Fréttablaðið - 12.06.2010, Blaðsíða 82
50 12. júní 2010 LAUGARDAGUR
„Þetta er sýning um gosið í Eyja-
fjallajökli. Við erum að setja
þetta upp með það í huga að fólk
sjái að hægt er að ferðast hingað
þrátt fyrir liðna atburði,“ segir
Anna María Sigurjónsdóttir.
Anna María og Sigurgeir Sig-
urjónsson verða með myndir
sínar af gosinu í Eyjafjallajökli
til sýnis í galleríi í Ósló. „Um er
að ræða um 30 myndir sem tekn-
ar eru á tímabilinu mars til maí
ásamt nokkrum loftmyndum frá
Fimmvörðuhálsi,“ segir Anna
María. Eigandi gallerísins í Nor-
egi hefur nú þegar fengið Dag-
bladet og Aftenposten í Ósló til
að mæta á opnunina. „Við ætlum
einnig að setja sýninguna upp í
London og erum í viðræðum við
nokkra aðila um að setja hana
upp víðar,“ bætir Anna María við.
- ls
Myndir af
gosinu í Ósló
EYJAFJALLAJÖKULL TIL SÝNIS Bæði
Dagbladet og Aftenposten hafa sýnt
ljósmyndasýningu um Eyjafjallajökul
áhuga.
„Um er að ræða sýningu um svo-
kallað nígeríusvindl sem sett
verður á svið. Okkur vantar því
fórnarlömb alþjóðlegra svika-
starfsemi sem geta miðlað að
reynslu sinni og þar af leið-
andi veitt innsýn í heim fórnar-
lambanna,“ segir Friðgeir Einars-
son hjá sviðslistahópnum Sextán
elskendum. „Fullrar nafnleyndar
er gætt og ekki stendur til að þeir
sem rætt er við komi fram í sýn-
ingunni,“ bætir Friðgeir við. Þeir
sem hafa áhuga á að deila sögum
sínum skulu hafa samband við
Sextán elskendur í síma 690 8609
eða í póstfangið 16lovers@gmail.
com. - ls
Leitað að
fórnar-
lömbum
LEITA AÐ FÓRNARLÖMBUM Hyggjast
setja upp sýningu um svokallað „nígeríu-
svindl“ og leita að fórnarlömbum til að
miðla af reynslu sinni. FRÉTTABLAÐIÐ/VILHELM
Ein heitasta hljómsveit Bretlands
af yngri kynslóðinni, elektró-
bandið Hurts, spilar á tónlistar-
hátíðinni Iceland Airwaves í
haust. Hún kemur frá Manchest-
er, eins og svo margar góðar
breskar sveitir, og er skipuð Theo
Hutchcraft og Adam Anderson.
Fyrsta smáskífulag Hurts, Wond-
erful Life, kom út á síðasta ári
og fyrir skömmu kom út nýtt
lag, Better Than Love. Fyrsta
plata sveitarinnar er væntanleg
í ágúst. Breska ríkisútvarpið,
BBC, spáir henni frama á þessu
ári og verður athyglisvert að
fylgjast með frammistöðu hennar
á Airwaves. Miðasala á Airwaves
er í fullum gangi en miðaverð
hækkar 1. júlí.
Hurts spilar
á Airwaves
HURTS Breska sveitin Hurts spilar á
Iceland Airwaves í haust.
Miðillinn Ron Bard segir að leik-
arinn Brad Pitt komi í heimsókn
til sín til að fá ráðgjöf þegar hann
eigi við vandamál að stríða. „Ég
þekki hann bæði persónulega
og í gegnum starf mitt. Hann er
mjög andlega sinnaður,“ segir
Bard. „Ég hitti mikið af stjörnum
í starfi mínu og hann er mjög við-
kunnanlegur. Hann er heillandi
og gefur mikið af sér, alveg frá-
bær manneskja.“ Talið er að Pitt
hafi byrjað að hitta Bard meðan
á upptökum Mr. & Mrs. Smith
stóð árið 2005.
Fær ráðgjöf
hjá miðli
BRAD PITT Samkvæmt Ron Bard er Pitt
fastagestur hjá honum þegar hann þarf
á ráðgjöf að halda.
