Fréttablaðið - 24.09.2010, Side 41
• 13
PLÖTUR
Interpol - Interpol
3/5 Þótt það sé ekki almenn sátt um ágæti Interpol
má færa óyggjandi rök fyrir því
að leitun sé að svalari hljómsveit.
Ágæti Interpol mætti reyndar líka
sanna með því að benda á síðustu
þrjár plötur hljómsveitarinnar sem
eru gæðagripir. Á síðustu plötu
fór hljómsveitin reyndar poppaðri
slóðir en margir kærðu sig um, en á
þeirri nýju, sem ber nafn hljómsveit-
arinnar, er leitað aftur til myrkrar
fortíðarinnar.
Platan byrjar á laginu Success,
sem ber sannarlega nafn með
rentu. Lagið hefur þennan óút-
skýranlega Interpol-sjarma, sem
er í senn seiðandi og yfirþyrmandi.
Það verður ekki tekið af Interpol
að hljómsveitin hefur aldrei átt í
erfiðleikum með að hefja plötur.
Síðustu plötur hófust á lögunum
Untitled, Next Exit og Pioneer to
the Falls, sem eru öll á meðal bestu
laga hljómsveitarinnar.
Besta lag plötunnar fylgir fast á
eftir Success; Memory Serves er
drungalegur slagari þar sem söngvar-
inn Paul Banks fær að njóta sín ásamt
trommaranum Samuel Fogarino.
Sá síðarnefndi nýtur sín reyndar
sérstaklega vel á plötunni ásamt
bassaleikaranum Carlos Dengler, sem
yfirgaf hljómsveitina skömmu eftir
að upptökum lauk. Verður hans sárt
saknað, en þeir félagar Dengler og
Fogarino eru vafalaust eitt skemmti-
legasta ryþmapar sem komið hefur
fram síðustu ár.
Eftir frábæra byrjun þar sem út-
varpslögin Lights og Barricade hljóma
á undan hinu angurværa Always
Malaise (The Man I AM) fer að halla
undan fæti. Platan byrjar einfaldlega
miklu betur en hún endar þótt hún
klóri í bakkann með laginu All of the
Ways, þar sem spænski gítarinn af
síðustu plötu er tekinn upp á ný. Það
breytir því ekki að í heildina litið er
platan góð – ekki frábær. Fóstbróðir
minn í dægurmálafréttunum, Arnar
Eggert Thoroddsen, er vægast sagt
ósáttur með plötuna í dómi í öðru
dagblaði. Hann sagði að það myndi
reynast mér erfitt að sannfæra þjóð-
ina um ágæti plötunnar. Það er því
miður ekki hluti af starfi mínu, en þið
vitið allavega núna hvað mér finnst.
Hlustið og þér munið heyra.
The Walkmen - Lisbon
4/5 Lisbon er frábær plata. Fyrsta lagið Juveniles
leggur grunninn að kraftmikilli,
ljúfsárri og frískri plötu með fáa veik-
leika. Söngvarinn Hamilton Leithauser
lætur strax til sín taka í fyrsta lagi
og verður óhjákvæmilega það sem
einkennir þessa plötu – eins og fyrri
plötur hljómsveitarinnar. Þótt ég vilji
alls ekki draga úr afrekum annarra
hljóðfæraleikara The Walkmen þá
stendur frammistaða trommarans
Matt Barrick einnig upp úr.
The Walkmen er hljómsveit sem
hefur skapað sinn eigin hljóm. Þegar
maður heyrir í henni er strax ljóst um
hvaða hljómsveit er að ræða. Meðlimir
hljómsveitarinnar reyna ekki að finna
upp hjólið á plötunni heldur gera það
sem þeir eru góðir í, þótt ég greini
ákveðna jákvæða gremju sem virðist
vera ný af nálinni. Blásturshljóðfæri
eru notuð á afar skemmtilegan hátt
á plötunni sem færa til dæmis lagið
Stranded upp á hærri stall. Blue as
Your Blood er annað frábært lag,
Victory sver sig í ætt við eldra efni
hljómsveitarinnar og Torch Song er
fallegt lag sem hefði alveg eins getað
verið samið fyrir 40 árum.
Eftir stendur frábær plata sem
verður vafalaust á mörgum listum
yfir plötur ársins í desember.
NEW YORK!
NEW YORK!
Margar af bestu hljómsveitum samtím-
ans koma frá New York. Hljómsveitirnar
Interpol og The Walkmen eru einmitt
þaðan, en þær eiga það einnig sameig-
inlegt að hafa nýlega gefið út plötur. Atli
Fannar Bjarkason rýndi í plöturnar, sem
eru afar ólíkar en hafa báðar ýmislegt til
brunns að bera.
ÞRJÚ GÓÐ LÖG UM NEW YORK
JAY-Z OG ALICIA KEYS - EMPIRE STATE OF MIND Viðurkenndu það – þetta er frá-
bært lag. Við vitum að þú hefur aldrei þolað Aliciu Keys – hvað þá Jay-Z, en þetta
er frábært lag. Sama hvað hver segir.
THE STROKES - NEW YORK CITY COPS Skemmtilegt lag af fyrstu plötu The Strokes sem
breytti tónlistarlandslagi heimsins til frambúðar. Rétt upp hönd sem heyra „New
York City girls“ þegar Casablancas syngur „New York City cops“.
LOU REED - PERFECT DAY Hvort er þetta lag um heróín eða New
York? Kannski heróínneyslu í New York. Ekki vitum við það, en
Lou Reed elskar borgina og lagið ku vera einhvers konar óður til
hennar.
Hollenskur kaup-
sýslumaður keypti
Manhattan í New
York af indíánum
árið 1626. fyrir um
1.000 dollara á
núvirði.
Við leitum að
góðu fólki
Á vefnum getur þú með einföldum hætti
flett í gegnum og skoðað atvinnuauglýsingar
Fréttablaðsins. Þú kaupir atvinnuauglýsingu
í Fréttablaðinu - öflugasta auglýsingamiðli
landsins og hún birtist frítt í heila viku á
einum stærsta vefmiðli landsins –
og Fréttablaðið kynna
nýjan og öflugan atvinnu-
og raðauglýsingavef
...ég sá það á visir.is