Fréttablaðið - 09.10.2010, Blaðsíða 73

bleika slaufan ●LAUGARDAGUR 9. OKTÓBER 2010 7
„Ég verð veik í stúdentspróf-
unum í MR. Fer að tapa heyrn
á hægra eyranu og missi
jafnvægið. Ég fer tvisvar í MRI
eða segulómunartæki en
ekkert finnst. Ári seinna er ég
orðin mjög veik og er lögð inn.
Þá finnst æxli í heilanum eftir
að skuggaefni er notað við
segulómunina,“ segir Guðný
Kristrún Guðjónsdóttir 32 ára
nemandi í hjúkrun við HÍ.
Þegar æxlið kemur í ljós er
Guðný send með hraði í heila-
uppskurð í Uppsala í Svíþjóð. Að-
gerðin tók fjórtán tíma en æxlið
náðist ekki allt. Meinið teygði sig
aftur í litla heila og í heilading-
ulinn. Við rannsókn kom einnig í
ljós að æxlið var illkynja.
„Þetta leit alls ekki vel út og
læknarnir hristu hausinn. Hér
heima tók Sigurður Björnsson
krabbameinslæknir við mér og
sagði við mömmu: „Ég ætla að
lækna þessa stelpu,“ rifjar Guðný
upp. Eftir það tók við svokölluð
samlokumeðferð. „Það var nú
ekki girnileg samloka, lyfjameð-
ferð, geislar og svo aftur lyfja-
meðferð. Þetta tók talsverðan
tíma en ég fékk heilahimnubólgu
og gat oft ekki fengið lyfin vegna
veikinda. En meðferðin skilaði þó
sínu. Krabbameinið skammaðist
burt og hér er ég í dag.“
Guðný er nú á þriðja ári í
hjúkrunarfræði í Háskóla Íslands
og horfir björtum augum á fram-
tíðina. Hún mun þó glíma við af-
leiðingar meinsins og meðferð-
arinnar hér eftir en hefur lært
að lifa með þeim. Sjóninni hefur
hrakað og Guðný er stöðugt með
hátt suð í báðum eyrum. „Ég fæ
auðveldlega hellur fyrir eyrun
og er ein af þeim sem getur sagt
hvort lægð er yfir landinu,“ segir
hún hlæjandi.
„En auðvitað er þetta stór hluti
af mínu daglega lífi og ég er ekki
mikill bógur eftir þetta. Það er
erfitt að lifa með suðinu í eyr-
unum og oft langar mig hrein-
lega til að snúa höfuðið af. Ég
fékk mjög háa geislaskammta á
höfuðið og átti ekki að eiga aft-
urkvæmt á skólabekk til dæmis
og er líklega ófrjó eftir geislana.
Ég fæ ekki líftryggingu eftir að
hafa greinst með krabbamein og
get þar af leiðandi ekki ættleidd
börn. Sú staðreynd kemur alltaf
til með að minna á krabbamein-
ið.“
Þrátt fyrir þetta segist Guðný
aldrei hafa fundið fyrir reiði yfir
því að hafa veikst. Hún hafi jafn-
vel fundið fyrir feiginleika að
veikindin hittu hana fyrir en ekki
systkini hennar. Hún segir jafn-
framt stuðning fjölskyldu sinnar
ómetanlegan.
„Ég var svo heppin að ég var
ástfangin og í sambúð. Við bjugg-
um á Sveinsstöðum fyrir neðan
Úlfarsfell með hesta og ketti.
Ég upplifði mikinn kærleika frá
mínu fólki og staðfestingu á að ég
skipti máli. Mér fannst ég geta
horft til baka ánægð með hvern-
ig ég hafði nýtt tímann fram að
þessu og sá ekki eftir neinu. Ég
var nánast tilbúin að fara. Það
er mikilvægt að fólk lifi lífi sínu
þannig að það horfi ekki til baka
með eftirsjá.“ - rat
Var í rauninni
tilbúin til að fara
FR
ÉT
TA
BL
A
Ð
IÐ
/V
IL
H
EL
M
Guðný Kristrún Guðjónsdóttir, nemi í
hjúkrun, vann bug á krabbameini í heila
eftir erfiða geisla- og lyfjameðferð. Hún
segir mikilvægt að lifa lífinu svo að ekki
þurfi að sjá eftir neinu.