Fréttablaðið - 12.06.2010, Blaðsíða 86
54 12. júní 2010 LAUGARDAGUR
sport@frettabladid.is
FÓTBOLTI Sky Sports greindi frá
því í gær að samkvæmt heimild-
um þess mun Eiður Smári Guð-
johnsen ganga formlega í raðir
Tottenham á næstu tveimur
vikum. Hann er nú á mála hjá AS
Monaco í Frakklandi en var lán-
aður til Tottenham á síðari hluta
nýliðins tímabils.
Fram kemur að Harry Red-
knapp, stjóri Tottenham, vilji
halda Eiði Smára í röðum félags-
ins en liðið hefur tryggt sér þátt-
tökurétt í Meistaradeild Evrópu
á næstu leiktíð.
Eiður Smári á langan feril að
baki í úrvalsdeildinni en hann lék
með Chelsea í sex ár. - esá
Sky Sports um Eið Smára Guðjohnsen:
Fer aftur til Tottenham
HANDBOLTI Íslenska landsliðið í
handbolta spilar næstu leiki sína
á heldur framandi slóðum. Liðið
leggur upp í um 30 klukkustunda
ferðalag til Brasilíu þar sem það
leikur tvo æfingaleiki í næstu
viku.
Liðið fer út á sunnudaginn og
flýgur til Frankfurt í Þýskalandi,
þar sem það þarf að bíða í tíu
klukkutíma. Þaðan fara strákarn-
ir í þrettán tíma flug til Sao Paulo
og síðan í nokkurra tíma flug inn-
anlands í Brasilíu áður en komið
er á áfangastað, Espírito Santo, á
mánudaginn. Leikirnir eru 16. og
18. júní.
Nokkrar breytingar hafa orðið
á landsliðinu frá leikjunum gegn
Dönum í vikunni. Sverre Jakobsson
fer ekki með þar sem hann giftir
sig á Akureyri í dag, Hreiðar Levy
Guðmundsson spilar með Emsdet-
ten um helgina í umspilsleik um
laust sæti í þýsku úrvalsdeildinni
og bæði Róbert Gunnarsson og
Alexander Petersson fá frí.
Þá verða markvarðaskipti í hópn-
um þar sem Aron Rafn Eðvarðs-
son er meiddur. Í hans stað kemur
Pálmar Pétursson og því fer FH-
ingur inn í landsliðið í stað Hauka-
manns. Bæði Pálmar og Aron hafa
spilað þrjá landsleiki.
Liðið fer til Brasilíu og leggur
þar með á sig langt ferðalag fyrir
tvo leiki gegn liði sem er ekki mjög
hátt skrifað í handboltanum en
Guðmundur Guðmundsson þjálfari
segir að hann sé ekki í nokkrum
vafa um að leikirnir muni nýtast
vel. „Við höfðum ekki marga val-
kosti og erum í raun heppnir að fá
þessa leiki. Ég lagði mikið upp úr
að fá alvöru leiki og við þurfum á
þessu að halda. Brasilía er sýnd
veiði en ekki gefin og við fáum hell-
ing út úr þessu,“ segir Guðmundur
sem er þegar byrjaður að undirbúa
liðið fyrir HM í Svíþjóð í janúar.
Guðmundur segir að hann sé
að breikka grunnhóp landsliðsins
sem er ætlað að fara á HM. Því
ætli hann að nota ungu mennina
í hópnum meira en gegn Dönum.
„Við lögðum þetta þannig upp
frá byrjun að nota ungu mennina
mikið gegn Brasilíu en kannski
minna gegn Dönum. Menn eins og
Ólafur Guðmundsson, Sigurbergur
Sveinsson, Rúnar Kárason, Arnór
Gunnarsson, Kári Kristján Kristj-
ánsson og Oddur Gretarsson fá
að spila mikið núna. Við þurfum
að nýta þann tíma sem við höfum
fram að HM og við erum að breikka
hópinn,“ segir Guðmundur.
