Fréttablaðið - 01.10.2010, Blaðsíða 42
8 föstudagur 1. október
✽
b
ak
v
ið
tj
öl
di
n Uppáhaldsdrykkurinn?
Það er Cap-
hrina.
Uppá-
haldsstað-
urinn?
Sosua
Beach í
Dominicana,
það er ótrú-
lega fallegt
þar.
Besti tími
dags?
Nóttin.
Uppáhaldsflíkin?
Það eru nýju leðurbuxurn-
ar mínar!
Besti kostur þinn?
Ég er mjög jákvæð.
María Birta
Bjarnadóttir er
tuttugu og tveggja ára,
rekur tvær tískuverslanir
á Laugaveginum, sinnir
fyrirsætustörfum í hjá-
verkum og fer með hlut-
verk í kvikmyndinni Óróa
sem frumsýnd verður 14.
október næstkomandi.
Viðtal: Sara McMahon
Ljósmyndir: Anton Brink
U
pphafið að versl-
unarrekstri Maríu
Birtu var óvænt og
kom til þegar hún lá
veik heima frá skóla
og ákvað að stofna uppboðssíðu á
samskiptavefnum Myspace í stað
þess að láta sér leiðast. Hún seg-
ist vera þannig gerð að hún þurfi
alltaf að hafa nóg fyrir stafni og
helst gera tvo hluti í einu. Á þess-
um tíma stundaði María Birta
nám við Menntaskólann í Hamra-
hlíð þar sem hún lagði meðal ann-
ars stund á rússnesku, frönsku,
spænsku og leiklist.
„Ég veiktist illa og var frá skóla
í tvær vikur. Ég á erfitt með að
liggja aðgerðalaus og slappa af
og ákvað ég þess vegna að stofna
uppboðssíðu á Myspace og selja
föt og fylgihluti. Ég átti rosalega
mikið af fallegum hlutum sem ég
notaði aldrei, til dæmis stórt safn
af skóm í stærðum sem ég passaði
ekki í, og ákvað að selja eitthvað
af þessu dóti á Myspace. Þetta
byrjaði sem pínulítill snjóbolti
sem síðan stækkaði og stækkaði
og áður en ég vissi af var ég komin
í fulla vinnu við þetta,“ útskýrir
María Birta. Hún segir vinnuna í
kring um síðuna hafa verið mun
meiri en hún hefði gert sér grein
fyrir í byrjun og oft sat hún heilu
næturnar við tölvuna og vann.
LÆRÐI SMÁTT OG SMÁTT
María Birta opnaði verslunina
Vintage í lok maí árið 2007 á efri
hæð húsnæðis við Laugaveg og
rak verslunina þar í nokkurn tíma.
Hún segist lítið hafa kunnað til
verka þegar hún hóf reksturinn en
var fljót að læra og er nú reynsl-
unni ríkari. „Ég vissi ekkert um
verslunarrekstur þegar ég byrjaði,“
segir hún og hlær. „Þegar ég flutti
inn mína fyrstu stóru sendingu
var ég spurð af tollverði hvort toll-
krítin mín væri opin. Ég hafði ekki
hugmynd um hvað tollkrít var og
svaraði bara játandi. Sem betur fer
reyndist það svar svo rétt, en það
var alls konar svona rugl sem ég
var að lenda í fyrstu árin. Það eina
sem ég vissi þegar ég byrjaði var
að ég vildi veita góða þjónustu og
svo sat ég bara í súpunni með af-
ganginn.“
Haustið 2008 flutti Vintage í nýtt
og betra húsnæði ofar á Laugaveg-
inum og segir María Birta það hafa
skipt sköpum um hvort verslun-
in færi á hausinn eða ekki enda
hafi verið erfitt að reka verslun
sem var jafn falin og Vintage var.
Stuttu eftir flutningana ákvað hún
að opna skóbúð og gekk rösklega
til verks. „Ég fékk þá flugu í haus-
inn að það yrði gaman að opna
skóbúð og beit það fast í mig. Dag-
inn eftir fann ég hentugt húsnæði
og daginn eftir það var ég búin að
skrifa undir leigusamninginn,“
segir hún brosandi.
