Fréttablaðið - 09.10.2010, Blaðsíða 42
6 fjölskyldan
leikskóli
það er leikur að læra
arfirði, fór úr Borgarfirðinum í
Menntaskólann á Laugarvatni. Ég
hafði held ég á þessum tíma aldrei
leitt hugann að því að starfa á leik-
skóla, vissi varla að til væru leik-
skólar.“
En hann kunni strax vel við sig
og nokkrum árum síðar lærði hann
til leikskólakennara í þeim skóla er
þá hét Fósturskólinn. En hvernig
skyldi hefðbundinn dagur vera hjá
Ásmundi:
„Ég hef víðfeðmt starfsvið sem
aðstoðarleikskólastjóra, er til sam-
ráðs um leikskólamálin og svo vinn
ég inn á deildum, á þremur af fjór-
um deildum leikskólans. Þetta
er allt frá bleiuskiptum til sögu-
stunda,“ segir Ásmundur sem hefur
dálæti á að segja börnunum sögur.
„Ég segi þeim oft þjóðsögur, sög-
una af Búkollu eða Fóu feykirófu
til dæmis. Svo segi ég þeim stund-
um sögur af fimm ára dreng, sem
á hund og gott ef ekki talandi páfa-
gauk,“ segir Ásmundur sem geymir
þessar sögur í huganum og grípur
til þeirra þegar þarf.
Fyrir utan sögustundir er hreyf-
ing með börnum í uppáhaldi. Raun-
ar hefur Ásmundur verið verkefna-
stjóri verkefnis sem gengur út á
að efla hreyfiþroska barna, í sam-
starfi við íþróttafélagið í hverfinu,
KR. „Við erum í raun að venja börn-
in við það að það sé skynsamlegt að
verja tíma sínum hjá íþróttafélagi,
þannig er þetta forvarnarstarf.“
Ásmundur hefur mjög gaman
af útivistinni með krökkunum og
segir þau fljótt læra að það er auð-
velt að fá hann til að sparka bolta
og ærslast. Þannig hafi það reynd-
ar oft verið með þá karlmenn sem
hann hafi unnið með, en þeir eru
eins og gefur að skilja mun færri
en konurnar í þeirri miklu kvenna-
stétt sem leikskólakennarar og
starfsmenn eru.
Þegar talið berst að kynja-
hlutfalli inni á leikskólum segir
Ásmundur að hann hafi oft velt
því fyrir sér hvernig á því standi
að svo fáir karlmenn sæki í leik-
skólastörf. „Ég hef margrætt þetta
mál, án þess að komast að niður-
stöðu. Stundum er talað um launin
eða að kvennamenningin geri körl-
um erfitt að fóta sig á þessum vett-
vangi. Það hef ég hins vegar ekki
séð stutt neinum rannsóknum,“
segir Ásmundur sem sannarlega
er ánægður með starfsvettvang-
inn sem hann rataði inn á fyrir til-
viljun. „Ég væri náttúrulega ekki
í þessu starfi ef ég væri ekki fær í
því og ætla að halda áfram svo lengi
sem að börnin vilja hafa mig.“
Á árunum tuttugu sem liðin eru
síðan hann hóf störf á leikskóla
hefur gríðarlega mikið breyst í
starfsumhverfinu. „Við leikskóla-
kennarar gerum meiri kröfur
til okkar og með aukinni mennt-
un í þjóðfélaginu er hinn almenni
borgari einnig orðinn kröfuharð-
ari. Listin í leikskóla er auðvitað
að kenna börnum í gegnum leik og
leyfa þeim að njóta lífsins, það er
algjört höfuðatriði,“ segir Ásmund-
ur sem sannarlega myndi vilja sjá
fleiri karla innan leikskólans. „Við
höfum svo margt að bjóða krökk-
um og ég skil ekki af hverju fleiri
sækja ekki í starfið – það hentar
karlmönnum.“
AÐLÖGUN Í LEIKSKÓLANUM Það getur verið svolítið erfitt að byrja
í leikskóla þegar maður er lítill. Gott er að foreldrarnir læri nöfn á
einhverju af starfsfólkinu og hinum börnunum og séu duglegir að tala
um leikskólann við barnið heima.
