Fréttablaðið - 09.10.2010, Blaðsíða 34

34 9. október 2010 LAUGARDAGUR
Þ
að hefur verið mjög
skemmtileg reynsla
að breyta svona til.
Við vorum í góðum
höndum á RÚV en
erum nú komnir á
nýjan vinnustað með nýju fólki og
það breyttist fátt hjá Spaugstofunni
nema aðstæðurnar. Það er eng-
inn bilbugur á okkur nema síður
sé, okkur þykir ögrandi að breyta
svona til, en líður mjög vel,“ segir
Sigurður Sigurjónsson Spaugstofu-
maður í tilefni þess að vinsæll sjón-
varpsþáttur þeirra félaga hefur nú
göngu sína á Stöð 2 eftir rúmlega
tveggja áratuga dvöl hjá RÚV.
Aðspurður segir Karl Ágúst
Úlfsson, félagi Sigurðar í Spaug-
stofunni, að áður hafi verið gerð-
ar tilraunir til að fá þáttinn yfir á
aðrar sjónvarpsstöðvar, en langt sé
síðan slíkt gerðist síðast. „Á fyrstu
árunum á RÚV varð þátturinn
mjög vinsæll og þá var ekki laust
við að aðrir fjölmiðlar gæfu okkur
undir fótinn, en það kom aldrei til
greina.“
„Auðvitað er það alltaf sama
íþróttakeppnin að framleiða svona
þátt einu sinni í viku og við nær-
umst á því,“ bætir Sigurður við.
Gömul Spaugstofa á nýjum stað
Spaugstofan mætir til leiks á nýjum vettvangi, í dagskrá Stöðvar 2, í kvöld. Af því tilefni hitti Kjartan Guðmundsson leikarana
Karl Ágúst Úlfsson og Sigurð Sigurjónsson og leit með þeim á ljósmyndir frá næstum aldarfjórðungs langri sögu stofunnar.
Sigurður: „Það fyrsta sem slær mann við þessa mynd er
auðvitað hversu ungir og fallegir þessir menn eru. Þarna
er Laddi með okkur en Pálmi kom síðar inn í hópinn.
Hann hafði verið bekkjarbróðir Arnar í Leiklistarskólan-
um, leigði með okkur vinnuaðstöðu og svo atvikaðist
það bara þannig að Pálmi varð einn af hópnum. Laddi
var svo með okkur í Imbakassanum á Stöð 2 nokkrum
árum síðar þegar hlé var gert á Spaugstofunni.“
Karl Ágúst: „Þetta er í raun fyrsta eiginlega Spaugstofan.
Þessi hópur gerði saman Áramótaskaupið 1985 og svo
fjóra þætti Á RÚV undir nafninu Spaugstofan árið 1987.
Skömmu síðar veðjaði Hrafn Gunnlaugsson, sem var
dagskrárstjóri RÚV á þeim tíma, á að setja á vikulega
þætti og þannig varð ´89 á Stöðinni til.“
1987 UNGIR OG FALLEGIR
Karl Ágúst: „Fyrstu árin var Stöðin
öðrum þræði skopstæling á Stöð
2. Á þessum tíma voru einhverjir
nýir menn að gerast hluthafar í
Stöð 2 og við bjuggum til þá sögu
að hluthafarnir væru bændur, og
þess vegna yrði landbúnaðurinn í
öndvegi hafður hjá stöðinni.“
Sigurður: „Ég man að þessi dýr
skitu út um allt og lyktin var í frétta-
settinu í talsverðan tíma á eftir.“
1990 SKOPSTÆLING Á STÖÐ 2
Karl Ágúst: „Hér eru
Erlendur Eiríksson og
Pálmi í hlutverkum
Ólafs F. Magnússonar
og Vilhjálms Vilhjálms-
sonar í kringum meiri-
hlutaskiptin frægu í
borginni fyrir nokkrum
árum. Viðbrögðin voru
nokkuð mikil og við
vorum sakaðir um að
hafa veist persónulega
að Ólafi, sem var alls
ekki ætlunin.“
Sigurður: „Spaugstof-
an vill vera á línunni,
þar eigum við heima,
og líklega höfum við
einmitt verið á línunni
í þessu tilfelli.“
Karl Ágúst: „Þessi
mynd er tekin
fyrir kreppu, þegar
fréttir höfði borist
af því að bankarnir
ættu í erfiðleikum,
og Kór banka-
manna er þarna
að betla meiri
peninga af Davíð
Oddssyni.“
Sigurður: „Við
höfum ansi oft
tekið upp á Arnar-
hóli. Þegar fyrstu
atriðin með rónunum Boga og Örvari voru tekin upp var þetta stóra hús fyrir
aftan ekki risið. Útsýnið yfir Esjuna var mjög fallegt en peningarnir byrgðu
sýn.“
Sigurður: „Þarna er Erlendur frétta-
maður að taka viðtal hjá Álverinu í
Straumsvík, væntanlega í tengslum
við einhver stóriðjumál. Erlendur
hefur eiginlega sérhæft sig í viðtöl-
um við Ragnar Reykás síðustu árin
og á tímabili var samband þeirra
tveggja orðið ansi flókið og náið.“
Karl Ágúst: „Já, gott ef Erlendur og
Ragnar voru ekki orðnir kviðmágar
og ég veit ekki hvað og hvað.“
Karl Ágúst: „Spaugstofan fékk Edduverðlaunin fyrir
besta skemmtiþátt ársins árið 2004, og við fengum þau
svo rækilega að síðan höfum við ekki einu sinni verið
tilnefndir. Þau verðlaun sem okkur þykir vænst um
eru líklega viðurkenning frá Íslenskri málnefnd á degi
íslenskrar tungu árið 2003.“
Sigurður: „Kristján Ólafsson veitti þeirri viðurkenningu
viðtöku og sletti á ensku upp um alla veggi, sem var
fullkomlega við hæfi.“
2008 DANSAÐ Á LÍNUNNI
1992 ERLENDUR FRÉTTAMAÐUR
2008 ARNARHÓLL FYRIR OG EFTIR KREPPU
2004 SLETT UPP UM ALLA VEGGI Á DEGI ÍSLENSKRAR TUNGU