Fréttablaðið - 01.10.2010, Page 18

18 1. október 2010 FÖSTUDAGUR
VIÐTAL: Yngsti þingmaður Íslandssögunnar
Víðir Smári Petersen er út-
skrifaður klarínettuleikari,
varð stúdent sautján ára,
lauk BA-námi í lögfræði tví-
tugur og tók sæti á Alþingi
21 árs í vikunni, yngstur
allra Íslendinga. Kjartan
Guðmundsson ræddi við
Víði undir lok annasamrar
viku.
„Ég hef fengið alveg ótrúlega
góðar viðtökur, bæði í þinginu
sjálfu og svo frá fólki sem send-
ir mér heillaóskir í gegnum síma,
tölvupóst, Facebook og þar fram
eftir götunum. Gamlir kennarar
hafa haft samband við mig og svo
fékk ég sms-skilaboð frá konu sem
var yfirmaður minn þegar ég vann
í 11-11 fyrir mörgum árum og er
mjög þakklátur fyrir. En auðvit-
að er ekki allt jafn jákvætt. Það
er helst að einhverjir Moggablogg-
arar séu að stimpla mig sem sjálf-
stæðisuppa, eins og þeir halda að
allir ungir sjálfstæðismenn séu, en
jákvæðu viðbrögðin eru mun fleiri
og vega vel upp á móti,“ segir Víðir
Smári Petersen, sem á mánudag tók
sæti á Alþingi yngstur allra Íslend-
inga, en hann fagnar 22 ára afmæli
sínu eftir rétt rúman mánuð.
Hann segist stoltur af árangrin-
um, þótt ekki hafi það verið honum
sérstakt keppikefli að verða
yngsti þingmaður Íslandssögunn-
ar. „Kannski verð ég spurning í
Gettu betur einhvern daginn. Það
yrði mikill heiður,“ segir hann og
hlær.
Leið illa eftir atkvæðagreiðslu
Á mánudag lenti Víðir í þeirri sér-
stöku stöðu að hefja sinn þing-
mannsferil í miðjum umræðum um
hvort höfða ætti mál gegn fyrrum
ráðherrum fyrir landsdómi, mál
sem Víðir segir eitt það sérstæð-
asta og sögulegasta sem Alþingi
hefur tekist á við í gegnum tíðina.
„Það var í raun skemmtilegt að
þetta skyldi hittast svona á því
ég hef mikinn áhuga á mannrétt-
indum, er meðal annars að skrifa
mastersritgerðina mína í lögfræði
um mannréttindi og landsdóms-
málið er einkar áhuga-
vert út frá slíkum sjón-
armiðum,“ segir Víðir
Smári.
„Í jómfrúarræðunni
lagði ég höfuðáherslu
á þá staðreynd að ráð-
herrarnir fengu ekki að
svara fyrir sig frammi
fyrir þingmannanefnd-
inni, og því grundvallar
sú nefnd niðurstöðu sína
í raun á skýrslu annarr-
ar nefndar sem hafði allt
öðru hlutverki að gegna.
Tæknilega séð voru fjórir
ráðherrar sakaðir um að
hafa valdið heilu banka-
hruni, en enginn þeirra
var kallaður fyrir þing-
mannanefnd. Svona lagað
á ekki að þekkjast í lýð-
ræðislegu þjóðfélagi.“
Aðspurður segir Víðir Smári að
honum hafi liðið illa þegar niður-
staða atkvæðagreiðslunnar á mið-
vikudag leiddi í ljós að Geir Haarde
verður einn ráðherranna dreg-
inn fyrir landsdóm. „Það var allt
annað en þægileg tilfinning að sjá
hvernig atkvæði sumra þingmanna
Samfylkingarinnar féllu eftir pólit-
ískum línum. Það er í raun sorglegt
að Geir skuli hafa verið handval-
inn á skipulagðan hátt, og enn verr
leið mér þegar ég heyrði þingmenn
Hreyfingarinnar halda því fram að
boða þyrfti til kosninga vegna þess
að hinir ráðherrarnir verða ekki
ákærðir. Ég hef margt og mikið á
móti þessari ríkisstjórn og vil að
hún sitji sem styst, en í þessu til-
viki voru þingmenn Hreyfingar-
innar að staðfesta þá skoðun sína
að þetta mál væri eingöngu pólit-
ískt,“ segir Víðir.
