Fréttablaðið - 07.10.2010, Blaðsíða 60

40 7. október 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Þá er endanleg dagskrá Iceland Airwaves komin á hreint og íslenskir
tónlistaráhugamenn lagstir yfir herlegheitin til að velja og hafna og
reyna að búa til áætlun. Sem er auðvitað næsta vonlaust. Í ár fer hátíð-
in fram á tíu stöðum samtímis sem er meira en áður og um það bil 250
listamenn koma fram á
þeim fimm dögum sem
hátíðin stendur yfir.
Og eins og alltaf eru
stundum nokkur algjör-
lega ómissandi nöfn að
spila á sama tíma. Við
getum tekið sem dæmi
laugardagskvöldið á mið-
nætti. Þá er hin sænska
Robyn í Hafnarhúsinu.
Ekki má maður missa af
henni. Á sama tíma eru
hinsvegar Hercules &
Love Affair á Nasa, The
Antlers á Sódómu, Neon
Indian á Venue og Ghostigital í Tjarnarbíói. Hvað sem þú gerir þá
sleppirðu ekki Ghostigital! Fleiri svipuð dæmi mætti nefna.
Þetta er samt auðvitað bara hluti af stemningunni. Hin ljúfa pína.
Og svo er þetta líka þannig að því fleiri tónlistarmenn sem maður
kynnir sér á dagskránni, þeim mun fleiri langar mann að sjá. Einn
af þeim listamönnum sem frekar lítið hefur farið fyrir í kynningu á
hátíðinni er Dominique Young Unique, 19 ára rappari frá Tampa í Flor-
ida. Hún hefur vakið mikla athygli fyrir lög eins og Show My Ass, The
World Is Mine, Hot Girl og War Talk. Tónlistin er ofursvalt elektrósk-
otið og dansvænt hip-hop með Miami-bass áhrifum. Og Dominique er
flott. Með taktana á tæru. Hún er líka sjóðheit þessa dagana. Sló í gegn
á SXSW og er búin að vera á tónleikaferðalagi með Dirty Projectors
síðustu vikur. Dominique kemur fram á Venue kl. 22.30 á fimmtudags-
kvöldið ...
Góð pína
SJÓÐHEIT Dominique Young Unique kemur fram á
Airwaves á fimmtudagskvöldinu.
> Plata vikunnar
ÓLÖF ARNALDS - INNUNDIR
SKINNI
★★★★
„Ólöf Arnalds heldur áfram að
fullkomna stílinn sinn á fínni
plötu.“ TJ
> Í SPILARANUM
Sing for me Sandra - Apollo‘s Parade
Weezer - Hurley
Friðrik Ómar - Elvis
Antony and the Johnsons - Swanlights
Belle and Sebastian - Write About Love
BELLE AND SEBASTIANSING FOR ME SANDRA
Fimmta plata Kings of Leon
er væntanleg í október.
Hljómsveitin varð gríðar-
lega vinsæl í kjölfar síð-
ustu plötu, en ætlaði að leita
aftur til rótanna á nýju plöt-
unni. Það virðist ekki ætla
að ganga eftir, ef marka má
þá sem hafa heyrt nýju plöt-
una.
Uppgangur Kings of Leon hefur
verið hraður síðustu misseri.
Hljómsveitin náði nýju stigi ofur-
vinsælda árið 2008 þegar lagið
Sex on Fire kom út á plötunni Only
by the Night. Allt í einu var Kings
of Leon komin inn í rútínu ásamt
því að fá sér í vörina og hlusta á
morgunþátt FM 957. Platan í heild
var talsvert poppaðari en það sem
hljómsveitin hafði sent frá sér áður,
þó platan Because of the Times
frá 2007 hafi verið fyrsta skrefið
í átt vinsældarpoppsins. Nýjasta
plata Kings of Leon, Come Around
Sun Down, er væntanleg um miðj-
an október og miðað við fyrsta
útvarpsslagarann Radioactive er
von á meira af því sama frá Suður-
ríkjadrengjunum snoppufríðu.
Þegar Kings of Leon fór í hljóð-
ver til að taka upp nýju plötuna
lögðu meðlimir hljómsveitarinn-
ar upp með að lögin yrðu dimm
og í anda gamla gruggsins. Annað
kom á daginn og í maí á þessu ári
sagði trommarinn Nathan Foll-
owill að lögin væru í rólegri kant-
inum, „strandarleg“ og í ætt við
fyrstu plötuna Youth and Young
Manhood. Það virðist vera í tísku
hjá hljómsveitum að vísa í fyrstu
plötuna þegar þær eru byrjaðar
að höfða til stærri hóps í von um
að ergja ekki þá sem hafa hlustað
frá upphafi. Það verður að segj-
ast að nær undantekningalaust er
allt tal um „gamla hljóminn“ ekki
á rökum reist og Kings of Leon er
örugglega engin undantekning.
