Fréttablaðið - 24.09.2010, Page 35

• 7
Start the Party er einn af fyrstu
leikjunum sem styðja Playstation
Move, nýja hreyfiskynjunar-stýri-
pinnann frá Sony. Leikurinn minnir
um margt á gömlu góðu Eyetoy
leikina á PS2 þar sem leikurinn er
samansafn af örstuttum smáleikj-
um sem geta í senn fengið mann
til að brosa og svitna. Leikurinn
er í hinum svokallaða „augmented
reality“ stíl, sem þýðir að leikmenn
sjá sjálfa sig á skjánum nema að í
sjónvarpinu blasir við manni annar
heimur. Sem dæmi má nefna að í
einum leiknum eru menn um-
kringdir draugum og Move-stýrip-
inninn hefur breyst í vasaljós sem
fælir fyrrnefnda drauga í burtu.
Svona mætti lengi telja því leik-
irnir eru margir og mismunandi,
en allir stuttir og einfaldir. Spilun
leiksins má skipta í tvo grunn-
flokka þar sem hægt er að velja á
milli einstaklings- og hópspilunar.
Skiljanlega er seinni flokkurinn
skemmtilegri því eins manns partí
eru sjaldnast skemmtileg.
Öll uppbygging leiksins er í
barnvænum stíl og leikirnir eru
það einfaldir að börn ættu mjög
auðveldlega að geta spilað þá.
Þessi barnvæna nálgun gæti þó
haft þær afleiðingar að harðn-
aglarnir, sem vilja helst ekki
spila neitt nema Modern Warf-
are, munu aldrei koma nálægt
leiknum. Það myndi þá verða
þeirra missir því Start the Party
er ágætis afþreying, sérstaklega
í góðra vina hópi, og var undirrit-
aður ekki búinn að spila leikinn í
margar mínútur þegar afbragðs
drykkjuleikur var farinn að verða
til í huganum. Munið bara að hita
upp og teygja fyrir spilun því
hreyfiskynjunarleikir geta farið illa
með slappa handleggsvöðva.
- vij
POPPLEIKUR: START THE PARTY
FORLEIKUR AÐ DRYKKJUKEPPNI
Þegar Nintendo Wii var fyrst
kynnt til sögunnar er líklegt að
samkeppnisaði larnir Sony og
Microsoft hafi migið á sig af hlátri.
Þarna var komin leikjatölva með
lélegri grafík sem þú stjórnaðir
með því að veifa höndunum, frekar
hallærislegt. Ekkert benti til þess að
þessi litla tölva myndi ná að spjara
sig á markaði með Playstation 3
og Xbox 360, óumdeilanlega
háþróaðr i l e ik ja tö lvum.
Óte l jand i b í l förmum af
seldum Wii-tölvum síðar
voru samkeppnisaðilarnir
enn að míga á sig, en nú var
það af hræðslu. Hófst þá hreyfi-
skynjunarkapphlaupið sem má
um margt líkja við kapphlaup
Bandaríkjanna og Rússlands um
hver yrði fyrstur til að senda
mann til tunglsins, nema í þessu
tilfelli var litli skrýtni Japaninn
löngu kominn þangað.
Playstation Move er útspil Sony
í þessu kapphlaupi og hefur þessi
ágæti stýripinni nú verið gefinn út á
Íslandi. Move-pakkinn samanstendur
af Playstation Eye-myndavél, sem
eflaust einhverjir eiga fyrir, og síðan
Move-pinnanum sjálfum, fisléttum
sívalningi með silíkonkúlu á toppnum.
Tæknilega hliðin á virkninni er á þann
veg að Eye-myndavélin fylgist með
fyrrnefndri silíkonkúlu og nær þannig
að staðsetja leikmann í þrívíðu rými.
Búnaður inni í stýripinnanum skynjar
síðan líka hreyfingar hans og sendir
tölvunni upplýsingar um staðsetningu
og hreyfingar leikmanns. Myndavélin
skynjar einnig dýpt þannig að leikirnir
geta skynjað þegar leikmenn færa
sig nær og fjær myndavélinni. Í
leikjum sem skarta endurbættum
raunveruleika (augmented reality
eins og það kallast á ensku) eru
þessar upplýsingar nýttar til að
stækka sýndarverkfærin sem
leikmenn halda á, svo sem sverðum,
borðtennisspöðum og rakvélum, já,
rakvélum.