Leikkonan Katherine Heigl lítur mjög upp til
Söndru Bullock og telur að hún hafi breytt lífi
sínu. Heigl finnst Bullock hafa staðið sig
einkar vel í stykkinu eftir að framhjá-
hald eiginmanns hennar Jesse James
komst upp, aðeins nokkrum vikum
eftir að þau ættleiddu ungan dreng.
Heigl, sem ættleiddi sjálf dóttur á
síðasta ári, segir að Bullock sé afar
hugrökk. „Alltaf þegar ég ætla að
gera eða segja eitthvað hugsa ég
um hvað Sandra Bullock myndi
gera. Ég þekki hana ekkert en
miðað við það sem ég hef lesið
um hana virðist hún vera ein af
klárustu, kærleiksríkustu og
mest heillandi konunum í Holly-
wood. Ef ég myndi ná eins langt
á mínum ferli vildi ég verða
alveg eins og hún,“ sagði Heigl, sem er þekktust
fyrir leik sinn í Grey´s Anatomy.
Bullock tjáði sig um skilnaðinn við
James í viðtali við tímaritið People í
apríl. Þar sagðist hún búa yfir sekt-
ar kennd og vera sorgmædd yfir því
hvernig ljósmyndarar eltu hana og
þrjú stjúpbörn hennar á röndum.
Viðtalið breytti viðhorfi Heigl til
papparassa. „Hún er svo jarð-
bundin. Hún tekur þetta ekki
mjög persónulega og áttar sig
alveg á aðstæðunum. Þegar ég
las viðtalið breytti það lífi mínu.“
Heigl lítur upp til Bullock
DÁIR BULLOCK Heigl lítur upp til Söndru
Bullock og telur að hún hafi breytt lífi
sínu.
LAGERSALASeljum eingöngu beint af lager okkarsem er aðeins opinn um helgar.Lí l yfirbygging = betra verð
Akralind 9
201 Kópavogur
Sími 553 7100
www.linan.is
OPIÐ UM HELGINA
LAUG. 12 - 16
SUNN. 13 - 16
Edge hornsófi 200x280 cm kr. 318.350 Lagersöluverð kr. 254.600
Woo sófar 3ja og 2ja sæta
Coffee tungusófi 212x244
Hamilton Hornsófi 226x280
Félagarnir Halli og Halldór
verða með útimarkað í dag
og morgun á Hljómlindar-
reitnum þar sem eingöngu
íslensk tónlist verður til
sölu. Ef vel gengur verður
markaðurinn í allt sumar.
„Markaðurinn verður í stóru og
fínu tjaldi og það verða hundruð
titla í boði,“ segir Haraldur Leví
plötusali.
Haraldur og Fjallabróðirinn
Halldór Gunnar Pálsson standa
fyrir markaði í sumar á Hljóma-
lindarreitnum í miðbæ Reykja-
víkur og selja þar íslenska tón-
list. Þegar Fréttablaðið spjallaði
við Halla var óljóst hvernig veður
yrði á laugardag, en nú er dag-
urinn runninn upp þannig að les-
endur eru hvattir til að líta út um
gluggann.
En af hverju eingöngu íslensk
tónlist?
Vegna þess að þetta er gert í
tengslum við íslenskt tónlistar-
sumar. Það er líka verið að reyna
að lífga upp á og efla íslenskt tón-
listarlíf,“ segir Haraldur. Hann
bætir við að misvel hafi geng-
ið að fá útgefendur með í lið, en
fullyrðir að plöturnar verði á góðu
verði. „Við verðum í flestum tilfell-
um ódýrari en gengur og gerist.“
Haraldur segir þá félaga ætla að
bjóða upp á lifandi tónlist á svæð-
inu þar sem íslenskir flytjendur
leika listir sínar. Markaðurinn
verður í dag, á morgun og 17. júní.
„Ef það gengur vel verður mark-
aðurinn líklega í allt sumar,“ segir
hann.
Haraldur neitar að markaður-
inn sé aðeins ætlaður ferðamönn-
um, þó að nóg sé í boði fyrir þá af
tónlist. „Við viljum að sjálfsögðu fá
Íslendinga til að gera góð kaup á
góðri tónlist.“ atlifannar@frettabladid.is
Selja íslenskar plötur
á Hljómalindarreitnum
ÁFRAM ÍSLAND! Halldór og Halli ætla eingöngu að selja íslenska tónlist. FRÉTTABLAÐIÐ/STEFÁN