Fréttablaðið - 20.11.2010, Qupperneq 90

58 20. nóvember 2010 LAUGARDAGUR
HÖNNUNIN
V
opnabúrið vestur á
Granda lætur ekki
mikið yfir sér. Svo
nefnist verslun hjón-
anna Sruli Recht og
Megan Herbert sem
þau hafa innréttað í fremri hluta
vinnurýmis sem þau hafa komið
sér vel fyrir í.
Þau taka vel á móti blaðamanni
sem á í mestu erfiðleikum með
að slíta sig frá forvitnilegum og
fallegum hlutum eftir þau hjón,
sem vel að merkja hafa aldrei
unnið saman að verkum og vörum
þó að þau sæki vissulega innblást-
ur og ráð hvort til annars.
Í vinnurýminu þeirra er bæði
hátt til lofts og vítt til veggja og
pláss gott fyrir tvo hönnuði og lær-
linga sem eru í vinnu hjá Sruli.
„Þarna er vinnusvæðið mitt,“ segir
Megan og bendir á borð þar sem
finna má tölvu og skissur. Borðið
er eins og eyja í stóru rýminu og
óhætt að segja að verk Sruli séu
plássfrekari og verkfærin hans
sömuleiðis. „Þessar vélar flutti
ég með mér þegar ég kom hingað,
efnisstrangana líka, ég er alltaf að
kaupa efni,“ segir Sruli og bendir
á saumavélar og efnisstranga sem
fylla hillu frá lofti til gólfs.
Regnhlíf eða hnúajárn
Sruli og Megan hafa bæði unnið á
mörgum vígstöðvum.
„Það er alltaf eitthvað að gerast,
eitt verkefni að klárast og annað
að byrja,“ segir Sruli og bendir
mér á vegg þar sem komið hefur
verið skipulega upp minnismiðum
í lóðréttum röðum þar sem hver
röð merkir verkefni.
„Annars er helsta viðfangs-
efni mitt núna að vinna að tísku-
línu sem ég mun kynna á tísku-
vikunni í París í janúar, ég hef
unnið að henni í meira en ár núna,“
segir Sruli sem lærði fatahönnun í
Ástralíu og hefur fengist við hana
síðan. „Hingað til hef ég unnið að
einni til tveimur flíkum á ári, ég
hef líka gert talsvert af skóm,“
segir Sruli, sem komst reyndar í
fréttir hér á landi fyrir allt aðra
hönnun, á regnhlíf með hnúajárn
fyrir handfang. Sruli var ákærður
fyrir að hafa ekki fengið tilskilin
leyfi fyrir innflutningnum á járn-
inu, en málið var látið niður falla.
Verk Megan Herbert eru af allt
öðrum toga en Sruli. Hans eru
ágeng, efnismikil, gotnesk, pönkuð
og pólitísk en hennar eru ljóðræn,
nákvæm, einföld og flókin í senn.
Skrifaði handrit að Grönnum
„Ég hef alltaf verið síteiknandi,
margir listamenn eru í fjölskyld-
unni minni, og ég lærði af þeim.
Ég er eiginlega nýfarin að nota
tölvur í sköpuninni,“ segir Megan
sem hefur unnið sem myndskreyt-
ir af og til í gegnum tíðina. „Ann-
ars er ég handritshöfundur og
vann sem slíkur í Ástralíu, og vinn
reyndar hér hjá Pegasus meðfram
hönnuninni,“ segir Megan sem
hefur níu ára vinnu sem handrits-
höfundur hinnar eilífu áströlsku
sápu Nágranna á ferilskránni auk
skrifa fyrir þá erkibresku sápu
Eastenders.
En akkúrat núna eru það ekki
skrif heldur pappír sem á hug
hennar allan, þegar blaðamaður
hitti hana var hún að keppast við
að leggja lokahönd á nýja seríu af
gjafapappír sem kominn er á mark-
að og er til sýnis í Spark Design
Space á Klapparstíg. Þema papp-
írsins er gjöf en Megan vill hvetja
til gjafaskipta þar sem áherslan er
lögð á einlæga og ígrundaða gjöf.
„Ég vinn þannig að ég skissa
fyrst og færi mynstrin síðan yfir
í tölvuna, þar vinn ég áfram að
mynstrinu,“ segir Megan sem legg-
ur mikla vinnu í hverja og eina örk.
