Morgunn - 01.12.1945, Page 81

MORGUNN
159
Spurningarnar hafa verið margar og svörin einnig mörg,
þótt mönnum finnist þau misjafnlega aðgengileg. En það
er nú einu sinni svo, að sannleikurinn er ekki háður geð-
þótta mannanna.
Sannleikurinn Þá er það einnig á annars konar misskiln-
sigro.r ingi byggt, að seint gangi sannleiksleitin í
þessum efnum og á löngum tíma hafi lítið
áunnizt. Þegar menn segja það, gleyma þeir, hve ótrúlega
hægfara mannkynið er í þekkingarleitinni og hve seint
miðar á því nær öllum sviðum. Menn verða að muna það,
að það eru ekki nema fáir áratugir síðan farið var að
spyrja um þessa hluti með hjálp miðlanna, og hvað eru
fáir áratugir annað en örstuttur spölur, þegar um nýja
þekkingargrein er að ræða? Vér erum og eigum að vera
þakklát fyrir framfarir læknisfræðinnar, en gætum að
hvern tíma það hefir tekið að ná því, sem þegar er náð í
þeim efnum. Hippocrates, sem er talinn faðir nútíma
læknislistar var uppi 460 árum fyrir Krists burð. Það var
ekki fyrr en hálfri sjöundu öld síðar að Galen gaf út rit
sitt um líffærafræðina, og það var ekki fyrr en 2000 árum
síðar, að Harvey uppgötvaði blóðrásina í líkama manns-
ins. Svo óralangan tíma taka framfarirnar á þesu sviði
mannlegrar þekkingar. Af því er ljóst, að það er barna-
skapur að gera mikið úr því, þótt ekki vinnist fullkomin
þekking á jafn stórkostlega víðtæku rannsóknarsviði og
heiminum fyrir handan gröf og dauða á örfáurn áratugum.
Vér vildum fegin vita miklu meira, en vér verðum að
be.vgja oss fyrir þeirri staðreynd, að sannleiksleitin er
örðug og gata hennar ekki greiðfær mönnunum. En henni
verður haldið áfram og alltaf er eitthvað að miða í áttma
til meiri sannleiksþekkingar. Málefni vort er ungt, bar-
áttan hefir verið hörð, en sannleikanum fylgir sigui'inn
að lokum.