FRAMHALD AF FORSÍÐU
Alltaf eitthvað um að vera Ásmundur hefur einstaklega gaman af útivistinni
með börnunum. FRÉTTABLAÐIÐ/ANTON
Ég held það væri til bóta ef körlum fjölgaði á leikskól-um. Þeir nenna oft öðrum hlutum en konurnar og það
skapar meiri fjölbreytni“ segir
Sverrir Dalsgaard, sem vinnur á
Heilsuleikskólanum Urðarhóli í
Kópavogi. Hann er eini karlmað-
urinn í starfsliðinu og er spurður
hverju hann nenni frekar en kon-
urnar í kringum hann: „Ég gaurast
kannski meira úti með krökkunum
og fer oftar í eltingaleiki og fót-
bolta,“ svarar hann glaðlega. „Það
er ýmislegt sem ég geri sem nýt-
ist báðum kynjum, annað höfðar
meira til strákanna. Bara ef ég tek
mér skóflu í hönd er strax kominn
strákahópur í kring um mig. Þeim
þykir gaman að fylgjast með öllu
verklegu og að fá sjálfir að hand-
leika stórar skóflur. Ef við erum
að leika okkur í vatni og drullu-
malli eru bæði strákar og stelpur
spenntir fyrir því. Öll viðfangsefni
hjá okkur eru fyrir bæði kynin, úti-
nám, íþróttir og allt sem er innan
dyra. Börn eru heldur ekki komin í
jafn mikil stelpu-og strákahlutverk
á þessum aldri eins og eldri börn.“
Sverrir er hálfur Íslendingur og
hálfur Færeyingur. Hann fæddist
í Danmörku og bjó frá í Færeyjum
frá fimm ára aldri þar til hann varð
fimmtán ára en kom þá til Íslands
og fór í menntaskóla hér. Hann var
23 ára þegar hann fór að sinna sex
til tíu ára börnum á skóladagheim-
ili í Danmörku og starfaði við það í
níu ár. Jafnhliða kveðst hann hafa
farið í gegnum pedagog-nám, sem
er uppeldismenntun en ekki sú
sama og leikskólakennarar hafa.
„Ég var ekki spenntur fyrir því
framan af ævinni að vinna á leik-
skóla en það breyttist og þrátt fyrir
að næg atvinna væri á Íslandi þegar
ég flutti hingað fyrir fjórum árum
þá fannst mér þetta starf besti
kosturinn,“ segir Sverrir. Hann
kveðst enn á sömu skoðun enda sé
Urðarhóll góður vinnustaður. „Ég
er mjög ánægður með áherslurnar
hér sem eru heilsa, hreyfing og list-
sköpun. Hér er mikill metnaður og
það er frábært að vinna með fólki
sem leggur sig fram við það sem
það gerir.“ - gun
Allir spenntir fyrir drul
Þegar Sverrir Dalsgaard flutti heim frá Danmörku árið 2006 átti hann ýmissa kosta völ á vinnum
Því hefur hann sinnt síðan. Hann er nú á Heilsuleikskólanum Urðarhóli í Kópavogi og kann vel v
Veistu þetta er bara rosa-lega skemmtilegt í alla staði, vinnuandinn alltaf góður og börnin alveg frá-
bær, þau gefa manni svo mikið,“
segir Sverrir Jörstad Sverris-
son, um starf sitt á leikskólan-
um Hörðuvöllum í Hafnarfirði
þar sem hann hefur gegnt stöðu
aðstoðarleikskólastjóra síðustu
fjögur ár.
