Fréttablaðið - 24.09.2010, Blaðsíða 42

14 •
EKKI SÍST
Byrjum á byrjuninni. Af hverju var vefsíðan
Flick My Life stofnuð og hvað vakti fyrir þeim
sem standa að baki henni?
„Síðan var opnuð á vordögum 2009 og
stofnuð til að halda utan um MMS-sendingar
tveggja ungra manna. Í raun má segja að ekk-
ert sérstakt hafi vakað fyrir okkur með stofnun
síðunnar annað en að skapa vettvang til að
deila umræddum myndum sem höfðu safnast
upp í gegnum tíðina. Eftir að síðan var komin
á laggirnar fóru að bætast við skjámyndir,
ýmsar tvífarapælingar og fleira.“
Hversu margir sjá um að uppfæra síðuna?
„Í dag er það einn aðili sem er ritstjóri, tagg-
ari, heili, hjarta og umsjónarmaður síðunnar.
Honum til halds og trausts er einn trúnaðar-
maður og partner in crime.“
Bjuggust þið við að síðan myndi njóta
vinsælda, eða höfðaði hún óvart til fjöldans
eins og smellurinn What’s Up með Four Non
Blondes?
„Líkt og Linda Perry taldi það góða hug-
mynd á sínum tíma að setja upp pípuhatt og
flugmannagleraugu vissum við frá upphafi
að um gott efni væri að ræða. Er það því
einstaklega ánægjulegt að sjá að þjóðin hefur
tekið gríninu opnum örmum. Við álítum þetta
staðfestingu á því hve mikið smekkfólk Íslend-
ingar eru.“
Er hægt að líkja aðstandendum síðunnar við
Four Non Blondes að einhverju öðru leyti?
„Lesbísk one hit wonder 90´s rokkgrúppa.
Það væri nærri lagi að spyrja hvort að ein-
hverju leyti sé ekki hægt að líkja okkur við
þær. Svarið við þeirri spurningu væri: Já.
Þið gerið mikið grín að fjölmiðlum og
sérstaklega þegar þeir klúðra stafsetningu. Til-
heyrið þið herskáum hópi málverndunarsinna?
„Íslenskir fjölmiðlar eru latur hestur og Flick
My Life er broddfluga. Nei, þessar færslur voru
í upphafi fyrst og fremst birtar til að fá útrás
fyrir pirring okkar yfir óvönduðum vinnu-
brögðum. Þær eru raunar það sem við höldum
minnst upp á en skipa stóran sess í aðsendu
efni. Því reynum við að birta það í bland við
annað. Það er þó skiljanlegt að menn láti í sér
heyra þegar stærstu fjölmiðlar landsins líta
út eins og ónefndur sköllóttur poppari sé að
ritstýra þeim.“
Nú heyri ég að ástæðan fyrir því að ákveðin
leynd hvílir yfir ykkur sem standið að síðunni
sé sú að ykkur hefur verið hótað af skotmörk-
um gríns á síðunni. Er það rétt?
„Já, það eða sú staðreynd að aðstandendur
síðunnar eru kúbverskir feðgar í vesturbæ
Reykjavíkur. Við förum samt aldrei út úr húsi
öðruvísi en í Daft Punk-búningum.“
Hefur komið til greina að loka Flick My Life
vegna hörundsárra Íslendinga?
„Síðunni verður aldrei lokað nema ef til
vill ef Visir.is kaupi spell-checker, undarlegir
hlutir hætti að verða á vegi okkar og Pressan.
is kaupi okkur út í stað þess að stela myndum
frá okkur. Tilfelli hafa þó komið upp þar sem
fólki hefur sárnað. Þau eru og verða tekin til
skoðunar hverju sinni, líkt og þegar Rúnari
Frey var líkt við Euro Shopper-klósettpappír
í Facebook-færslu hjá íslenskum semi-celeb.
Það er þó algjör undantekning ef myndir eru
ritskoðaðar.“
Hafið þið fundið fyrir eftirsjá, eftir vel
heppnað – en óforskammað – grín?
„Nei. Það sem við gerum er að taka atriði
sem er fyrir allra augum og einangra það á
síðunni. Í fæstum tilfellum þarf að eiga nokkuð
við myndirnar. Við erum ekki með samvisku-
bit yfir því að Tobba Marinós sé lol-köttur og
að talsmaður neytenda skarti rándýru lúkki í
blaðaviðtali.“
Ásgeir Kolbeins birtist reglulega á Flick My
Life. Gerið þið út ljósmyndara sem elta hann á
röndum?