Enginn félagslegur nörd
Vikan hefur því að sönnu verið
annasöm hjá þingmanninum unga,
en Víðir Smári er þó vanur því að
hafa meira en nóg að gera. Þessa
dagana sækir hann tíma í lögfræði-
námi sínu við Háskóla Íslands (HÍ)
og vinnur þar að auki að meistara-
ritgerð sinni í faginu eins og áður
sagði, auk þess sem hann vinn-
ur hálft starf hjá lögmannsstof-
unni LEX sem laganemi og sinn-
ir aðstoðarkennslu við HÍ. Þá situr
Víðir í stjórn Sambands ungra sjálf-
stæðismanna, er ritstjóri Stefnis,
tímarits um þjóðmál og varamað-
ur í lista- og menningar-
ráði Kópavogsbæjar.
Líklegt er að margir
muni eftir Víði sem kepp-
anda í spurningaþættin-
um Útsvari á RÚV, en
þar stóð hann uppi sem
sigurvegari tvö ár í röð
ásamt félögum sínum
í liði Kópavogs. Hann
keppti einnig í Gettu
betur, spurningakeppni
framhaldsskólanna,
fyrir hönd Menntaskól-
ans í Kópavogi í þrjú ár
og gegndi stöðu þjálfara
liðsins í önnur þrjú ár.
Víðir varð stúdent ein-
ungis sautján ára gamall,
hóf þá einnig háskólanám
sitt og útskrifaðist með
BA-gráðu í lögfræði tví-
tugur. Þá lauk hann burtfararprófi
í klarínettuleik frá Tónlistarskóla
Reykjavíkur fyrir tveimur árum
og hefur verið formaður stjórnar
Sinfóníuhljómsveitar unga fólks-
ins undanfarin þrjú ár.
„Ég hef mikinn áhuga á að
mennta mig enn frekar í lögfræði
og tónlist og hef trú á því að vel sé
hægt að sameina framhaldsnám í
þessu tvennu,“ segir Víðir. Spurður
hvort slíkt annríki bitni á félagslíf-
inu segir hann svo ekki vera. „Heil-
brigt félagslíf er nauðsynlegt til að
halda sönsum. Ég er kannski nörd
í námslegu tilliti en ég vil ekki
meina að ég sé félagslegt nörd. Ég
á fullt af góðum vinum sem ég hitti
reglulega, er mjög virkur í félags-
starfi og bý með kærustunni minni
til fjögurra ára á Sólvallagötu í
Reykjavík,“ segir Víðir og bætir
við að hann gerist seint KR-ingur
þrátt fyrir nálægðina við vestur-
bæjarstórveldið. „Ég æfði bæði fót-
bolta og handbolta með HK fram á
unglingsár, en Kópavogshjartað sló
samt ansi ört þegar Breiðablik varð
Íslandsmeistari um síðustu helgi.“
Hreifst af Jóni Sigurðssyni
Víðir gerðist snemma fróðleiksfús
að eigin sögn, las mikið og fylgd-
ist vel með fréttum frá unga aldri,
og sjö ára gamall trúði hann grunn-
skólakennaranum sínum fyrir því
að hann ætlaði að keppa í Gettu
betur þegar hann yrði stór. „Mark-
miðið varð því snemma að viða að
mér þekkingu, auk þess sem ég hef
alltaf haft gríðarlega gott minni.
Enn þann dag í dag get ég rifjað
orðrétt upp sögur sem pabbi sagði
mér þegar ég var sjö ára,“ segir
hann og skellir upp úr.
Hann segir stjórnmálaáhugann
hafa kviknað um þrettán ára ald-
urinn þegar hann fræddist um Jón
Sigurðsson í mannkynssögutímum
í grunnskóla.
„Jón Sigurðsson var þjóðhetja
og í gegnum hann varð mér ljóst
að það er mögulegt að gera eitt-
hvað sem skiptir máli, sem skilur
eitthvað eftir sig. Brjóstvitið leiddi
mig til hægri og fimmtán ára gam-
all var ég kominn í stjórn Týs,
félags ungra sjálfstæðismanna í
Kópavogi. Til að byrja með var ég
íhaldssamur og trúði því til dæmis
að ríki og kirkja ættu fullkomna
samleið, en með árunum hef ég
orðið mun frjálslyndari. Núna tel
ég fráleitt að ríkið skipti sér af því
hvað fólk aðhefst í sínum frístund-
um. Ég á ekkert að skipta mér af
því hverju fólk trúir eða hverrar
kynhneigðar það er,“ segir Víðir.
