Fréttablaðið - 20.11.2010, Qupperneq 78

heimili&hönnun10
● PIPARKÖKUJÓL Víða má fá skraut
sem skírskotar til piparkakna sem eru meðal
einkennis merkja jólanna.
Piparkökuform geta bæði nýst við piparköku-
gerðina en eru líka hið fínasta jólaskraut, sérstaklega ef bundinn er um
þau fallegur rauður borði. Þá er víða að finna tilvísun til piparkökunnar
í hinu ýmsa skrauti. Verslunin Pipar og salt á Klapparstíg hefur til að
mynda nokkuð úrval af jólaskrauti og öðru því sem viðkemur jólunum.
skraut
● GÓLFTEPPI EFTIR MCQUEEN Eitt
af síðustu verkefnum tískuhönnuðar ins
Alexanders McQueen var hönnun gólf-
teppa fyrir The Rug Company. Þróun
teppanna tók þrjú ár og niðurstaðan
minnir á gyllta hermannastílinn sem ein-
kenndi síðustu tískulínu McQueen. Tepp-
in eru handgerð úr kasmírull og silki, og
sums staðar má sjá glitta í gyllta þræði.
Hvert teppi tók rúmt hálft ár að framleiða.
Fyrirtækið The Rug Company hyggst nú
sýna teppi McQueen um víða veröld en fyrsta
sýningin verður haldin í Miami, á hönnunar hátíð
sem haldin verður þar nú í desember.
hönnun
„Hlutirnir eru allir gerðir með
því hugarfari að þeir séu þægi-
legir viðkomu, gleðji augað og
fólk geti hugsað sér að hafa þá ná-
lægt sér. Það er eitt það skemmti-
legasta sem ég lendi í á mörkuð-
um þegar fólk segir við mig. „Ég
á svona og mér finnst alltaf jafn
gaman að setja það upp.“ Slíkt
gleður mig mikið,“ segir Bragi
Baldursson, sem kveðst búinn að
dunda sér við smíðar frá því hann
man eftir sér.
Meðal þess sem Bragi býr til
eru leikföng, svo sem bílar, bátar,
og dýr að ógleymdum dúkkurúm-
um. „Ég byrjaði á að smíða dúkk-
urúm handa dóttur minni og
frænkum hennar fyrir meira en
þrjátíu árum og nú hafa þau geng-
ið til næstu kynslóðar. Ég smíða
allt með það í huga að það endist.
Rúmin eru prófuð þannig að ég
stend í botninum á þeim. Ef þau
þola það ekki þá eiga þau ekki er-
indi út úr húsinu.“
Þau hjón eru þekkt fyrir út-
skorna jólaóróa úr sérvöldum
krossviði, sem þau selja í Jóla-
þorpinu í Hafnarfirði, þar á
meðal hjörtu sem voru upphaf-
ið að ævintýrinu og ástæða nafn-
giftar fyrirtækisins. Bragi sker
út, pússar og málar en Guðrún
Lísa sér um „hjartaþræðingarn-
ar“.
Fyrir þremur árum hlotnað-
ist þeim sú upphefð að taka þátt
í jólamarkaði Tívolís í Kaupman-
anhöfn. „Það var skemmtilegt en
strembið,“ segir Bragi brosandi.
- gun
Nostrað við hvern
hlut af alúð
● Hjartans list er heimilislegt fyrirtæki við Sogaveginn þar
sem Bragi Baldursson sagar út og smíðar vandaða gripi,
einkum leikföng og jólaskraut. Kona hans, Guðrún Lísa
Erlendsdóttir, leggur líka hönd á plóg. Þau verða með bás í
Jólaþorpinu í Hafnarfirði.
Bragi Baldursson á „verkstæði jólasveinsins“ í skúrnum. FRÉTTABLAÐIÐ/VALLI
Hér er allt að
gerast
því jólin
eru fram
undan.
Hjörtun eru ástæða nafngiftar fyrirtæk-
isins Hjartans list.
Jólatrén hans Braga endast öldum
saman ef vel er farið með þau.
Bragi smíðar
falleg dúkku-
rúm sem ganga
kynslóða á
milli.
Borgartúni 21 | 105 Reykjavík | Sími : 569 6900, 800 6969
www.ils.is
VINDAKÓR 2 – 8
Sölusýning fimmtudaginn 25. nóvember
kl. 12:00 – 14:00
Um er að ræða heildareignina sem í eru 54 íbúðir á mismunandi byggingastigi og selst
í núverandi ástandi. Áhugasamir eru hvattir til að kynna sér ástand eignarinnar ítarlega.
Möguleiki er á yfirtöku áhvílandi lána.
Tilboð skulu berast fyrir kl. 12:00 þann 10. desember 2010.
Íbúðalánasjóður áskilur sér rétt til að taka hæsta tilboði eða hafna öllum.
Nánari upplýsingar veita Halla í síma 659-4044 og Þórhallur í síma 896-8232.
Ísbirnir eru meðal smíðisgripa Braga.