Fréttablaðið - 07.10.2010, Blaðsíða 6
6 7. október 2010 FIMMTUDAGUR
Telurðu að hlífa eigi fæðingar-
orlofssjóði frá niðurskurði hins
opinbera?
Já 56%
Nei 44%
SPURNING DAGSINS Í DAG:
Telur þú að mótmæli við Austur-
völl muni leiða til pólitískra
breytinga á næstunni?
Segðu skoðun þína á vísir.is
FRÉTTASKÝRING
Hvað hefur Alþjóðagjaldeyrissjóðurinn
á móti flatri skuldaafskrift?
Allmikil umræða varð snemma árs
2009 um kosti þess að mæta skulda-
vanda þjóðarinnar með flatri 20
prósenta niðurfellingu húsnæðis-
skulda heimila og heildarskulda
fyrirtækja. Hugmyndin, sem komin
var frá Framsóknarflokki og naut
hljómgrunns í Sjálfstæðisflokki,
hefur nokkrum sinnum skotið upp
kollinum síðan.
Í nýendurskoðaðri viljayfirlýs-
ingu ríkisstjórnarinnar um efna-
hagsáætlun landsins í samstarfi við
Alþjóðagjaldeyrissjóðinn (AGS) eru
hins vegar tekin af öll tvímæli um
að leiðin sé á dagskrá. Áherslan sé
á að hjálpa þeim verst stöddu.
Eftir að nokkra umræðu í fyrra
kom í ljós að hún hugnaðist ekki
AGS. Í viðtali við Fréttablaðið 14.
mars 2009 sagði Mark Flanagan,
yfirmaður sendinefndar sjóðsins
að slík aðgerð yrði ríkisstjórninni
mjög dýr og skilaði litlum árangri.
Mat sendinefndarinnar var að
flöt skuldaniðurfelling væri ekki
möguleg. Þeir sem ekki þyrftu á
því að halda myndu hagnast veru-
lega á skuldaniðurfellingunni, en
þeir sem þyrftu á aðstoð að halda
fengju hana ekki.
Þessa skoðun áréttaði Flanagan
svo í apríllok á þessu ári, að lok-
inni annarri endurskoðun áætlunar-
innar. Á símafundi með fjölmiðlum
harmaði hann að sá árangur sem
stjórnvöld hefðu náð í að takast
á við skuldavanda heimila skyldi
hafa komið fram í skrefum sem
virtust hafa ýtt undir væntingar
um fjársjóð við enda regnbogans.
„Þar er engan fjársjóð að finna,“
sagði hann og kvað kröfur um flata
afskrift óraunhæfar. „Peningar til
slíkra aðgerða eru ekki til. Ef ein-
hver hugmynd er vond, þá er það
þessi,“ sagði hann og ítrekaði að
afksriftum ætti ekki að beita nema
þörf krefði. „Ástæðulaust er að
afskrifa háar skuldir hjá einhverj-
um sem einnig á miklar eignir.“
Flestir hagfræðingar hafa tekið
undir að hugmyndin um flata
skuldaafskrift sé slæm og þá hafa
lífeyrissjóðirnir verið á móti henni,
enda liggur hluti húsnæðisskulda
í lánum frá þeim. Hrafn Magnús-
son, framkvæmdastjóri Landssam-
bands lífeyrissjóða, sagði í mars í
fyrra að leiðin væri ávísun á skerð-
ingu lífeyrisréttinda. Við 20 pró-
senta afskrift myndu eignir sjóð-
anna skerðast um 33 milljarða, en
á þeim tíma voru sáralítil vanskil á
lánum sjóðanna.
Þá kom fram í svari viðskiptaráð-
herra á Alþingi í maí á þessu ári að
kostnaður ríkisins við að lækka
höfuðstól verðtryggðra lána um 20
prósent yrði 229 milljarðar króna.
Greiðslubyrði meðalláns hjá íbúða-
lánasjóði myndi að jafnaði ekki
lækka um nema fimm til níu þús-
und krónur á mánuði.
olikr@frettabladid.is
Flöt afskrift er vond
hugmynd segir AGS
Að mati AGS er ástæðulaust að afskrifa skuldir eignafólks. Sjóðurinn hefur
frá upphafi verið á móti hugmyndum sem viðraðar hafa verið um flata skulda-
afskrift. Efnahagsáætlun stjórnarinnar byggir á því að hjálpa þar sem þörf er á.
