Fréttablaðið - 07.10.2010, Blaðsíða 70

7. október 2010 FIMMTUDAGUR48
sport@frettabladid.is
FÓTBOLTI Líklega einhver óvænt-
ustu tíðindi í íslenskri knatt-
spyrnusögu áttu sér stað fyrir
vestan í gær er Guðjón Þórðar-
son skrifaði undir samning við 1.
deildarlið BÍ/Bolungarvíkur. Það
er ansi löng leið frá Stoke City sem
Guðjón stýrði í upphafi aldarinn-
ar til Ísafjarðar þar sem þjálfar-
inn mun nú starfa.
„Þetta kom til eins og allt annað
og hófst með samtali,“ segir Guð-
jón við Fréttablaðið. Hann segir að
það hafi ekki komið sér á óvart að
BÍ/Bolungarvík hafi sett sig í sam-
band við hann. „Ég er orðinn svo
gamall að það kemur mér ekkert
lengur á óvart,“ sagði hann í létt-
um dúr.
Hann var orðaður við sitt gamla
félag, KA, en kom síðan öllum á
óvart með því að semja við BÍ/
Bolungarvík. „Ég talaði við KA
á sunnudaginn en hef það sem
vinnureglu að tala ekki um samn-
inga sem ég geri ekki. Ég ræddi
við þá og er ekkert meira að segja
um það,“ segir Guðjón.
Honum líst vel á verkefnið sem
er fram undan en BÍ/Bolungar-
vík vann sér sæti í 1. deildinni nú í
haust. Stærsti hluti liðsins muni þó
æfa í Reykjavík í vetur. „Stefnan er
að gera eins vel og kostur er. Hversu
langt það mun fleyta okkur verður
að koma í ljós. Flestir leikmenn eru
í skóla fyrir sunnan en einhverjir
verða fyrir vestan í vetur. Við þurf-
um að finna lausn á því en ég á von
á að við höldum vestur með lóunni
í vor,“ segir Guðjón, sem er spennt-
ur fyrir því að starfa í 1. deildinni
á ný. Síðast gerði hann það þegar
hann var þjálfari ÍA árið 1991. Þá
fór hann beint upp með liðið sem
varð Íslandsmeistari næstu fimm
ár á eftir.
„Ég er ekki hræddur við að fara í
1. deildina. Þetta verður spennandi
og gaman að fá að takast á við þetta.
Hér er jákvætt fólk og góður andi
hjá þeim sem standa að þessu.“
Samúel Samúelsson, formaður
knattspyrnudeildar BÍ/Bolungar-
víkur er ánægður með ráðninguna.
„Við höfum aldrei farið leynt með
að það er mikill metnaður í fótbolt-
anum hjá okkur og þessi ráðning
undirstrikar það,“ segir Samúel.
Guðjón á von á að þurfa að
styrkja leikmannahóp liðsins fyrir
næsta tímabil. „Það liggur ekkert
fyrir um hvað við gerum í þeim
málum eða hvernig. Það verður
skoðað,“ segir Guðjón.
Athygli vekur að samningur
Guðjóns er óhefðbundinn að því
leyti að það eru engin tímamörk
á honum eins og tíðkast í knatt-
spyrnuheiminum. Þetta er því ein-
stakur samningur en forráðamenn
BÍ/Bolungarvíkur kalla þetta
ótímabundinn samning án þess að
útskýra það neitt ítarlega.
„Guðjón er ráðinn frá og með 15.
október og samningurinn er síðan
ótímabundinn. Það er samnings-
atriði milli okkar og Guðjóns
hvernig þessi útfærsla er og samn-
ingurinn er trúnaðarmál,“ sagði
Samúel.
Sjálfur segist Guðjón ánægður
með samninginn. „Ég er ekki með
neinn tímaramma á mínum samn-
ingi eins og flestir á atvinnumark-
aðnum. Ég er mjög ánægður með
minn samning.“
Guðjón hefur verið farsæll þjálf-
ari og sagður vera dýr á fóðrum.
Hvernig fer BÍ/Bolungarvík að því
að fjármagna þennan samning?