Það verður ekki bara æfður og
spilaður handbolti í Brasilíu held-
ur er ætlunin að hrista strákana
vel saman. „Við tökum þetta hand-
boltalega föstum tökum en við
ætlum jafnframt að njóta þess að
vera á framandi slóðum. Það er
eitt og annað planað, það verður
hörku dagskrá þarna úti,“ segir
Guðmundur dulur en ljóstrar því
upp að meðal annars verði horft á
Brasilíumenn spila á HM í knatt-
spyrnu. hjalti@frettabladid.is
KLÁRIR FYRIR SVÍÞJÓÐ Guðmundur ætlar að nota Brasilíuleikina til að gefa yngri og
óreyndari mönnum fleiri tækifæri, með það fyrir augum að þeir verði sem best und-
irbúnir fari þeir með á HM í Svíþjóð. Ólafur Guðmundsson, hér í leik gegn Dönum
fyrr í vikunni, er einn þeirra en hann var í liðinu sem vann bronsverðlaun á EM í
Austurríki. FRÉTTABLAÐIÐ/VILHELM
„Þetta er maður alinn upp við, þessa nágrannaslagi stórveldanna í
Reykjavík, og svo er það sagan og umgjörðin,“ sagði Sigurbjörn Hreið-
arsson um ástæðu þess að það er svona sérstakt að vinna KR.
Sigurbjörn átti góðan leik í 2-1 sigrinum í Vesturbænum og er
Valsliðið í öðru til fimmta sæti með ellefu stig.
Sigurbjörn segir að liðið finni ekki fyrir neinni pressu í ár. „Við
settum þetta þannig upp að við erum ekkert að setja pressu á
okkur, við erum bara að móta gott lið og það gengur vel. Í byrjun
móts er þetta eins og að grafa holu, maður lítur ekkert upp fyrr
en maður nálgast takmarkið.“
Sigurbjörn hrósar Gunnlaugi Jónssyni þjálfara sem stýrir
nú Val á sínu fyrsta tímabili. „Hann hefur fengið ferskleika
inn í hópinn, hann heldur mönnum á tánum. Það er meira
frjálsræði hjá honum en góður agi líka. Hópurinn var brotinn
í haust en hann sá það og hefur náð að laga það. Leikmenn
leggja sig alla fram, sem er skilyrði til að geta eitthvað,“ segir
Sigurbjörn.
Sigurbjörn verður samningslaus í haust og stefnir á þjálfun í
framtíðinni. Hann segir óvíst hvað hann geri. „En ég
á nokkur ár eftir í boltanum, ég get spilað áfram og
ástandið á mér hefur alltaf verið gott,“ sagði Sigurbjörn
áður en talið barst að undirbúningstímabilinu þar sem
hann var meiddur.
„Ég hefði viljað spila meira, Pepsi-deildin er mikið
breytt frá gömlu tímunum þar sem þú gast mætt
með hálfum huga í fyrstu fimm umferðirnar og spilað
þig í gang. Menn voru oft að spila handbolta fram í
maí og komust svo í fótboltagírinn. Þú kæmist aldrei
upp með það í dag. Ef þú ert ekki í standi sjá það allir
og þú ert bara kallaður feitur eða lendir illa í því. En
þegar ég var að byrja mátti auðvitað bæði spila legg-
hlífalaus og markmaður mátti taka með höndum,“ rifjaði
Sigurbjörn upp.
Lið umferðarinnar má sjá hér til vinstri á síðunni.
LEIKMAÐUR 6. UMFERÐAR Í PEPSI-DEILD KARLA: SIGURBJÖRN HREIÐARSSON
Ef þú ert ekki í standi ertu bara kallaður feitur
> Lið 6. umferðar
Lið sjöttu umferðar Pepsi-deildar karla að mati Frétta-
blaðsins og Vísis spilar leikkerfið 3-5-2 og er þannig skip-
að: Markvörður: Fjalar Þorgeirsson (Fylkir).
Varnarmenn: Daníel Laxdal (Stjarnan),
Atli Sveinn Þórarinsson (Valur) og Jón
Orri Ólafsson (Fram). Miðvallarleik-
menn: Halldór Orri Björnsson (Stjarnan),
Guðmundur Kristjánsson (Breiðablik),
Jón Guðni Fjóluson (Fram), Sigurbjörn
Hreiðarsson (Valur) og Steinþór Freyr
Þorsteinsson (Stjarnan). Sóknarmenn:
Tryggvi Guðmundsson (ÍBV) og Atli Viðar
Björnsson (FH).