Fylgjandi Á móti
Ólík sjónarmið varðandi flata niðurfellingu skulda
Flöt skuldaleiðrétting er
fljótvirk og almenn aðgerð
sem nýtist öllum.
ALMENNT Fjöldi fólks sem ræður vel við afborganir
lána sinna og stendur vel fengi felldar
niður skuldir. Greiðslubyrði verðtryggðra
lána til 25 og 40 ára myndi ekki léttast
svo við fimmtungsafskrift að úrslitum
skipti hvað varðar fjárhagslega heilsu
heimilanna.
Um er að ræða tapað fé
sem ætti að afskrifa og
hefur þegar verið gert við
yfirtöku kröfuhafa á bönk-
unum. „Þetta snýst um að
lækka kröfur sem ekki er
innistæða fyrir,“ sagði for-
maður Framsóknarflokksins
í Fréttablaðinu 20. maí
síðastliðinn. Lánasöfn yrðu
heilbrigðari og velta myndi
aukast í hagkerfinu.
EFNAHAGSLÍF Milljarðakostnaður fellur á ríkissjóð sem
leggja þyrfti Íbúðalanasjóði til fé til að
mæta höfuðstólslækkuninni, þannig að
hann standist kröfur um eiginfjárhlutfall.
Eignir lífeyrissjóða myndu skerðast og
væntanlega lífeyrisréttindi almennings
um leið. Starfshópur Seðlabankans sagði
í mars 2009 að flatar afskrftir yrðu bornar
af ríkissjóði, eða erlendum kröfuhöfum að
fengnu samþykki þeirra. Aðgerðirnar yrði
að fjármagna með skattahækkunum eða
niðurskurði ríkisútgjalda.
Nýju bankarnir hafa keypt
lánasafn gömlu bankanna á
50 prósenta afslætti og því
rúm til að lækka skuldir.
LÁNASÖFNIN Ólíklegt að kröfuhafar samþykki afskriftir á
lánum sem annars myndu innheimtast.
Kostnaður félli líklega á ríkissjóð.
“Estelle” 2 +1+1+sófaborðTil í kubu grey og natural lit.
Listaverð kr. 299.900,-
Tilboðsverð m/40% afsl. kr. 179.940,-
Einnig nýkomin úti/inni sófasett í nokkrum litum og gerðum
á frábæru verði.
Opið:
Má. - Fö. 12 - 18 - Lau. 12 - 16 - Sun. 13 - 16
Kauptúni 3 • 210 Garðabær • S 771 3800 • www.signature.is
Tilboð á nýjum bastsófasettum!
Auglýsing um Aðalskipulag
Langanesbyggðar 2007-2027
Sveitarstjórn Langanesbyggðar auglýsir
hér með tillögu að Aðalskipulagi
Langanesbyggðar 2007-2027 ásamt
umhverfisskýrslu skv. 18. gr. skipulags-
og byggingarlaga nr. 73/1997 með síðari
breytingum.
Tillagan sem nær til alls sveitarfélagsins er sett fram
í aðalskipulagsgreinargerð með umhverfisskýrslu,
þéttbýlisuppdrætti fyrir Þórshöfn í mælikvarða 1:10.000,
þéttbýlisuppdrætti fyrir Bakkafjörð í mælikvarða 1:5.000 og
sveitarfélagsuppdrætti í mælikvarða 1:50.000.
Tillagan verður til sýnis á skrifstofum Langanesbyggðar,
Fjarðarvegi 3 á Þórshöfn og í Skólagötu 5 á Bakkafirði frá
kl. 8.00 til 16.00 alla virka daga frá 7. október 2010 til
18. nóvember 2010. Jafnframt er tillagan til sýnis hjá
Skipulagsstofnun, Laugavegi 166, Reykjavík.
Skriflegar athugasemdir og ábendingar skulu hafa borist
sveitarstjóra Langanesbyggðar eigi síðar en kl. 16.00
fimmtudaginn 18. nóvember 2010.
Hægt verður að nálgast texta greinargerðarinnar,
umhverfisskýrslu og uppdrætti aðalskipulagsins á heimasíðu
Langanesbyggðar – www.langanesbyggd.is – frá og með 7.
október 2010.
Þeir sem ekki gera athugasemdir innan tilskilins frests,
teljast samþykkir tillögunni.
Sveitarstjóri Langanesbyggðar
Auglýsingasími
MENNINGARMÁL „Við skulum að minnsta kosti orða
það þannig að það hefði verið siðferðilega rétt að
fá klárt leyfi til þess að nota þessar myndir,“ segir
Knútur Bruun, lögfræðingur Myndstefs, um notkun
Ólafs Elíassonar á ljósmyndum annarra af bílum í
íslenskum vatnsföllum.