„Ég veit ekki hvað Guðjón hefur
haft í laun í gegnum tíðina en við
erum sáttir við þennan samning
og ekkert meira um það að segja.
Við höfum í gegnum tíðina haft
mörg fyrirtæki á bak við okkur
og þau eru enn til staðar. Það eru
engir sérstakir aðilar sem standa
á bak við þennan samning,“ segir
Samúel. - esá, hbg
2-0 KR OG STJARNAN mætast í 1. umferð Iceland Express-deildar karla í körfubolta í DHL-höllinni í kvöld. KR er spáð titlinum en Stjörnumenn unnu báða leiki sína í Vesturbænum á síðasta tímabili. Aðrir leikir í
kvöld eru Keflavík-ÍR og KFÍ-Tindastóll en leikirnir hefjast allir klukkan 19.15.
Þjálfaraferill Guðjóns
1987 ÍA
1988-90 KA
1991-93 ÍA
1994-95 KR
1996 ÍA
1997-99 Íslenska landsliðið
1999-2002 Stoke City
2002 Start
2003-04 Barnsley
2005 Keflavík
2005-06 Notts County
2007-08 ÍA
2008-09 Crewe Alexandra
2010-? BÍ/Bolungarvík
Óhræddur við 1. deildina
Guðjón Þórðarson hefur verið ráðinn þjálfari 1. deildarliðsins BÍ/Bolungarvík.
Hann segist spenntur fyrir verkefninu en hann þjálfaði síðast í 1. deildinni fyrir
20 árum síðan. Athygli vekur að starfssamningur Guðjóns er ótímabundinn.
NÝTT UMHVERFI Það verður örugglega sérstakt fyrir Guðjón að stýra liði á Torfnesvelli
næsta sumar eftir að hafa stýrt liði eins og Stoke á Wembley. NORDIC PHOTOS/GETTY IMAGES
FÓTBOLTI U-21 landslið Íslands
mætir Skotlandi á Laugardalsvelli
í kvöld. Leikurinn hefst klukkan
19.00 en um er að ræða fyrri leik
liðanna af tveimur í umspili um
hvort liðið komist í úrslitakeppni
EM sem fer fram í Danmörku
næsta sumar.
Eyjólfur Sverrisson, þjálfari
Íslands, er bjartsýnn fyrir kvöld-
ið. „Við höfum sýnt það í keppn-
inni að við erum með gott lið og
þá sérstaklega öfluga sóknar-
menn. Skotar eru með heilsteypt
og mikið baráttulið sem er dæmi-
gert fyrir þá. Hlaupagetan er
mikil og þeir berjast allan tímann.
Þeir hafa fengið lítið af mörkum
á sig en við ætlum ekki að fá á
okkur mark á heimavelli og reyna
að þvinga eitt eða tvö mörk á þá.
Ef það tekst verðum við í góðum
málum,“ segir Eyjólfur.
„Ég á von á að dagsformið
muni ráða miklu og ef við verð-
um klárir og rétt stemmdir fyrir
leikinn hef ég ekki áhyggjur af
okkur.“ - esá
U-21 landsliðið spilar í kvöld:
Dagsformið
ræður miklu
GANTAST Á ÆFINGU Það var létt yfir
mönnum á æfingu U-21 landsliðsins
fyrr í vikunni. Hér fær Guðlaugur Victor
Pálsson refsingu frá félögum sínum.
FÓTBOLTI Ein skærasta stjarna
íslenskrar knattspyrnu um þess-
ar mundir er Gylfi Þór Sigurðs-
son sem gekk í raðir þýska
úrvalsdeildarfélagsins Hoffen-
heim í haust. Hann verður í
eldlínunni með U-21 landsliði
Íslands í kvöld.
„Þetta hefur gengið mjög vel
en það tekur tíma að aðlagast
nýju liði,“ segir Gylfi, sem hefur
þegar skorað tvö mörk fyrir liðið,
bæði beint úr aukaspyrnum.
„Mér hefur gengið vel þegar ég
hef fengið að spila og vonandi fæ
ég fleiri tækifæri í byrjunarlið-
inu á komandi vikum.“
Hann var seldur frá enska lið-
inu Reading og segir að það hafi
verið erfitt að fara frá liðinu.
