Fréttablaðið - 24.09.2010, Qupperneq 6

6 24. september 2010 FÖSTUDAGUR
DÓMSMÁL Karlmaður um tvítugt
hefur verið dæmdur í Héraðsdómi
Reykjaness í sjö mánaða fang-
elsi, þar af fjóra á skilorði, fyrir
fjölda brota. Hann var meðal ann-
ars dæmdur fyrir að hrækja á lög-
reglumann, hóta honum og öðrum
lögreglumönnum lífláti og að
skera börn þeirra á háls.
Annar tvítugur maður var
dæmdur í eins mánaðar skil-
orðsbundið fangelsi fyrir að hóta
þremur lögreglumönnum lífláti
við sama tækifæri.
Fyrrnefndi maðurinn var einn-
ig dæmdur fyrir vörslu á nokkru
magni af amfetamíni og kannabis-
efnum. - jss
Dæmdir fyrir hótanir:
Hótaði að skera
börnin á háls
FÓLK Verst þykir að búa í Bretlandi
og Írlandi að því er fram kemur
í nýrri könnun á lífsgæðum í tíu
Evrópulöndum. Frakkland og
Spánn trjóna á toppnum.
Það sem taldi gegn Bretlandi og
Írlandi var hár framfærslukostn-
aður, fáir lögbundnir frídagar og
hár eftirlaunaaldur.
Frakkar lifa lengur en aðrar
þjóðir sem þessi könnun tekur til,
fara snemma á eftirlaun og stjórn-
völd leggja mikið til heilbrigðis-
mála, Spánverjar lifa hins vegar
hinu ljúfa lífi með ódýrt áfengi,
flesta frídaga og fleiri sólardaga
en aðrir. Ísland var ekki talið með
í þessari könnun. - þj
Lífsgæði mæld í Evrópu:
Verst að búa
í Bretlandi
LONDON Lífsgæðum er misskipt í
Evrópu.
SVÍÞJÓÐ, AP Endanlegar
niðurstöðutölur þing-
kosninganna í Svíþjóð
skiluðu stjórnarflokk-
um Fredriks Reinfeldt
forsætisráðherra sam-
tals 173 þingsætum, en
þá vantar tvö sæti upp á
þingmeirihluta.
Rauðgræna stjórnar-
andstöðubandalagið fær
156 þingsæti en Svíþjóð-
ardemókratarnir, jaðarflokkur
hægri þjóðernissinna, er með 20
þingsæti.
Talningu utankjör-
staðaatkvæða lauk ekki
fyrr en í gær, og var afar
mjótt á mununum í nokkr-
um kjördæmum. Hófsami
flokkurinn, flokkur Rein-
feldts, hyggst ekki kæra
úrslitin.
Í gær var þó ekki búið
að útiloka að telja þyrfti
á ný í fáeinum kjördæm-
um, og í Vermalandi þarf
hugsanlega að kjósa upp á nýtt
vegna mistaka við framkvæmd
kosninganna þar.
Reinfeldt segir að vegna andúð-
ar Svíþjóðardemókrata í garð
innflytjenda komi ekki til greina
að bjóða þeim til stjórnarsam-
starfs.
Umhverfisflokkurinn vill ekki
segja skilið við rauðgræna banda-
lagið, þótt Reinfeldt hafi boðið
honum í stjórnina.
Aðrir möguleikar eru því ekki
í stöðunni fyrir Reinfeldt en að
stjórna með minnihluta, sem
þýðir að hann þarf að semja sér-
staklega við stjórnarandstöðuna
um umdeild mál. - gb
Æsispennandi talning breytti ekki stöðu Reinfeldts forsætisráðherra:
Stjórnin enn með minnihluta
FREDRIK
REINFELDT
DÝRALÍF Nær ekkert hefur verið
um að lundapysjur sæki í ljósin í
Vestmannaeyjum þetta sumarið,
en ennþá sjaldséðari er skrofan.
Fyrir gosið í Heimaey var tals-
vert um að skrofuungar leituðu
inn í bæinn. Eftir að austurbær-
inn fór undir hraun sjást ljósin
hins vegar ekki frá Ystakletti þar
sem eru einu heimkynni skrof-
unnar.
Systkinin Ásgeir og Katrín
Bára Elíasarbörn, fundu þó þessa
skrofu og slepptu henni að göml-
um sið. Sögunni fylgdi að þó að
skrofan sé jafnan lipur á flugi
hafi þessi ekki sýnt hæfileika
sína. - þj
Ung skrofa leitaði í ljósin:
Sjaldséður gest-
ur í Eyjum
BJARGVÆTTIR Þau Ásgeir og Katrín Bára
björguðu skrofunni og komu henni út á
sjó. FRÉTTABLAÐIÐ/ÓSKAR
EFNAHAGSMÁL Kaupmáttur launa
lækkaði örlítið í ágúst eftir aukn-
ingu í júní og júlí. Lækkunin nam
0,2 prósentum. Frá því kaupmáttur
launa náði hámarki í lok árs 2007
hefur hann minnkað um 11 pró-
sent, samkvæmt frétt á vef ASÍ.
