Fréttablaðið - 20.11.2010, Qupperneq 36

36 20. nóvember 2010 LAUGARDAGUR
E
ftir áralanga hörm-
ungarsögu bresku
kóngafjölskyldunnar,
með framhjáhalds-
sögum, hjónaskilnuð-
um, sviplegu dauðs-
falli Díönu prinsessu og annarri
óáran, koma loks tíðindi sem gætu
unnið á móti hnignandi vinsæld-
um fjölskyldunnar meðal bresku
þjóðar innar.
Ríkisarfinn Vilhjálmur, eldri
sonur Karls Bretaprins og Díönu
prinsessu, skýrði frá því í vik-
unni að hann ætlaði á næsta ári
að ganga í hjónaband með unnustu
sinni, Kate Middleton.
Sérfræðingum í bresku kónga-
lífi þykir merkilegt að Vilhjálm-
ur prins hafi ákveðið að kvænast
„óbreyttri almúgakonu“, eins og
það hefur stundum verið orðað í
breskum fjölmiðlum.
Þó er Kate Middleton varla
almúgakona nema í þeim konung-
lega breska skilningi að hún er ekki
af aðalsættum. Móðir hennar var
lengi flugfreyja og faðir hennar
starfaði hjá breska flugfélaginu
British Airways, en fyrir rúmum
tveimur áratugum, þegar dóttir
þeirra var á barnsaldri, stofnuðu
þau eigið fyrirtæki og urðu mold-
rík á því að selja veisluskreytingar,
blöðrur, kerti, kökur og annað sem
þarf í veisluhöld af ýmsu tagi.
Kynntust í námi
Kate kynntist Vilhjálmi prins
þegar þau voru bæði að læra lista-
sögu í Háskólanum í St. Andrews
á austurströnd Skotlands. Sam-
band þeirra hófst árið 2003 og
vakti fljótlega áhuga fjölmiðla,
sem á stundum voru svo ágengir
að þau komu bæði kvörtunum á
framfæri.
Árið 2007 skildu þau
að skiptum í nokkra
mánuði, en nú í síð-
asta mánuði kom að
því að Vilhjálmur bað
hennar þar sem þau
voru stödd á ferðalagi
í Keníu.
Á þriðjudaginn var svo
boðað til blaðamannafundar
þar sem þau skýrðu frá trúlof-
un sinni. Breska þjóðin fagn-
aði tíðindunum ákaft, enda ekki
vanþörf á góðum fréttum í miðju
krepputali, og David Cameron for-
sætisráðherra skýrði frá því að
mikil fagnaðarlæti hefðu brotist
út á ríkis stjórnarfundi.
Væntanleg drottning
Vilhjálmur er annar í röð arftaka
krúnunnar, næstur á eftir Karli
föður sínum. Elísabet drottning
er orðin 84 ára, þannig að vart er
lengur hægt að telja í ára tugum
þann tíma sem hún á eftir að
gegna drottningarstöðunni. Karl
er hins vegar sjálfur kominn yfir
sextugt, og vangaveltur hafa verið
um að frekar en að taka sjálfur við
krúnunni á efri árum, og setja þar
með Vilhjálm í þá stöðu að þurfa
hugsan lega einnig að bíða vel
fram yfir miðjan aldur eftir því
að komast að, kjósi hann heldur að
láta syni sínum það eftir að verða
næsti konungur Bretlands.
Þegar þar að kemur verður Kate
drottning Breta, þannig að ekki
er skrýtið þótt þjóðin sé nokkuð
spennt fyrir fréttunum.
Á blaðamannafundinum sögðu
þau Vilhjálmur og Kate ekkert
nánar um framhaldið, annað en
að stefnt sé að brúðkaupi næsta
vor eða sumar. Breskir fjölmiðlar
og sérfræðingar í málefnum kon-
ungsfjölskyldunnar fóru strax
að velta fyrir sér útfærslunni.
Vanga veltur hófust um það hvar
brúðkaupið yrði haldið, hvaða
dag, hvernig brúðarkjóllinn yrði
og hvað þetta allt saman kostaði –
og svo auðvitað hver ætti að borga
brúsann, sem getur orðið mikið
hitamál þegar tíðin er erfið.
Þetta skýrist þó allt þegar
David Cameron forsætisráðherra skýrði frá því
að mikil fagnaðarlæti hefðu brotist út á ríkis-
stjórnarfundi.
14. NÓVEMBER 1973
Anna prinsessa, eina
dóttir Elísabetar, og Mark
Phillips skildu 19 árum
eftir að þau gengu í
hjónaband, en höfðu þá
eignast tvö börn. Hún
giftist Timothy Laurence
hálfu öðru ári eftir skiln-
aðinn.
19. JÚNÍ 1999 Játvarð-
ur prins, yngsti sonur
Elísabetar, og Sophie
Rhys-Jones eru enn í
hjónabandi og eiga tvö
börn.
23. JÚLÍ 1986 Hjónabandi
Andrésar, næstelsta
sonar Elísabetar drottn-
ingar, og Söru Ferguson
lauk með skilnaði eftir tíu
ára stormasama sambúð,
en þau eru sögð hafa
endurnýjað vináttubönd
sín. Þau eiga tvær dætur.
