Fréttablaðið - 04.09.2010, Blaðsíða 102

4. september 2010 LAUGARDAGUR70
sport@frettabladid.is
Laugardalsvöllur, áhorf.: 6.137
Ísland Noregur
TÖLFRÆÐIN
Skot (á mark): 9-8 (4-5)
Varin skot: Gunnleifur 3 – Knudsen 3
Horn: 4-5
Aukaspyrnur fengnar: 12-12
Rangstöður: 3-1
1-0 Heiðar Helguson (38.)
1-1 Brede Hangeland (59.)
1-2 Mohammed Abdellaoue (75.)
1-2
Luca Banti (4)
Einkunnir íslenska landsliðsins gegn Noregi
Gunnleifur Gunnleifsson 7
Var sem fyrr mjög öruggur í öllum sínum aðgerðum. Bjargaði nokkrum sinn-
um mjög vel úr dauðafærum. Hefði samt átt að gera mun betur í fyrra marki
Norðmanna. Athygli vakti að Gunnleifur lék í treyju númer 12 sem gefur til
kynna að hann hafi átt að byrja á bekknum ef Árni Gautur væri heill heilsu. Ef
það reynist rétt er það skandall enda hefur Gunnleifur staðið sig frábærlega í
íslenska markinu.
Indriði Sigurðsson 7
Öruggur í öllum sínum varnaraðgerðum og gaf ekki mörg færi á sér. Átti
nokkrar ágætar sendingar fyrir en hefði mátt koma oftar upp völlinn og láta
reyna meira á sinn góða vinstri fót.
Kristján Örn Sigurðsson 7
Öryggið uppmálað í vörninni sem fyrr og klikkar sjaldan í landsleikjum.
Sölvi Geir Ottesen 6
Mjög traustur nánast allan leikinn en lét taka sig illilega í bólinu í sigurmarkinu.
Grétar Rafn Steinsson (76. Arnór Sveinn Aðalsteinsson) 6
Duglegur að koma upp í fyrri hálfleik en sendingar ekki nógu góðar. Virtist
vera bensínlaus í seinni hálfleik sem má líklega rekja til þess að hann er búinn
að vera meiddur.
Aron Einar Gunnarsson 7
Baráttuglaður og grimmur sem fyrr. Náði ágætlega saman við Eggert en þetta
er okkar framtíðar miðjupar. Þeir réðu miðjunni lengi vel og voru sterkir.
Eggert Gunnþór Jónsson 7
Yfirvegaður, öruggur á bolta, spilaði einfalt og braut niður sóknir.
Jóhann Berg Guðmundsson (87. Rúrik Gíslason) 4
Duglegur að hlaupa en ekkert kom út úr hans aðgerðum. Tók varla mann á og
krossarnir allir slakir.
Veigar Páll Gunnarsson (76. Birkir Bjarnason) 4
Komst aldrei í takt við leikinn og lítið í boltanum. Vonbrigðaframmistaða.
Gylfi Þór Sigurðsson 8
Besti maður íslenska liðsins. Alltaf ógnandi og lagði upp mark Íslands með
snilldarbrag. Mikið var að hann fékk tækifæri sem hefði mátt koma fyrr.
Heiðar Helguson 7
Vinnusamur sem fyrr og skoraði glæsilegt mark. Lét til sín taka og var síógnandi.
Í tilefni af Vísindavöku 2010 efnir Rannís til teiknisamkeppni barna
6-9 ára og 10-12 ára. Efni myndanna skal vera „Ef ég væri vísindamaður...“
Myndum skal skila í síðasta lagi 20. september merktar höfundi, aldri, símanúmeri
og nafni forráðamanns til Rannís, Laugavegi 13, 101 Reykjavík. Verðlaun verða
veitt á Vísindavöku 24. september 2010. Nánari upplýsingar á...
...www.rannis.is/visindavaka
Teikni
samkeppni
BARNA
-
Allir m
eð!
H
N
O
T
S
K
Ó
G
U
R
g
ra
fí
s
k
h
ö
n
n
u
n
Laugavegi 13, 101 Reykjavík
sími 515 5800, rannis@rannis.is
www.rannis.is
Áhorfendur á Laugardalsvelli í gærkvöldi voru alls 6.137 í fremur hráslagalegu veðri. Þjóðarleikvangurinn tekur
10 þúsund manns í sæti. Á leikinn gegn Norðmönnum í síðustu undankeppni mættu 7.321 en nær uppselt
var á leikina gegn Skotlandi og Hollandi. Fæstir sáu eina sigurleik þeirrar undankeppni, 5.527 gegn Makedóníu.
6.137
HVAÐ ER Í GANGI? Gylfi Þór Sigurðsson, besti maður Íslands í leiknum, bregst við eftir misheppnaða sókn Íslands.