Sé aðeins horft til síðustu tólf
mánaða hefur vísitala kaupmáttar
launa aukist um 1,4 prósent. Kaup-
máttaraukningin var mest í júní og
júlí, en þá komu inn í mælinguna
áhrif frá almennum launahækk-
unum í júní og tímabundin lækkun
verðlags vegna sumarútsalna. - bj
Kaupmáttur launa lækkar:
Lækkunin 11%
frá árinu 2007
SAMFÉLAG Talsverðar sveiflur má
sjá þegar dánartíðni á Íslandi er
skoðuð eftir dögum. Flestir hafa
látist í janúar á ári hverju síðast-
liðin fjórtán ár, samkvæmt tölum
Hagstofu Íslands.
Fleiri látast að meðaltali í
hverjum mánuði yfir vetrar-
tímann en yfir sumarið. Flestir
hafa dáið í janúar, febrúar, mars
og desember ár hvert. Á síðustu
fjórtán árum hafa að meðaltali
5,7 látist á hverjum degi í janúar,
5,5 á hverjum degi í febrúar, og
5,4 á hverjum degi í mars. Fæstir
látast yfir hásumarið, 4,6 á hverj-
um degi í júlí miðað við meðaltal
síðustu fjórtán ára.
Ólöf Garðarsdóttir, dósent
í sagnfræði á menntavísinda-
sviði Háskóla Íslands, og sér-
fræðingur á sviði mannfjölda-
rannsókna, segir þessar sveiflur
þekktar. Þær tengist einkum
uppsveiflu á tíðni inflúensu yfir
vetrartímann.
„Þetta eru svipaðar sveiflur
og á öðrum Vesturlöndum,“ segir
Ólöf. „Þar sem sjúklingar fá þjón-
ustu á hátæknisjúkrahúsum sést
ekki teljandi sveifla, en þegar
flensan stingur sér niður er meiri
hætta á að þeir sem eru veikir
fyrir deyji.“
Þegar einstakir dagar eru
skoðaðir sést að á síðustu fjórtán
árum hafa flestir látist 3. janúar
ár hvert, samtals 99 einstakling-
ar á síðustu fjórtán árum, eða 7,1
að meðaltali ár hvert. Næstflestir
hafa látist 8. apríl ár hvert, sam-
tals 95 síðustu fjórtán ár, eða 6,8
að meðaltali á ári hverju.
Fæstir hafa andast síðustu dag-
ana í júlí á síðustu árum. Þannig
eru þeir sem dáið hafa 27. júlí síð-
ustu fjórtán ár ríflega helmingi
færri en þeir sem deyja 3. jan-
úar ár hvert. Þann 27. júlí síðustu
fjórtán ár létust 45 einstaklingar,
eða um 3,2 að meðaltali þann dag
á hverju ári. brjann@frettabladid.is
Flestir látast 3. janúar
Á síðustu fjórtán árum hafa að meðaltali flestir látist 3. janúar ár hvert. Áber-
andi fleiri deyja í vetrarmánuðunum en yfir sumartímann. Helmingi færri hafa
andast síðustu dagana í júlí en fyrstu dagana í janúar samkvæmt tölfræðinni.
Alls létust 2.002 einstaklingar hér á landi í fyrra, 969 konur og 1.033 karlar.
Fram kemur í samantekt Hagstofu Íslands að helstu dánarmeinin séu sjúk-
dómar í blóðrásarkerfi og krabbamein.
Ríflega þriðjungur þeirra sem féllu frá á síðasta ári, 729 einstaklingar, lést
vegna sjúkdóma í blóðrásarkerfi, aðallega hjarta- og heilaæðasjúkdóma.
Um 28 prósent látinna, 562 einstaklingar, létust af völdum krabbameins.
Þriðji stærsti flokkur dánarmeina eru sjúkdómar í öndunarfærum, sem
drógu 175 einstaklinga, um níu prósent, til dauða í fyrra.
Í fyrra létust 118 vegna ytri orsaka, sem er svipaður fjöldi og undanfarin
ár. Þar af voru sjálfsvíg 36, sem er sambærilegt við undanfarin ár, og tíu
létust í umferðarslysum.
Alls létust 562 vegna krabbameins 2009
janúar febrúar mars apríl maí júní júlí ágúst september október nóvember desember
3. jan. 99 8. apr. 95
3. feb. 93
29. feb. 24
5. maí 93
8. maí 49
14. júl. 50 27. júl. 45
30. júl. 46
Fjöldi látinna hvern dag ársins frá 1996 til 2009
Heimild: Hagstofa Íslands
Drekkur þú minna áfengi eftir
að fjármálakerfið hrundi?
Já 46%
Nei 54%
SPURNING DAGSINS Í DAG:
Hefurðu keypt þýfi, þér vitan-
lega?
Segðu skoðun þína á Visir.is.
RÚSSLAND Skákmeistarinn Boris
Spasskí fékk heilablóðfall um
síðustu helgi og liggur alvarlega
veikur á sjúkrahúsi í Moskvu,
lamaður öðru megin.
Rússneskir fjölmiðlar segja
hann hafa fundist meðvitundar-
lítinn í rúminu í íbúð sinni í
Moskvu síðastliðinn laugardag.
- gb
Boris Spasskí alvarlega veikur:
Fékk blóðfall
KJÖRKASSINN