Fréttablaðið - 12.06.2010, Blaðsíða 22
22 12. júní 2010 LAUGARDAGUR
sem listamaður. Fram að því segir
hann fólk hafa verið mjög duglegt
við að vara hann við skemmtana-
bransanum. „„Það er engin framtíð
í þessu. Ætlarðu að lifa á einhverj-
um kvöldskemmtunum endalaust?“
var algengt að heyra,“ segir Jón.
Gæti leikið sjálfan mig vel
Verðandi borgarstjóri hefur verið
einn allra vinsælasti skemmti-
kraftur landsins undanfarin ár
og því eðlilega með mýmörg verk-
efni í bígerð á hverjum tíma. Þegar
nánustu framtíð nokkurra þessara
verkefna bar á góma í fjölmiðlum
í vikunni kom í ljós að samstarfs-
menn Jóns búast ekki við öðru en
að þau þurfi að bíða betri tíma
vegna borgarstjórastarfsins, enda
sé það ríkt í eðli Jóns að sökkva sér
ofan í hvert það verkefni sem hann
tekur sér fyrir hendur og sinna því
af fullum krafti.
Jón samsinnir því og segist
jafnframt eiga afar auðvelt með
að vinna með fólki og hafa gaman
af því. „Það helgast að miklu leyti
af því hversu vel ég treysti þeim
ég vinn með. Það er alltaf „You
had me at hello“ þangað til fólk
sýnir mér einhverja aðra hlið á
sér, en þá er ég líka mjög fljótur
að bregðast við því. Þetta er mjög
árangursrík vinnuaðferð og mér
hefur tekist að verða prímus mótor
í flestu því sem ég hef tekið mér
fyrir hendur, keyrt hlutina áfram.
Ég sé ekkert því til fyrirstöðu að
ég geti líka orðið drifkrafturinn
í borgarstjóraembættinu, því þar
getur maður látið margt gott af sér
leiða.“
Hann óttast ekki að nýfengin
áhrifastaða leiði til þess að fólk
fari að koma fram við hann á annan
hátt, eins og oft vill verða, og fagn-
ar þeirri nýbreytni að nú sé komið
að öðrum að sýna hann í spéspegli
en ekki öfugt eins og verið hefur.
„Margir hafa til dæmis velt því
fyrir sér hver komi til með að leika
mig í áramótaskaupinu. Ég hef
þegar boðist til að gera það sjálf-
ur, enda hugsa ég að ég gæti gert
það mjög vel. Það að vinna með
Sigurjóni Kjartanssyni í tuttugu
„Það að vinna með
Sigurjóni Kjartans-
syni í tuttugu ár hef-
ur gert það að verk-
um að ég er ekkert
sérstaklega hörunds-
sár og viðkvæmur,
enda getur hann ver-
ið mjög hreinskilinn.“
FRAMHALD Á SÍÐU 24
É
g snæddi morgun-
verð hér í morgun og
að því loknu vatt sér
að mér útlensk kona
hér í afgreiðslunni og
sagði „I am Stürmen-
stein“. Ég kinkaði kolli og heilsaði
og þá kom þetta aftur, „I am Stür-
menstein!“ og ég muldraði „ókei,
great,“ og fannst þetta eitthvað
undarlegt. Þá kom upp úr kafinu að
hún hélt að ég væri leigubílstjór-
inn sem væri kominn að ná í sig.
Þá fór ég að hugsa hvort það væri
kannski kominn tími til að skipta
yfir í jakkaföt,“ segir Jón Gnarr
þegar blaðamaður sest niður með
honum á veitingastaðnum Fjala-
kettinum á Hótel Reykjavík í Aðal-
stræti, gegnt Fógetagarðinum og
gamla Miðbæjarmarkaðshúsinu
sem hýsir meðal annars kosninga-
skrifstofu Besta flokksins.
Samkvæmt hefðinni væru
umskipti yfir í sparilegri klæði
sannarlega skammt undan hjá Jóni,
sem tekur formlega við embætti
borgarstjóra Reykjavíkur næsta
þriðjudag, en borgarfulltrúar
Besta flokksins hafa þó ekki farið
leynt með þær fyrirætlanir sínar
að láta ekki gamlar venjur þvæl-
ast um of fyrir sér í störfum sínum
í borginni.
Borgin ekki eins og Enron
Það hefur verið mikið að gera hjá
borgarstjóranum tilvonandi síð-
ustu daga og vikur og skyldi engan
undra. Fyrir liggur að leggja loka-
hönd á málefnasamning við Sam-
fylkinguna, kynna sér starfsregl-
ur borgarinnar og stjórnsýslu,
hitta fólk og taka afstöðu til ótal
margra hluta sem Jón segir sig og
félaga sína ekki vita neitt um og
aldrei hafa skipt sig nokkru einasta
máli. Þá bíða fjölmiðlar í röðum
eftir viðtölum, jafnt innlendir sem
erlendir.