Það þarf samt ekki að vera
slæmt. Radioactive lofar góðu
fyrir þá sem kunna að meta tvær
síðustu plötu Kings of Leon og
miðað við dóm tónlistartímarits-
ins Q halda þeir blygðunarlaust í
átt til frekari vinsælda á plötunni.
Þar er raunar talað um að í stað-
inn fyrir að vera Suðurríkjaútgáfa
The Strokes, eins og fyrstu tvær
plöturnar gáfu til kynna er hljóm-
sveitin orðin sveitalubba-Bon Jovi.
Við skulum leyfa aðdáendum að
dæma um það, en lýsingin er stór-
skemmtileg. atlifannar@frettabladid.is
Suðurríkja-Strokes verður
að sveitalubba-Bon Jovi
ár eru síðan Kings
of Leon var stofn-
uð, en fyrsta platan
kom út árið 2003.
11
er meðalaldur
strákanna í Kings
of Leon. Sá yngsti,
Jared, er fæddur 1986 og sá
elsti, Nathan, er fæddur 1979.
27
milljón eintök
af Only by the
Night, síðustu
plötu Kings of Leon, hafa
selst um allan heim.
6,5
Rafræn forsala á plötunni Goð+ með
neðanjarðarrokksveitinni S.H. Draumi
hefst í dag. Salan fer fram á glænýjum
vef verslunarinnar Havarí, Havari.is. Þar
verður einnig að finna alls kyns auka-
efni og efni sem komst ekki fyrir á plöt-
unni. Goð+ er tveggja diska endurútgáfu-
pakki S.H. Draums og inniheldur næstum
því allt hljóðritað efni hljómsveitarinn-
ar ásamt bæklingi með textum og sögu-
ágripi. Þeir sem kaupa plötuna rafrænt í
forsölu fá einnig eintakið sjálft sent til sín
innan nokkura daga. Platan verður svo
fáanleg í verslunum 13. október. Kimi Rec-
ords stendur að útgáfu Goð+ með Gunnari
Lárusi Hjálmarssyni.
S.H. Draumur kemur saman eftir sautj-
án ára hlé til að spila á Airwaves-hátíðinni
á Nasa 14. október. Einnig stefnir hljóm-
sveitin á sérstaka Goð-tónleika í lok nóv-
ember á Akureyri og í Reykjavík. Þar
verður Goð-platan leikin í heild sinni í
fyrsta og eina skipti. -fb
Forskot á sæluna
S.H. DRAUMUR Rafræn forsala á plötunni Goð+
hefst í dag.
„Þetta er bæði tilhlökkun og svolít-
ill ótti,“ segir Ingvar Geirsson, eig-
andi plötubúðarinnar Lucky Rec-
ords. Hann opnar tónlistarhátíðina
Brooklyn Soul Festival í New York
á morgun sem plötusnúðurinn DJ
Lucky. „Þetta er svolítil pressa en
þetta verður bara gaman.“
Ingvar ætlar á hátíðinni að spila
sálar- og fönkplötur úr 7 tommu
safni sínu. Hátíðin stendur yfir í
tvo daga og þar koma fram fjór-
ir plötusnúðar og sex kunnir lista-
menn úr heimi bandarískrar sálar-
og fönktónlistar.
Ingvar var fenginn til að spila
á hátíðinni eftir að hann hitti
Richard Lewis, einn af skipuleggj-
endum hennar, á fönkhátíð Samú-
els J. Samúelssonar í Reykjavík í
sumar. „Ég ætlaði fyrst að fara út
og kíkja á hátíðina en svo þegar
hann frétti af því bað hann mig
um að spila,“ segir Ingvar. Samúel
verður einmitt með honum í New
York en ætlar þó ekki að stíga á
svið. Hann ætlar að nýta ferðina til
að næla sér í sambönd fyrir næstu
fönkhátíð. Ingvar ætlar einnig að
reyna að koma sér í samband við
erlenda útgefendur vegna Lucky
Records. Saman hyggja þeir síðan
á mánaðarleg fönk- og sálarkvöld
í Reykavík þar sem þessar tónlist-
arstefnur fá að njóta sín.
- fb
Tilhlökkun og ótti í Brooklyn
INGVAR GEIRSSON Ingvar spilar á tónlistarhátíðinni Brooklyn Soul Festival í New York
á morgun. FRÉTTABLAÐIÐ/STEFÁN