„Annars tók það mig langan tíma
að venjast því að vinna í tölvu, ég
hef hins vegar verið síteiknandi
síðan ég var lítil.“ Megan hefur
lengi unnið sem myndskreytir og
handbragð hennar má sjá á mynd-
um sem hanga uppi í Vopnabúrinu
en líka á síðunni hennar á netinu.
Verk Sruli eru allt frá hand-
saumuðum stígvélum úr leðri og
hvalsforhúð, hringum, grímum,
yfirhöfnum og minnisbókum, allt
vandað og alls ekki ætlað til fjölda-
framleiðslu.
Þau eru afkastamikil og þakka
búsetuna í Reykjavík meðal ann-
ars þessi miklu afköst. „Það er svo
lítið sem truflar hér, lítill tími sem
fer í samgöngur til og frá vinnu
líka,“ segir Sruli. „Ég bjó í Lond-
on í tvö ár áður en ég kom hingað
og munurinn er ótrúlega mikill,“
segir Megan og bætir við að hún
hafi aldrei afkastað jafn miklu og
síðan hún flutti hingað.
Gott að hafa lítið val
„Það er margt annað sem við
kunnum vel við, úrval af efniviði
er til dæmis ógnvænlega lítið en
góðu hliðarnar við það eru að þú
verður þá ekki spilltur af vali,
þú hefur bara ákveðið efni til að
vinna með og það gefur manni
miklu meiri tíma til að vinna með
sjálfar hugmyndirnar,“ segir Sruli,
sem líkar afar vel að vinna innan
þessa ramma. „Ég vinn eingöngu
með íslenskt efni í fatalínunni til
dæmis, leður og ull.“
„Við vorum í New York um
daginn og þó það væri gaman þá
hlökkuðum við ótrúlega mikið
til þess að koma hingað aftur í
næðið og einfaldleikann. Úrval-
ið, þegar maður til dæmis fer og
kaupir í matinn þar, er fáránlegt.
Okkur líkar svo vel hér að ef þú
vilt eitthvað sem ekki fæst þá
þarftu bara að búa það til. Þetta
er það sem heldur okkur hér,“
segir Megan.
„Kringumstæðurnar neyða
mann til nýjunga,“ bætir Sruli
við.
Flutti til Íslands í hruninu
Sruli kom til landsins nokkrum
árum á undan Megan, til að heim-
sækja vini. Þau kynntust upphaf-
lega í Ástralíu, þegar hann keypti
verk af henni. Það var þó ekki fyrr
en hann var fluttur til Íslands að
þau fóru að draga sig saman. „Ég
hafði komið nokkrum sinnum í
heimsókn, en flutti svo hingað í
nóvemer 2008, sem var mjög sér-
stakt,“ segir Megan, sem sér einn
ókost helstan við það að búa á
Íslandi, fjarlægðina frá Ástralíu.
„Ég er mjög tengd fjölskyldunni
minni og það er svolítið erfitt að
vera hinum megin á hnettinum og
í allt öðru tímabelti.“
„Vandamálið við að búa í Ástralíu
er einmitt staðsetningin, til dæmis
ef þú ert hönnuður þá eru árstíðirn-
ar öfugar við þær á Vesturlöndum,“
bendir Sruli á. Hann er fæddur í
Jerúsalem, með ástralskan ríkis-
borgararétt en hefur búið í Evrópu
síðan hann lauk prófi í hönnun frá
háskólanum í Melbourne.
„Ég elska Melbourne og myndi
búa þar ef ég gæti flutt hana annað
á hnettinum,“ segir Megan og bætir
við að flutningur standi ekki til.
„Við erum ánægð hér, höfum kynnst
mörgum og var ég búin að segja að
við elskum sundlaugarnar?“
Fyrirtaks aðstæður til sköpunar
Hin ástralska Megan Herbert flutti til Íslands í hruninu miðju til unnusta síns Sruli Recht. Þau hafa komið sér vel fyrir á Íslandi
og finnst hvergi betra að vinna. Sigríður Björg Tómasdóttir fór í heimsókn til fjölhæfra listamanna.
Kaffiskreytir, teikning og gjafapappírinn eru á meðal nýrra verka
eftir Megan Herbert. www.meganherbert.com Sr
u
li
SRULI RECHT OG MEGAN HERBERT
Í vinnustofu sinni við Hólmaslóð.
FRÉTTABLAÐIÐ/ANTON
MYNDIRNAR ERU TEKNAR AF MARINÓ THORLACIUS.
Minnisbækur, gríma, hringur , hönnun Sruli
er margbrotin. www.srulirecht.comM
eg
an