„Það er ekki alltaf á allt kosið en
ég held að þetta hafi verið rétt
ákvörðun. Ég þurfti á áskorun-
inni að halda og gat ekki sagt nei
við þessu tækifæri.“ - esá
Gylfi Þór Sigurðsson:
Ánægður í
Þýskalandi
FÓTBOLTI Stjórn Liverpool hefur
tekið kauptilboði bandarísks
eignarhaldsfélags í félagið.
Núverandi eigendur vilja hins
vegar ekki selja en þeir eru í
minnihluta í stjórninni.
New England Sports Ventures
er eigandi hafnaboltaliðsins
Boston Red Sox og staðfesti í gær
að stjórn Liverpool hefði sam-
þykkt tilboðið.
Núverandi eigendur, þeir Tom
Hicks og George Gillett, telja
hins vegar tilboðið óásættanlegt
og munu fara með málið fyrir
dómstóla til að reyna að koma í
veg fyrir söluna. Mikil átök voru
í stjórn félagsins í fyrradag þar
sem þeir Hicks og Gillett reyndu
að reka tvo úr stjórninni. Það
tókst þeim ekki.
NESV sagði í yfirlýsingu í gær
að það vildi búa Liverpool traust-
an fjárhagslegan grundvöll til
framtíðar, til að mynda með því
að greiða upp skuldir sem Hicks
og Gillett skrifuðu á félagið við
yfirtöku þeirra á sínum tíma.
„Markmið okkar er að koma
liðinu aftur á þann stall sem það
á heima á bæði í Englandi og Evr-
ópu, þar sem það mun keppa um
og vinna titla,“ segir í yfirlýsing-
unni.
Staða Hicks og Gilletts er ekki
sterk þar sem tæplega 300 millj-
óna punda skuld mun falla á
Liverpool verði hún ekki greidd
fyrir 15. október. - esá
Tekist á um Liverpool:
Eigendurnir
vilja ekki selja
JOHN HENRY Eigandi Boston Red Sox
sem vill nú kaupa Liverpool.
NORDIC PHOTOS/GETTY
HANDBOLTI Þorgerður Anna Atla-
dóttir er aftur gengin til liðs við
Stjörnuna. Hún hélt til Danmerk-
ur í sumar en sneri aftur heim
þar sem lið hennar þar, FIF, lenti
í fjárhagserfiðleikum.
Þorgerður sagði að valið hefði
staðið á milli að fara annað hvort
í Val eða Stjörnuna, sem hún
lék með áður. „Þetta var mjög
erfið ákvörðun en ætli hjartað
hafi ekki ráðið þarna för,“ sagði
hún við Fréttablaðið. Hún hefur
skrifað undir eins árs samning
og stefnir á að komast aftur að í
atvinnumennskunni. - esá
Þorgerður Anna Atladóttir:
Valdi Stjörnuna
fram yfir Val
KÖRFUBOLTI Íslandsmeistarar KR
töpuðu í gær sínum fyrsta leik á
tímabilinu í Iceland Express-deild
kvenna í gær þegar fyrsta umferð-
in fór fram. Haukar lögðu KR á
heimavelli sínum með minnsta
mun, 65-64.
KR stillir upp mikið breyttu liði
frá síðustu leiktíð en var spáð 2.
sæti deildarinnar, á eftir Keflavík.
Haukum var spáð þriðja sætinu en
þeir höfðu betur í gær.
KR náði drjúgri forystu í upphafi
leiks en Haukum tókst að minnka
muninn fyrir leikhlé. Þeir tóku svo
forystu í upphafi fjórða leikhluta
og héldu henni allt til loka.
Meistaraefnin í Keflavík unnu
Njarðvík á útivelli, 82-77, og
Grindavík vann Fjölni, 70-67. Þá
vann Hamar sigur á Snæfelli, 92-
71. - esá
Tímabilið í Iceland Express-deild kvenna hófst í gær:
Meistararnir töpuðu
STIGAHÆST Íris Sverrisdóttir skoraði 20
stig fyrir Hauka í gær. FRÉTTABLAÐIÐ/ANTON