Eins og kom fram í Fréttablaðinu í gær eiga að
minnsta kosti tveir myndasmiðir ljósmyndir í verki
Ólafs, Cars in Rivers, án þess að þeir hafi verið
beðnir um leyfi fyrir notkun myndanna. Um er að
ræða myndir úr albúmi sem skálaverðir Ferðafélags
Íslands hafa safnað í Þórsmörk og skrifstofa félags-
ins lét Ólaf hafa án þess að fá heimild myndasmið-
anna.
„Ólafur er í sjálfu sér að búa til nýtt höfundar-
verk með því að raða þessum myndum öllum saman
í syrpu. Sumir segja að Erró geri þetta stundum,
hann tekur kannski verk eftir einhverja fimm eða tíu
myndhöfunda og stillir þeim upp og skýtur svo inn á
milli orrustuþotum og Kínverjum í samförum og býr
þá til nýtt höfundarverk,“ útskýrir Knútur, sem kveð-
ur Ólaf hins vegar hafa búið til seríu úr myndum án
þess að blanda þeim saman eða eiga við á annan hátt.
„Hann er nú farinn að nálgast það ansi mikið að
taka höfundarverk annarra; þessara ljósmyndara.
Það er alveg á mörkunum að það sé hægt að gera án
þess að fá leyfi,“ segir Knútur. - gar
Lögfræðingur Myndstefs segir Ólaf Elíasson hafa átt að fá heimild ljósmyndara:
Siðferðilega rétt að biðja um leyfi
ÓLAFUR ELÍASSON Listamaðurinn við verkið Cars in Rivers sem
hann gaf Listasafni Íslands og er þar nú til sýnis.
FRÉTTABLAÐIÐ/VALLI
STJÓRNMÁL Við kynntum ráðherrun-
um okkar hugmyndir og útfærslu
á þeim. Ég lít björtum augum á
framhaldið og vona að útkoman
verði góð,“ sagði Marinó G. Njáls-
son, stjórnarmaður í Hagsmuna-
samtökum heimilanna, eftir fund
með fimm ráðherra starfshópi um
skuldamál í gærmorgun.
Marinó segir að svo leið samtak-
anna sé fær þurfi fleiri að koma
að borðinu; lánastofnanir og líf-
eyrissjóðir. Lykilatriði sé að lausn
verði fengin með samningum en
ekki lögboði.
Næstu skref eru að bera saman
tölur og er nýr fundur boðaður
eftir helgi.
Fram kom í Fréttablaðinu í gær
að Jóhanna Sigurðardóttir hefði
boðað forystu stjórnarandstöðuna
á fund klukkan níu í gærmorgun.
Ólöf Nordal Sjálfstæðisflokki og
Þór Saari Hreyfingunni könnuð-
ust hvorugt við slíkt fundarboð og
mættu því ekki.
Þór Saari segir í tilkynningu
að á fundi með forsætisráðherra
á þriðjudag hafi hann lagt fram
sjö liða tillögur að úrlausn skulda-
vandamála. Þá hafi hann lagt til
að að þeim framkvæmdum yrðu
kosningar tímasettar. Forsvars-
menn ríkisstjórnarinnar hafi ekki
séð ástæðu til að nálgast málin út
frá því sjónarhorni. - bþs
Hagsmunasamtök heimilanna bjartsýn á framhaldið eftir fund með ráðherrum:
Vilja samninga en ekki lögboð
Á LEIÐ Á FUND Forysta Hagsmunasam-
taka heimilanna var mætt í Stjórnar ráðið
klukkan tíu í gær. RÉTTABLAÐIÐ/GVA
ORKUMÁL Ísland og Bandaríkin
skrifuðu í gær undir samning sem
miðar að aukinni þekkingu og
frekari nýtingu jarðhitatækni um
heim allan.
Þetta er samvinnuverkefni
orkumálaráðuneytis Bandaríkj-
anna og iðnaðarráðuneytisins og
er því ætlað að skapa grundvöll
fyrir „vísindamannaskipti, sam-
eiginleg verkefni, og nýsköpun á
sviði menntunar, með það í huga
að flýta tækniþróun.“ Þá er miðað
að því að greina hindranir í vegi
fyrir aukinni nýtingu jarðhita. -þj
Samvinna um orkumál:
Vinna að fram-
gangi jarðhita
KJÖRKASSINN