„Ég er hægt og rólega að sjá
heildarmyndina af starfinu,“ segir
Jón og bætir við að hann langi til
að breyta ýmsu varðandi embættið.
„Mér finnst þetta allt mjög spenn-
andi og viðráðanlegt. Þar leikur
sá fjöldi góðs fólks sem vinnur hjá
borginni stórt hlutverk. Reykja-
víkurborg er ofsalega vel unnið og
vandað apparat, þetta er ekkert í
líkingu við Enron eða neitt slíkt,
og ég treysti öllu þessu fólki mjög
vel.“
Vel búinn undir starfið
Hann segist ævinlega spenntur
fyrir nýjum verkefnum, þannig
hafi það einfaldlega alltaf verið,
og er sannfærður um að með öllum
þeim störfum sem hann hefur
unnið um ævina hafi hann búið í
haginn fyrir borgarstjórastarf-
ið. Reynslan hafi kennt honum að
búast ávallt við hinu besta en vera
jafnframt búinn undir hið versta.
„Ég hef aldrei verið neitt sérstak-
lega hræddur við neitt. Þetta er
allt spurning um viðhorf,“ segir
hann.
Á unglingsárum starfaði Jón
aðallega við garðyrkju, hafði mik-
inn áhuga á þeirri iðju og lang-
aði að læra til skrúðgarðafræð-
ings. Um tvítugt tók svo við hjá
honum tímabil sem gæslumað-
ur á geðdeildum Landspítalans,
Borgarspítalans og Kópavogshæl-
is og minnist Jón þess tíma með
talsverðri hlýju.
„Sem gæslumaður var ég á mjög
lágum grunnlaunum og sá í raun
fyrir mér með stanslausum auka-
vöktum og næturvöktum. Það var
mikill skortur á fólki í þessi störf
og ég fann frábæra leið til að auka
tekjurnar, en hún gekk út á að
lækka starfshlutfallið mitt niður í
fimmtíu prósent og vinna svo allt
í yfirvinnu. Það var fljótt að koma
því ég var alltaf að vinna, oft tvær
til þrjár vaktir í röð,“ segir Jón.
Yfirvinnukaupsælan entist þó
ekki lengi því nokkrum árum
síðar var sett á yfirvinnubann á
spítölunum. Um leið varð erfið-
ara fyrir ungt par með tvö börn
að ná endum saman, að sögn Jóns,
sem þá brá á það ráð að flytjast
með fjölskyldunni til Svíþjóðar
eins og margt ungt fólk gerði á
þessum tíma, í kringum 1990. Þar
vann hann í verksmiðjum Volvo
í Gautaborg í tvö ár uns hann
sneri heim til að starfa sem með-
ferðarráðgjafi fyrir ungt fólk í
neyslu og loks sem leigubílstjóri
í Reykjavík.
„Þá fór ég meira út í grínið og
leiklistina, byrjaði í útvarpinu
með Sigurjóni Kjartanssyni en var
í öðrum störfum samhliða. Til að
mynda fékk ég vinnu hjá fyrirtæk-
inu Garðaprýði við að standsetja
lóðina fyrir Hitaveitu Suðurnesja.
Þegar keyrt er upp á Svartsengi
blasa við grjóthleðsluveggir sem
ég hlóð ásamt nokkrum öðrum,“
segir Jón.
Það var ekki fyrr en útvarps-
þættirnir Tvíhöfði slógu í gegn
á árunum 1996 til 1997, og Fóst-
bræðraþættirnir í sjónvarpinu
í kjölfarið, sem Jón sá fram á að
geta séð sér og sínum farborða
Aldrei verið
hræddur við
neitt
Líklega hafa borgarstjóraskipti aldrei vakið viðlíka
athygli og nú eftir sigur Besta flokksins í kosning-
unum í lok maí. Kjartan Guðmundsson ræddi við
verðandi borgarstjóra Reykjavíkur, Jón Gnarr, um
nýja starfið, árin á Hlemmi og fjölskylduna stóru.
FR
ÉTTA
B
LA
Ð
IÐ
/VA
LLI
NÝR VETTVANGUR „Ég skipti fólki
í tvo hópa, þá sem eru gefandi og
þá sem eru ekki gefandi. Þeir sem
eru ekki gefandi eru yfirleitt reiðir
eða hræddir, en ég tel sjálfan mig
vera mjög gefandi manneskju
með ríka réttlætiskennd.“
GNARR Í GEGNUM TÍÐINA Segja má að Jón Gnarr hafi verið nánast stöðugt fyrir augum almennings frá því að útvarpsþættirnir Tvíhöfði, sem hann stjórnaði ásamt Sigurjóni Kjartanssyni,
slógu í gegn um miðbik tíunda áratugar síðustu aldar. Margt af því sem verðandi borgarstjóri hefur gert hefur notið gríðarlegra vinsælda eins og sjónvarpsþættirnir Fóstbræður, Vaktarþáttaraðirnar, kvik-
myndin Bjarnfreðarson og nú síðast Besti flokkurinn.