp á gamla hópinn, sem hann
tilheyrði um árabil. Þá var eins og við
hefðum hist í gær. Gamlar handboltasög-
ur voru rifjaðar upp og undirritaður veitti
því enn athygli hve sterkar taugar bundu
Valgeir við félagið okkar.
Það er eðlilegt að ungir Valsmenn
þekki lítið til Valgeirs. Hans miklu störf
fyrir félagið voru unnin á 6. og 7. tug
þessarar aldar. Valgeir var virkur félagi í
Val frá barnsaldri og lék um árabil með
handknattleiksliðum félagsins — þjálfaði
jafnt karla- og kvennalið. Síðast en ekki
síst gaf Valgeir kost á sér f félagsstörf hjá
Val og sat í aðalstjórn Vals á árunum
1957-1961. Hann sat í stjórn HKRR árið
1958. Valgeir var í forystusveit íslepsks
handknattleiks, sem stjórnarmaður í
HSÍ, allt til ársins 1972, þar af var hann
formaður HSÍ síðustu tvö árin.
Allan þennan tíma átti Valur verðugan
fulltrúa, ráðgjafa og vin í Valgeiri. Við,
keppnismenn félagsins á þessum árum,
gátum alltaf leitað til Valgeirs þegar eitt-
hvað bjátaði á. Valgeir var maðurinn sem
átti ráð undir rifi hverju og stóð vörð um
hagsmuni Vals, þó aldrei án þess að gæta
hófs og heiðarleika.
Það kom undirrituðum ekki á óvart
þegar Valgeir réðst til starfa sem kröfðust
þeirra hæfileika sem prýddu Valgeir í svo
ríkum mæli. Hann varð, er tímar liðu,
einn farsælasti sérfræðingur þjóðarinnar í
aþjóðaviðskiptasamningum og dvaldi af
þeim sökum langdvölum erlendis. At-
vinna Valgeirs leiddi til þess að leiðir
hans og Vals skildu miklu fyrr en Valur
hafði kosið. Mér er þó kunnugt um að
Valgeir fór aldrei svo langt í burtu að
hann fylgdist ekki með hvernig Val vegn-
aði, utan vallar sem innan.
Undirritaður vill með þessum fátæk-
legu orðum þakka Valgeiri, fyrir hönd
Vals, fyrir hans óeigingjarna starf fyrir
félagið um áratuga skeið. Jafnframt
þakka ég Valgeiri fyrir persónuleg kynni
sem aldrei bar skugga á. Valgeir var tví-
mælalaust einn besti drengur sem ég hef
kynnst.
Valur vottar eiginkonu Valgeirs og
börnum þeirra dýpstu samúð og þakkar
innilega fyrir fórnfúst starf Valgeirs í
gegnum öll árin.
Bergur Guðnason
62