Eins og fyrr segir er Move-stýri-
pinninn sívalningur með silíkonkúlu
efst. Inni í þessari kúlu, sem er mjúk,
enda framleidd úr sama efni og
ungbarnasnuð, er ljósdíóða sem
mun vera fær um að gefa frá sér
gríðarlegan fjölda lita, eitthvað í
kringum 16 milljónir mismunandi lita
og litbrigða. Þessi litadýrð er þó ekki
bara til skrauts heldur þjóna litirnir
þeim tilgangi að gera Move-
stýripinnann sýnilegri
fyrir myndavélina.
Eye-
myndavélin
athugar
hvaða l i t i r
eru í kringum
leikmanninn og
kúlan gefur frá sér lit sem sker sig
hvað best úr. Þetta getur reyndar
orðið til þess að undirritaður neyðist
til að mála stofuna sína því það er
ekkert rosalega karlmannlegt að
veifa bleikum töfrasprota.
Hvað varðar næmni Move þá full-
yrða Sony menn að stýripinninn nái að
endurskapa hreyfingar leikmannsins á
sjónvarpsskjánum í rauntíma, það er
að segja um leið og leikmaður sveiflar
höndunum inni í stofu mun persónan
sem hann stjórnar í tölvuleiknum
gera slíkt hið sama. Hvort næmni
Move er svo mikil er erfitt að segja
en það er ekki hægt að neita því að
græjan er býsna nákvæm og næm.
Því hefur reglulega verið fleygt fram
að Move sé lítið meira en Nintendo
Wii-eftirherma. Þó svo að það sé
eitthvað hæft í þeim fullyrðingum
þá verður að segjast að Sony hefur
með Move náð að gera betur en
Nintendo. Sony er kannski ekki
að finna upp hjólið, en þeir hafa
gert það betra og eiga hrós skilið
fyrir það.
Eins og við er að búast mun
Sony gefa út helling af leikjum
samhliða útgáfu stýripinnans.
Flestir þessir leikir skarta frekar
grunnri spilun og eru lítið meira en
kynning fyrir leikmenn til að kynnast
hinum nýju stjórntækjum, sem sagt
eintómir partíleikir. Þó eru nokkrir
áhugaverðir titlar og eru tveir þeirra
dregnir fyrir dóm hér fyrir neðan.
Það sem er áhugaverðast er hvernig
útgefnir leikir, sem og væntanlegir
titlar, munu nýta sér þennan nýja
hreyfiskynjunarmöguleika. Titlar á
borð við Tiger Woods PGA Tour 11,
Heavy Rain, MAG og Eyepet hafa
verið uppfærðir, eða verða það
á næstunni, til að styðja Move og
síðan munu væntanlegir titlar eins
og Little Big Planet 2, Killzone 3 og
SOCOM styðja Move. Það sem mun
á endanum ráða úrslitum um vel-
gengni Move eru leikirnir sem hægt
er að nota pinnann í. Flestir muna
eftir Eyetoy, sem varð aldrei meira
en stundargaman, vegna þess hve
erfitt er að samræma þá græju við
hefðbundnari leiki. Nái Sony að koma
með fleiri alvöru leiki fyrir Move er
aldrei að vita nema Move muni ná að
festa sig í sessi. En burtséð frá því, þá
er það alveg ljóst að Move er græja
sem ætti að geta fært nörda-teitin
á hærra og sveittara stig.
Viggó I. J.
PLAYSTATION VEÐUR Í NINTENDO WII
OG NÚ SVITNA NÖRDARNIR …
PARTÍ Start the Party veitir fólki langþráð tækifæri til að tannbursta krókódíl.
NIÐURSTAÐASPILUN GRAFÍK HLJÓÐ ENDING
4/5 3/5 3/5 3/5
NÝ SENDING
frá Seagull o
g Simon&Pa
trick
Nintendo Wii-leikja-
tölvan kom á markað
fyrir fjórum árum,
nánar tiltekið í nóv-
ember árið 2006.