FÓTBOLTI Ísland fékk enga drauma-
byrjun í undankeppni EM 2012 í
gær er Noregur kom í heimsókn í
Laugardalinn. Þó svo íslenska liðið
hefði lengstum verið betri aðilinn í
leiknum sáu Norðmenn um að nýta
færin sín og unnu frekar ósann-
gjarnan sigur, 1-2.
Ólafur Jóhannesson landsliðs-
þjálfari kom nokkuð á óvart er
hann sýndi nokkurt hugrekki með
því að hrista upp í leikmannahópi
sínum og taka inn unga og efnilega
leikmenn. Þeir komu í stað leik-
manna sem margir hverjir hafa
verið með áskrift að sæti í íslenska
landsliðinu.
Íslenska liðið sem spilaði í gær
sýndi mun betri sóknartilburði en
í síðustu leikjum. Spilið var allt
miklu betra enda vilja þessir ungu
og efnilegu strákar spila fótbolta í
stað þess að kýla boltanum látlaust
fram og vona það besta.
Fyrri hálfleikur var meira og
minna eign íslenska liðsins. Það
spilaði kraftmikinn fótbolta og
pressaði frekar hátt á vellinum.
Strákarnir sýndu strax í upp-
hafi að þeir væru klárir í slaginn.
Aron og Eggert eignuðu sér miðj-
una og þeir Gylfi og Grétar ógn-
uðu í sífellu upp hægri vænginn.
Ekki sami slagkraftur var vinstra
megin. Ísland uppskar sanngjarnt
mark er Gylfi lék sér að John Arne
Riise, lagði boltann í teiginn þar
sem Heiðar skoraði með frábæru
hælskoti.
Ísland yfir í hálfleik og eins og
búast mátti við datt íslenska liðið
allt of langt til baka í síðari hálf-
leik. Eftir aðeins 14 mínútur í síð-
ari hálfleik jafnaði Hangeland
með skalla. Hann stökk þá hærra
en Gunnleifur markvörður og var
með betri stöðu. Korteri fyrir
leikslok snéri Abdellaoue síðan
Sölva af sér og refsaði grimmi-
lega með því að skora annað mark
Noregs.
Það var algjör óþarfi að gefa
svona mikið eftir í seinni hálf-
leik. Ísland var þá með yfirburði á
miðjunni og alltaf hættulegra liðið.
Strákarnir sköpuðu ekki mikið
af opnum færum þó svo tilburð-
irnir væru ágætir. Ólafur hefði
að ósekju mátt skipta fyrr enda
sóknarleikurinn ekki eins líflegur
í seinni hálfleik.
Það er samt ekki hægt að kvarta
mikið eftir þennan leik. Íslensku
strákarnir börðust allir sem einn
og lögðu sig virkilega fram. Það
hefur ekki verið sjálfgefið upp á
síðkastið. Gamli góði baráttuand-
inn sem maður gerir lágmarks-
kröfu um er kominn aftur. Þess
utan var spilið mun betra en í síð-
ustu leikjum. Það má taka margt
jákvætt úr þessum leik og ofan á
það verður Ólafur að byggja þó svo
tapið svíði örugglega.
henry@frettabladid.is
Íslandi grimmilega refsað
Þrátt fyrir margt jákvætt í leik íslenska liðsins gegn Noregi í gær stóð íslenska
liðið uppi tómhent. Grátleg niðurstaða því íslenska liðið átti meira skilið.
FR
ÉTTA
B
LA
Ð
IÐ
/A
N
TO
N
FÓTBOLTI „Við vorum ekki á tánum í
seinni hálfleik og leyfðum þeim að
ná yfirhöndinni. Eftir að þeir skor-
uðu annað markið þá fannst mér við
hætta að spila boltanum
og byrjuðum að sparka
boltanum langt fram
sem gekk ekki upp,“
sagði Gylfi Þór Sigurðs-
son sem átti fínan leik með
íslenska liðinu.
Gylfi lagði upp markið sem
Heiðar Helguson skoraði laglega.
„Þetta var mjög vel klárað hjá Heið-
ari og ég veit ekki hvernig hann fór
að þessu. Ég er mjög ánægður með
að vera kominn inn í liðið og reyni
að halda mínu sæti.“
Næsti leikur liðsins gegn Dan-
mörku verður að sögn Gylfa afar
erfiður. „Það verður mjög skemmti-
legur en um leið erfiður leikur. Þeir
eru mun betri tæknilega en Norð-
mennirnir og ljóst að við verðum
að leika mun betur á Parken en við
gerðum í seinni hálfleik. Við
áttum auðvitað að vinna
Norðmenn og það var
afar þögult inni í klefa
eftir leikinn. Við
verðum að rífa
okkur upp úr
þessu og und-
irbúa okkur
fyrir næsta
leik.“ - jjk
Gylfi Þór Sigurðsson eftir leikinn í gær:
Veit ekki hvernig
Heiðar fór að þessu