En í hverju er starf Harðar
helst fólgið? „Ég er staðgeng-
ill leikskólastjóra þegar hann er
ekki á staðnum og sinni svo bæði
skrifstofustörfum og leysi deild-
arstjóra af eftir þörfum; þá tek
ég við barnahópi viðkomandi
aðila yfir daginn sem skiptist í
matmálstíma, frjálsan tíma og
fræðslu þar sem krakkarnir læra
sitt lítið af hverju, svo sem lífs-
leikni, stærðfræði og heimspeki.
Þetta þykir mér mjög skemmti-
legur tími og án hans væri starfið
náttúrulega ekki nærri eins gef-
andi og raun ber vitni.“
Sverrir útskrifaðist sem leik-
skólakennari árið 1998 og er með
gráðu í stjórnun að auki. Áður en
hann lagði út á þessa braut hafði
hann unnið um árabil í vélsmiðj-
um og á verkstæðum. „Þetta er
nú kannski ekki eins ólíkt og ætla
mætti að því leytinu til að maður
mætir til vinnu og er á sama
vinnustað yfir daginn. Samlík-
ingin nær þó ekki lengra þar sem
mikill munur er auðvitað á því
að vinna með vélum eða börnum.
Leikskólastarfið er meira krefj-
andi í alla staði; maður er alltaf
á tánum því það þarf að vanda sig
í samskiptum við börn sem eru
mjög viðkvæmar sálir.“
Hann segist þó ekki hafa getað
séð fyrir að hann myndi einhvern
tímann starfa sem leikskólakenn-
ari. „Ég sá alltaf fyrir mér að ég
yrði annað hvort lögga eða dýra-
læknir, eins og marga drengi
dreymir um að verða, en það
breyttist eins og margt annað.“
Starf á sambýli fyrir fatlaða segir
hann hafa vakið áhugann á leik-
skólastarfinu. „Það varð til þess
að ég ákvað að verða þroskaþjálfi
eða leikskólakennari en tilvilj-
un ein réði að ég valdi loks síðar-
nefnda kostinn.“
Að sögn Sverris fær hann yfir-
leitt mjög jákvæð viðbrögð frá
fólki þegar hann greinir frá starf-
inu. „Fólk hefur vanist þeirri til-
hugsun að karlar vinni á leikskól-
um og okkur hefur fjölgað mikið.
Hins vegar erum við enn mjög
fáir sem erum menntaðir í faginu,
kannski í mesta lagi svona þrjá-
tíu,“ segir hann og bætir við að
á ráðstefnu fyrir leikskólakenn-
ara í Svíþjóð hafi menn rekið upp
Börnin gefa manni sv
Sverri Jörstad Sverrisson dreymdi um að verða lögreglumaður eða dýralæknir þegar hann var l
nú gegnir hann stöðu aðstoðarleikskólastjóra á Hörðuvöllum í Hafnarfirði og gæti helst ekki hug
Dýrmætar stundir Starf Sverris á Hörðuvöllum er fjölbreytt en allra skemmtilegastar
Klifrað „Ég gaurast kannski meira úti með kr
bolta,“ segir Sverrir Dalsgaard þegar hann er
konurnar á Heilsuleikskólanum Urðarhóli.
Heilsuborg ehf. • Faxafeni 14 • 108 Reykjavík
sími 560 1010 • www.heilsuborg.is
Vilt þú æfa í hádeginu?
Þá gæti Hraðlestin hentað þér!
Byrjendur: Þri og fim kl. 12.10
Verð: 10.900,-
Framhald: Mán, mið og fös kl. 12.10
Verð: 13.900,-
Afmælistilboð
Líkamsræktarkort
Gildir út árið 2010
Aðeins í boði í dag laugardag!
Heilsuborg 1 árs !!!
A eins kr. 10.000,-
OPIÐ HÚS Í HEILSUBORG
í dag 9. október á milli kl. 11 og 14