9. APRÍL 2005 Karl kvænt-
ist á ný, að þessu sinni
Camillu Parker-Bowles
sem hafði verið ástkona
hans lengi.
29. JÚLÍ 1981 Hjónabandi
Karls prins, elsta sonar
Elísabetar drottningar,
og Díönu prinsessu lauk
með skilnaði fimmtán
árum síðar og höfðu
þau þá eignast tvo syni,
Vilhjálm og Hinrik.
6. MAÍ 1960 Margrét,
yngri systir Elísabetar
drottningar, giftist ljós-
myndaranum Anthony
Armstrong-Jones þegar
ljóst var orðið að hún
fengi aldrei að giftast
fráskildum ástmanni
sínum, Peter Townsend.
Hjónabandið entist í
tvö ár.
20. NÓVEMBER 1947
Hjónaband þeirra
Elísabetar drottningar
og Filippusar, hertoga
af Edinborg, hefur enst í
56 ár. Langalangamma
þeirra beggja var Viktoría
Bretadrottning.
17. MAÍ 2008 Peter
Phillips, sonur Önnu,
kvæntist Autumn Kelly. Í
næsta mánuði eiga þau
von á fyrsta barni sínu og
þar með fyrsta barna-
barnabarni Elísabetar
drottningar.
Fagnaðarefni á krepputímum
Bretar hafa tekið tíðindum af væntanlegu brúðkaupi í konungsfjölskyldunni fagnandi. Ekki veitir af á tímum harkalegs niður-
skurðar í ríkisfjármálum. Óvíst er þó hvort tilkomumikið brúðkaup nær að endurvekja vinsældir konungsfjölskyldunnar eða
hvort íburðurinn verður þvert á móti til þess að magna upp deilurnar. Guðsteinn Bjarnason setti sig inn í umræðuna í Bretlandi.
Hjónaskilnaðir höfðu ekki tíðkast í bresku konungsfjölskyldunni frá því sá
alræmdi Hinrik áttundi ríkti á sextándu öld þangað til Margrét, yngri systir
Elísabetar drottningar, skildi við Antony Armstrong-Jones árið 1960 eftir
aðeins tveggja ára hjónaband. Síðan þá hefur það verið regla, en ekki
undantekning, að hjónaböndum í bresku konungsfjölskyldunni ljúki með
skilnaði.
SAGA SKILNAÐA
STRAX KOMIÐ Í SÖLU Postulínsframleiðandinn Aynsley, sem
hefur áður framleitt vandaða postulínsgripi í tilefni stóratburða
í sögu bresku konungsfjölskyldunnar, tilkynnti um nýja vörulínu
sama dag og Vilhjálmur skýrði frá trúlofun sinni. FRÉTTABLAÐIÐ/AP
Trúlofun tilkynnt Kate Middleton og Vilhjálmur prins boðuðu til blaðamannafundar í
vikunni í tilefni af trúlofun sinni. Stefnt er að brúðkaupi á næsta ári. NORDICPHOTOS/AFP
nær dregur. Nú er helst talið að
brúðkaupið verði haldið í maí.
Ágúst kemur þó einnig til greina.
Vandasamt val
Tvær rótgrónar og íburðarmiklar
kirkjur í London þykja líklegastar
til að hreppa hnossið: Pálskirkjan
eða Westminster Abbey. Báðar
þessar kirkjur eiga sér þó sögu
sem gæti varpað skugga á
athöfnina. Í Pálskirkjunni gengu
foreldrar Vilhjálms, þau Karl og
Díana, í hjónaband hinn 29. júlí
árið 1981. Það hjónaband endaði
með skilnaði 28. ágúst 1996 eftir
margvís lega erfiðleika í hjóna-
bandinu, meðal annars framhjá-
hald. Í Westminster Abbey var
hins vegar haldin jarðarför Díönu
prinsessu, sem lést í bílslysi í
París 31. ágúst 1997, nánast réttu
ári eftir að þau Karl skildu.
Af þessum sökum kemur til
greina að brúðkaupið verði hald-
ið á öðrum stað, og hugsanlega
minni í sniðum en tilefnið myndi
á öðrum tímum krefjast.
Tvennt ýtir undir það að athöfn-
in verði ekki jafn íburðarmikil og
Bretar hafa átt að venjast af hálfu
konungsfjölskyldunnar.
Annað er efnahagskreppan og
grimmilegur niðurskurður fjár-
laga bresku stjórnarinnar, sem
almenningur í Bretlandi hefur
heldur betur fundið fyrir. Þegar
svo árar er ekki víst að vel séð
verði að konungsfjölskyldan eyði
stórfé í brúðkaupsveislu.
Vinsældir konungsfjölskyld-
unnar hafa auk þess minnk-
að nokkuð á síðustu árum vegna
þess endalausa vesens sem verið
hefur á sumum meðlimum henn-
ar og fjölmiðlar hafa óspart blás-
ið út. Glæsileg athöfn í beinni
sjónvarpsútsendingu gæti að vísu
náð því fram að þjóðin og jafnvel
heimsbyggðin öll sameinaðist um
að fylgjast með í andakt og aðdá-
un, en íburðurinn gæti einnig
virkað þveröfugt og kallað fram
harkalegar deilur sem enn frekar
myndu draga úr vinsældum fjöl-
skyldunnar.