Ungir undirbúnir fyrir HM
Undirbúningur íslenska landsliðsins fyrir heimsmeistaramótið í Svíþjóð er
kominn á fullt. Eftir leiki gegn Dönum er Suður-Ameríka næsti áfangastaður-
inn. Í tveimur leikjum gegn Brasilíu fá yngri og óreyndari menn að spreyta sig.
Súrefni
Asetýlen
Argon
Argonblöndur
Köfnunarefni
Helíum
Kolsýru
Glaðloft
Drangahraun 1 B, 220 Hafnarfjörður
Sími 580 3990, Fax 580 3991
info@strandmollen.is
Helíum í 17. júní blöðrurnar fæst hjá Strandmöllen.
Helíum er selt á 10, 20 og 50 l kútum og hægt er
að leigja áfyllingarstúta á kútana. Sendum um land allt.
Strandmöllen hefur meira en 90 ára reynslu af
framleiðslu og sölu lofttegunda.
Strandmöllen býður allar lofttegundir til
málmiðnaðarins, heilbrigðisgeirans og
til notkunar á rannsóknarstofum:
Helíum
í blöðrur
HANDBOLTI Pálmari Péturssyni
var sagt að fá sér frí í vinnunni
og pakka ofan í tösku á fimmtu-
dagskvöldið, hann væri á leiðinni
til Brasilíu að spila sína fyrstu A-
landsleiki. „Ég á þrjá leiki með
B-liðinu en þetta verða fyrstu
alvöru leikirnir,“ sagði Pálmar við
Fréttablaðið í gærkvöldi.
Hann mætti á fyrstu æfinguna
í gær. „Ég kom þarna inn sem
æsti og spennti gaurinn. Menn
eru eitthvað að kvíða fyrir þessu
30 tíma ferðalagi. Ég er sá
eini sem hlakkar til,”
segir Pálmar. „Ég er
mjög spenntur.“
Markmaðurinn
kom inn í liðið á
kostnað Arons
Rafn Eðvarðs-
sonar sem er
meiddu r. „ Ég
túlka þetta á minn hátt
og segi að ég sé fjórði
markmaður inn,“ segir Pálmar
kíminn.
„Það er ekkert verra að þetta sé
í Brasilíu. Það verður gaman að
koma þangað og sjá handboltaum-
hverfið þar. Þetta verður örugg-
lega fínt, ég veit varla hvar þetta er
í landinu einu sinni. Það eina sem
ég veit er að ég á að mæta niður í
höfuðstöðvar HSÍ klukkan korter í
fimm á sunnudagsmorgun
með punghlíf og skó og
þá er ég bara klár,“ sagði
Pálmar sem vonast til að
fá að spila úti.
„Það munu allir
leggja mikinn metn-
að í þessa leiki, menn
verða að nota tæki-
færin til að sanna
sig. Brasilíumenn eru
með lúmskt gott lið.
Þetta verður gaman,“
sagði Húsvíkingur-
inn. - hþh
Pálmar Pétursson er kominn í A-landslið karla:
Æsti og spennti gaurinn
FÓTBOLTI Heil umferð fór fram í 1.
deild karla í knattspyrnu í gær.
Leiknir komst á topp deildar-
innar með 2-1 sigri gegn Gróttu
í Breiðholtinu. Leiknir er með
fimmtán stig en hitt Breiðholts-
liðið, ÍR, þrettán. Það var á toppn-
um en fékk skell í Grafarvog-
inum þar sem það tapaði fyrir
Fjölni, 4-0.
Þór vann Þrótt 2-1 fyrir norðan
þar sem heimamenn voru tveim-
ur mönnum fleiri síðustu 20 mín-
úturnar. Aron Már Smárason
tryggði Fjarðabyggð 1-0 sigur á
KA fyrir austan en hann hefur nú
skorað sex mörk í fimm leikjum
fyrir liðið.
ÍA vann sinn fyrsta sigur í
deildinni þegar það heimsótti
Víkinga. Sigurmark leiksins í 1-0
sigri ÍA kom á síðustu andartök-
um leiksins. Þá vann Njarðvík
góðan heimasigur á HK, 2-0. - hþh
1. deild karla í knattspyrnu:
Leiknir komið
á toppinn