„Líkt og margt annað á síðunni byrjaði þetta
sem einkahúmor en lesendur gripu „konseptið“
á lofti og hafa verið duglegir að senda inn
myndir. Annars er Ásgeir Kolbeins svo fyrir-
sjáanlegur að ef við viljum ná mynd af honum
erum við aldrei lengur en svona klukkutíma að
finna hann. Draumurinn er samt að ráða Rax
og Björn Blöndal til að fylgja honum eftir um
lengri tíma og gefa út artistic/erótíska ljós-
myndabók undir heitinu Kolb in the wild.“
Er Flick My Life fullkomin eins og hún er,
eða á hún eftir að þróast frekar?
„Við teljum að Flick My Life sé í mjög
góðum farvegi þessa dagana, hins vegar
hefur síðan aldrei verið hrædd við að þróast
og aldrei að vita hvað verður. Við erum hins
vegar opnir fyrir öllu, ef það er gott grín.“
Hversu langt er í að Flick My Life verði
vinsælasta vefsíða landsins?
„Þessa stundina er síðan með fleiri Face-
book-like en The Charlies þannig að við
getum bara gengið út frá því að hún sé það
nú þegar. Annars hlýtur það bara að vera
tímaspursmál,er það ekki? Þetta er síðan sem
fólk elskar að elska að hata.“
DREYMIR UM AÐ GEFA ÚT
BÓKINA KOLB IN THE WILD
Flickmylife.com er væntanlega
sú vefsíða sem vinir þínir pósta
oftast á vegginn sinn á Facebook.
Síðan nýtur gríðarlegra vinsælda
um þessar mundir, en fáir vita
hverjir bera ábyrgð á henni. Popp
fór á stúfana og fann huldumenn-
ið sem stýrir síðunni og fékk að
leggja fyrir það nokkrar safaríkar
spurningar.
■ „ROSALEG PLATA“
Úr herbúðum Mínuss heyr-
ist að fjórða breiðskífan
sé tilbúin. Hún er sú fyrsta
sem kemur út eftir að
bassafanturinn Þröstur og
gítarleikarinn Frosti hættu
í hljómsveitinni. Enn hefur
Mínus ekki sent frá sér lag í
útvarpsspilun, en þeir sem
hafa heyrt plötuna segja að
hún sé „rosaleg“. Aðdá-
endur hljómsveitarinnar
verða að bíða þar sem
útgáfudagur er enn
þá óljós, en Mínus
kemur næst
fram á Iceland
Airwaves og
gefur vafalaust
forsmekk af því
sem koma
skal.
■ AGENT Í STÚDÍÓI
Agent Fresco vinnur nú
að fyrstu breiðskífu sinni í
hljóðverinu Orgelsmiðjunni.
Flugur á vegg í stúdíóinu
eru afar spenntar fyrir plöt-
unni og segja nýju lögin
ansi mögnuð. Þá heyrist að
platan verði löng og tengj-
ast öll saman. Semsagt
„concept“-plata frá Agent
Fresco.
■ LOKASPRETTUR
Ensími er sprelllifandi
þessa dagana eftir að hafa
komið fram á frábærum
tónleikum í Reykjavík síð-
ustu misseri. Nú heyrist að
nýjasta plata hljómsveitar-
innar sé nánast tilbúin, búið
sé að taka upp og aðeins
eigi eftir að snurfusa hljóm-
inn. Popp ræddi við einn
af þeim heppnu sem hafa
heyrt gripinn og hann spar-
aði ekki stóru orðin: „Mér
finnst öll lögin á plötunni
mjög góð,“ sagði hann.
HULDUMAÐUR Heilinn á bak við vefsíðuna Flick My Life fór fram á að vera bæði skyggður og „blurraður“ svo að and-
lit hans myndi örugglega ekki sjást.
Ef rýnt er í myndina
af forsprakka Flick
My Life myndast
orrustuskip úr seinni
heimsstyrjöldinni. Ef
þú sérð það ekki ertu
ekki búin/n að horfa
nógu lengi.
ÞEGAR CHUCK NORRIS SEGIR „LOL“ ER HANN AÐ SPYRJA HVORT HANN
EIGI AÐ MIÐA Á „LIFRINA OG/EÐA LUNGUN“ ÞEGAR HANN SPARKAR Í ÞIG.