Fréttablaðið - 01.10.2010, Page 60

40 1. október 2010 FÖSTUDAGUR
„Það er búið að standa lengi til að spila á tón-
leikum á Íslandi. Það er kominn tími til og ég er
mjög spenntur,“ segir tónlistarmaðurinn Jóhann
Jóhannsson.
Fyrstu sólótónleikar hans í fjögur ár verða
haldnir í Hallgrímskirkju í kvöld í samstarfi við
12 Tóna og kvikmyndahátíðina RIFF. Þar ætlar
hann, ásamt fimm manna hljómsveit, að spila
lög af þremur plötum sínum: Englabörn, Ford-
landia og IBM 1401, a User´s Manual. Einnig
verður spilað töluvert af óútgefnu efni. Mynd-
efni sem Magnús Helgason hefur gert sérstak-
lega fyrir tónlist Jóhanns fær einnig að njóta sín
á tónleikunum. „Það er æðislegt að geta komið
fram á svona veglegum tónleikum í tengslum
við kvikmyndahátíðina,“ segir Jóhann. „Það er
gaman að geta gert þetta uppi í kirkju og með
þessu myndefni frá Magnúsi. Hann hefur ferð-
ast um heiminn með þessar myndir en ekki gert
þetta áður á Íslandi. Þetta eru mjög fallegar
myndir sem Magnús hefur búið til.“
Jóhann hefur tvisvar áður spilað í Hallgríms-
kirkju, eða 2003 og 2004. Fyrst með Caput-hópn-
um og síðan með strengjakvartett og Matthí-
asi Hemstock. „Hljómurinn hentar tónlistinni
minni rosalega vel og svo er ég mikill aðdáandi
þessarar kirkju.“
Jóhann hefur verið á tónleikaferðalagi um
Evrópu að undanförnu, þar á meðal í Lissabon
og í Berlín, sem hefur gengið mjög vel. Hann
er einnig að ljúka við nýja plötu sem kemur út
í maí, auk þess sem hann er að vinna að kvik-
myndatónlist við dönsku myndina The Good
Life. -fb
Fyrstu einleikstónleikarnir í fjögur ár
JÓHANN JÓHANNSSON Fyrstu sólótónleikarnir hans í
fjögur ár verða haldnir í Hallgrímskirkju í kvöld.
Óvenjulegt sýning verður opin
í Hafnarfirði um helgina en þá
ætlar Birgir Sigurðsson, mynd-
listarmaður og rafvirki, að
umbreyta íbúð sinni að Þúfu-
barði 17 í myndlistargallerí.
Listamennirnir sem taka þátt í
fyrstu sýningunni eru Þorvaldur
Þorsteinsson, Helena Jónsdóttir,
Bjarni Þór Sigurbjörnsson, Eygló
Harðardóttir, Sara Björnsdótt-
ir, Hlynur Hallson, Anna Sigríð-
ur, Elín Anna Þórisdóttir, Helena
Hans, Hjördís Frímann og Unnur
Óttarsdóttir.
Sýningin stendur aðeins þessa
einu helgi og er opin frá kl. 14.00
til 17.00 á laugardag og sunnudag
en til stendur að halda tvær aðrar
sýningar á þessu ári. Sumir lista-
mennirnir munu vinna verk beint
á veggi íbúðarinnar og þannig
verður íbúðin að listaverki, sem
tekur stöðugum breytingum.
Gallerí í
heimahúsi
Menningar- og safnanefnd Garða-
bæjar stendur fyrir klassískri
tónleikaröð í vetur í Kirkjuhvoli,
safnaðarheimili
Vídalínskirkju í
Garðabæ.
Hallveig Rún-
arsdóttir sópr-
ansöngkona
og Gerhard
Schull píanó-
leikari ríða á
vaðið í klass-
ískri tónleika-
röð á sunnudag
en Schull er jafnframt listrænn
stjórnandi tónleikaraðarinn-
ar. Á tónleikunum á sunnudag
verða flutt verk eftir Hugo Wolf
úr Mörike-Lieder og ljóðaflokkur
Hectors Berlioz, Les nuits d´été.
Auk Hallfríðar kom fram á tón-
leikunum í vetur Auður Gunnars-
dóttir sópran, Þóra Einarsdóttir
sópran, Ágúst Ólafsson baritón og
píanóleikarinn Martijn van den
Hoek.
Tónleikarnir hefjast klukkan 17.
Hallveig í
Kirkjuhvoli
HALLVEIG
RÚNARSDÓTTIR
Næstum einum af hverjum fimm
sjónvarpsáhorfendum og útvarps-
áhorfendum í Bretlandi finnst
óþægilegt að horfa eða hlusta á
dagskrárefni þar sem samkyn-
hneigð kemur við sögu. Þetta
kemur fram í nýrri könnun á
vegum BBC.
Um 1.600 manns tóku þátt í
könnuninni. Um fimmtungi gagn-
kynhneigðra finnst of mikið fram-
boð af dagskrárefni sem tengist
samkynhneigðu fólki, en 46 pró-
sent töldu framboðið hæfilegt.
Lesbíur kvörtuðu yfir skorti á
samkynhneigðum konum í sjón-
varpi og samkynhneigðir karlar
sögðu staðalmyndir af homm-
um enn alltof útbreiddar í bresku
sjónvarpsefni.
Enn viðkvæmt
sjónvarpsefni
LITTLE BRITAIN Nærri einum af hverjum
fimm finnst óþægilegt að horfa á sjón-
varpsefni þar sem samkynhneigð kemur
við sögu.