María Birta segir „second hand“
fatamarkaðinn erfiðan og því
ákvað hún að loka Vintage um
leið og tækifæri gafst og einbeita
sér þess í stað að rekstri skó búð-
arinnar Maníu. Í sumar opn-
aði hún svo fataverslunina Elítu
sem hefur verið lokað í skamm-
an tíma vegna endurbóta. Þegar
María Birta er spurð hvort hún sé
komin á rétta hillu í lífinu svar-
ar hún neitandi. „Ég held ég yrði
ekkert sérstaklega ánægð væri
ég orðin sjötug og þetta væri það
eina sem ég hefði gert í lífinu, ég
vil frekar líta á þetta sem erfitt
en skemmtilegt tímabil heldur en
framtíðarstarf.“
EKKI SPÉHRÆDD
María Birta hefur sinnt fyrirsætu-
störfum frá sjö ára aldri og hefur
auk þess leikið í fjölda sjónvarps-
auglýsinga. Hún segir fyrirsætu-
starfið skemmtilegt enda hafi
hún fengið að ferðast mikið vegna
starfsins. „Pabbi minn er ljós-
myndari og var alltaf með mynda-
vélina á lofti. Ég held að það hafi
kannski sitt að segja um hvað ég
er örugg fyrir framan myndavélar.
Ég er alveg laus við feimni þegar
verið er að mynda mig, en mér
hefur aftur á móti aldrei liðið vel
á sviði,“ segir hún.
María var fengin til að fara
með hlutverk vandræðaunglings-
ins Júditar í kvikmyndinni Óróa
sem verður frumsýnd í október.
Þetta er fyrsta kvikmyndahlutverk
Maríu Birtu og í myndinni þurfti
hún meðal annars að leika í nekt-
aratriði sem hún segir hafa verið
lítið mál.
„Það er í gangi orðrómur um að
ég hafi leikið í einni svæsn ustu
kynlífssenu sem hafi sést í ís-
lenskri kvikmynd, en það er
ekki alveg rétt. Ég leik í nektar-
atriði, en fer ekki úr brókinni og
senan er alls ekki það svæsin,“
segir hún hlæjandi og bætir við.
„Það væri slæmt að gera ungl-
ingamynd sem væri svo bönnuð
innan átján ára. En ég útiloka ekki
að ég eigi einhvern tímann eftir
að leika í svæsnasta kynlífsatriði
sem sést hafi,“ segir hún sposk á
svip. Atriðið var tekið upp í svo-
kölluðu „lokuðu setti“ sem þýðir
að enginn var viðstaddur tökurn-
ar nema leikstjórinn og helstu að-
stoðarmenn hans. „Ég er alls ekki
spéhrædd þannig að mér fannst
þetta ekkert tiltökumál. Það sem
mér fannst erfiðast var að fram-
kalla þennan neista sem átti að
vera á milli mín og mótleikarans
og allt mitt fór í það.“
María Birta er stjúpdóttir Pálma
Gestssonar, leikara, sem hún segir
hafa hvatt sig áfram í leiklistinni.
„Hann sagði mér að prófa að taka
þetta hlutverk að mér og sjá svo
hvað mér þætti um leiklistina
eftir það. Hann varaði mig við því
að þetta væri bæði erfið vinna
og langir vinnudagar og það var
alveg rétt hjá honum. Það er auð-
velt að sitja og horfa á kvikmynd
og heillast af leiklistinni, en úff,
þetta er miklu meiri vinna en
mann grunar.“
María segist spennt að sjá út-
komuna þegar myndin verður
loks frumsýnd og hefur hún lofað
að bjóða móður sinni og Pálma
með, enda vilji hún heyra hvað
fagmanninum finnst um frammi-
stöðu sína. „Hann á örugglega eftir
að dæma mig í drasl, en ég mun
taka mikið mark á öllu sem hann
segir.“
ÆTLAR AÐ SLAPPA AF
Þegar María er innt eftir því hvað
hún telji að framtíðin beri í skauti
sér er hún fljót til svars. „Mig
langar að búa í Karíbahafinu, ég
fór þangað einu sinni þegar ég var
fjórtán ára og hef aldrei gleymt
þeirri lífsreynslu. Mig langar líka
að prófa mig meira áfram í leik-
listinni, en ætli það velti ekki líka
svolítið á frammistöðu minni í
Óróa.
Annars er ég bara að reyna að
temja mér nýja siði og hægja svo-
lítið á mér. Ég er alltaf að reyna að
gera tvo hluti í einu og nú er ég
að reyna að venja mig á að gera
bara einn hlut í einu,“ segir hún
að lokum kampakát.
ALVEG LAUS VIÐ FEIMNI
Dugnaðarforkur María Birta Bjarnadóttir segist gjarnan vilja prófa sig áfram í leik-
listinni í framtíðinni en segir þá ákvörðun velta á frammistöðu sinni í kvikmyndinni Óróa.
Vín & Veisla
fylgir Fréttblaðinu
á laugardag
Auglýsendur vinsamlega hafið samband við
Bjarna Þór
bjarnithor@365.is
512 5471