Valsblaðið - 01.05.1991, Blaðsíða 17

Texti: Ellen
Sigurður Lárus Hólm
fyrrum formaður körfu-
knattleiksdeildar Vals og
varaformaður félagsins
Ingvadóttur
r
í
HVER ER VALSMAÐURINN?
„SÁ VAL FYRST í
GEGNUM STRIGASKÓNA“
Valsmaðurinn að þessu sinni kemur frá
Stykkishólmi. Hann er Hólmari sem kom
til Reykjavíkur í framhaldsskólanám og
til að spila körfubolta. Hann gerði meira
en það vegna þess að þegar keppnisferlin-
um lauk tóku við viðamikil stjórnunar-
störf í körfuboltadeildinni og síðan í aðal-
stjórn Vals. Hann var varaformaður fé-
lagsins starfsárið 1990 til 1991. Hann heitir
Sigurður Lárus Hólm, kallaður Lárus.
TILVILJUN AÐ ÉG FÓR í VAL
„Ég fæddist árið 1955 í Stykkishólmi,"
segir Lárus, þegar við höfum komið okk-
ur fyrir á fallegu heimili hans og konu
hans, Jóhönnu Bárðardóttur, á Lang-
holtsveginum. „Ég ólst upp í Hólminum
hjá móður minni. ömmu og afa, gekk þar
í barna- og gagnfræðaskóla og fékk
snemma áhuga á íþróttum. Leiðin lá
beint í körfuna. “ Er það vegna hæðarinn-
ar? Hann hlær dátt en kannast ekki beint
við það.
Lárus segir að í Stykkishólmi sé körfu-
boltinn mjög vinsæll. Það helgast af því
að karfan krefst ekki jafn mikils húsnæðis
og aðrar boltaíþróttir. „Þegar ég var að
alast upp í Hólminum var ekki óalgengt
að strákar færu í körfuna um svipað leyti
og þeir byrjuðu í skóla. Þarna hafa verið
margir góðir íþróttakennarar og sumir
mjög körfuboltasinnaðir." Við spyrjum
Lárus hvenær hann hafi byrjað að keppa í
körfunni fyrir alvöru. „Það var reyndar
ekki fyrr en ég kom í Val. Auðvitað
keppti ég áður, en alvaran kom fyrst í
spilið þegar ég gekk í Val.“
Lárus segir að innganga hans í Val hafi
verið nokkuð háð tilviljunum. „Þegar ég
kom til Reykjavíkur, um haustið 1971, til
að fara í Menntaskólann í Reykjavík lenti
ég í bekk með tveimur Valsmönnum.
Annar er Torfi Magnússon körfubolta-
maður og hinn er Grímur Sæmundsen
sem var í fótboltanum. Þetta eru prýðis-
drengir og með okkur tókst fljótlega vin-
átta. Eitt leiddi af öðru og áður en ég vissi
af var ég farinn að æfa körfu með Val.
Auðvitað hafði ég hugsað um önnur félög
þegar ég kom til Reykjavíkur en vináttan
við Torfa og Grím réði því að ég fór í
Val." Lárus rifjar einnig upp að hann bjó
nálægt Grími í Norðurmýrinni á skólaár-
unum og var því Grímur fyrsti félagi hans
í Val utan körfuboltadeildarinnar. „Þeir
eru orðnir margir félagarnir síðan en sem
fyrstu kynningu af Val er vart hægt að
hugsa sér betri drengi en Torfa og Grím.
„Ég byrjaði í þriðja flokki,“ segir hann,
Lárus Hólm ásamt samstarfsmanni á
Verkfræðistofunni Línuhönnun.
„en árið 1972 fór ég að spila með meist-
araflokki Vals. Þetta voru skemmtileg og
lærdómsrík ár. Ég spilaði með meistara-
flokknum á menntaskólaárunum og einn-
ig á meðan ég var í Háskóla íslands. Nú,
ég hætti síðan að spila vorið 1979 vegna
17