Hann bætir við að æskuheimilið
hafi verið fremur ópólitískt. „Pabbi
kennir stjórnmálafræði í MK og
heldur hlutleysi sínu, bæði gagn-
vart nemendum sínum og börnum.
Það er reyndar dálítið fyndið að
á tímabili var ég formaður ungra
sjálfstæðismanna í Kópavogi, en
á sama tíma var Emil bróðir minn
formaður ungra Vinstri grænna í
Kópavogi. Ég veit ekkert hvað for-
eldrar mínir kjósa, en þegar ég var
þriggja ára fékk ég að fara með
pabba inn í kjörklefa og hann leyfði
mér að velja bókstafinn. Eini staf-
urinn sem ég þekkti var stafurinn
minn, V, og því kaus pabbi Kvenna-
listann það árið.“
Á ekki að halda með flokknum
Víðir segist sannfærður um ágæti
sjálfstæðisstefnunnar, þótt Sjálf-
stæðisflokkurinn hefði mátt fylgja
sinni eigin stefnu betur síðastlið-
in ár.
„Stefnan byggir á því að hver
og einn fái notið sín sem best og
frelsi og mannréttindi séu virt.
Því miður kemst það sjaldan til
skila að mannréttindi séu í háveg-
um höfð í flokknum, heldur hefur
hann afar harða ímynd. Á valda-
tíma sínum hefur Sjálfstæðisflokk-
urinn gert margt gott, en líka mörg
mistök eins og að stórauka ríkisút-
gjöld og sjá ekki til þess að eignar-
haldi á bönkunum yrði dreift. Níu-
tíu prósenta lán Íbúðalánasjóðs
hefðu heldur aldrei komið til ef
flokkurinn hefði verið trúr stefnu
sinni,“ segir Víðir og bætir við að
Sjálfstæðisflokkurinn hefði átt
að hlusta betur á unga fólkið sitt
á sínum tíma. „Ungir sjálfstæðis-
menn hafa verið samviska flokks-
ins í gegnum tíðina og ég ætla ekki
að hætta því. Það á ekki að halda
með flokknum sínum eins og fót-
boltaliði.“
Tækifærin eru í nýsköpun
Víðir settist á þing sem varamaður
og telur litlar líkur á að kallað verði
á hann aftur á þessu kjörtímabili.
Ef svo yrði myndi hann leggja höf-
uðáherslu á atvinnu- og skattamál.
„Það þarf að hvetja fólk til að halda
áfram að stofna fyrirtæki og styðja
við nýsköpun. Þar liggja tækifærin
okkar í dag,“ segir Víðir Smári.
Verð kannski spurning í Gettu betur
UNGUR Á ALÞINGI Víðir Smári er sannfærður um ágæti sjálfstæðisstefnunnar, en telur þó að ekki eigi að halda með flokkum eins og fótboltaliðum. „Ungir sjálfstæðismenn
hafa verið samviska flokksins í gegnum tíðina og ég ætla ekki að hætta því,“ segir Víðir. FRÉTTABLAÐIÐ/GVA
KÓPAVOGSSYSTKINI Víðir Smári , fyrir miðju, ásamt Emil bróður sínum til hægri og
Herði og Bryndísi til hægri. Emil var um tíma formaður ungra Vinstri grænna í Kópa-
vogi á meðan Víðir var formaður ungra sjálfstæðismanna í Kópavogi.
Víðir Smári settist á þing sem
varamaður á mánudag og sló þar
með met Sigurðar Magnússonar,
sem var 23 ára gamall þegar hann
settist á þing sem varaþingmaður
Alþýðubandalagsins í Reykjavík
árið 1971. Yngsti maðurinn sem
hefur náð kjöri sem þingmaður er
hins vegar Gunnar Thoroddsen,
sem einnig var 23 ára þegar hann
settist á þing með fullt umboð.
Yngstu þingmennirnir
GUNNAR
THORODDSEN
SIGURÐUR
MAGNÚSSON
Jón Sig-
urðsson var
þjóðhetja og í
gegnum hann
varð mér ljóst
að það er
mögulegt að
gera eitthvað
sem skiptir
máli, sem
skilur eitthvað
eftir sig.