Fréttablaðið - 20.11.2010, Síða 108

76 20. nóvember 2010 LAUGARDAGUR
Klovn:The Movie eða Trúður: Kvik-
myndin verður frumsýnd á Íslandi
2. janúar í Sambíóunum. Þetta stað-
festir Sigurður Viktor Chelbat hjá
Samfilm við Fréttablaðið.
Myndin verður frumsýnd í
Danmörku hinn 16. desember og
er beðið með mikilli eftirvænt-
ingu. Sigurður upplýsir einnig að
þeir hafi boðið trúðunum sjálfum,
Frank Hvam og Casper Christians-
en, að vera viðstaddir frumsýning-
una. „Þetta eru auðvitað menn sem
elska Ísland og það væri náttúrlega
bara efni í Klovn-þátt að sjá þessa
kauða í kringum íslenska flugelda-
brjálæðið á áramótunum,“ bætir
Sigurður Viktor við.
Það eru engar ýkjur að segja
Casper og Frank vera hrifna af
landi og þjóð. Þeir komu til að
mynda báðir fram á uppistands-
hátíð í Háskólabíói sem sjónvarps-
maðurinn Frímann Gunnarsson
hélt fyrir ekki margt löngu og
nýverið greindi Fréttablaðið frá
því að Casper hefði átt fund með
kvikmyndagerðarmanninum Gesti
Vali Svanssyni og Adam Sandler í
Los Angeles. Þá héldu Casper og
eiginkona hans, Iben Hjejle, upp á
jólin hér á landi fyrir ári en Hjejle
sat það sama ár einnig í dómnefnd
Alþjóðlegu kvikmyndahátíðarinn-
ar í Reykjavík. - fgg
Trúðar koma um áramótin
Keira Knightley á nú í samninga-
viðræðum við leikstjórann Joe
Wright um að leika Önnu Karen-
inu, höfuðpersónu samnefndrar
skáldsögu eftir Leo Tolstoj.
Wright þessi leitar greinilega
ekki langt yfir skammt eftir aðal-
leikkonum því hann leikstýrði
Keiru í Pride and Prejudice og
Atonement. Working Title er með
myndina á sinni könnu og er gert
ráð fyrir því að fyrsta uppkast
að handriti verði klárt í næsta
mánuði.
Tom Bevan hjá Working Title
viðurkenndi hins vegar í samtali
við Daily Mail að enn væri ekki
komið grænt ljós á myndina. „Við
erum að þróa ýmis verkefni með
Joe og Anna er eitt þeirra,“ segir
Bevan.
Knightley
leikur Önnu
KEIRA Leikur hugsanlega skáldsagna-
persónuna Önnu Kareninu í kvikmynd
eftir leikstjóra Atonement.
Þegar Pamela Anderson steig út
úr flugvélinni í Bombay á Ind-
landi á dögunum myndaðist gríð-
arlegt öngþveiti og greinilegt er
að frægðarsól Anderson skín enn
skært þar í landi. Fyrirsætan og
sjónvarpsstjarnan var stödd á
Indlandi til að koma fram í raun-
veruleikaþætti en hún þurfti
mikla lögreglufylgd alla leið á
hótelið.
Pamela Anderson hefur sagt
skilið við fyrirsætuferilinn í
bili en er reglulegur þáttak-
andi í raunveruleikaþáttum bæði
vestan hafs og á hinum ýmsu stöð-
um í heiminum.
Öngþveiti á
Indlandi
Leikkonan unga Anne Hathaway
kemur fram í nýju hlutverki í
lok mánaðarins en hún ætlar að
vera kynnir á Nóbelstónleikunum
sem haldnir eru í tengslum við
afhendingu friðarverðlaunanna í
Osló. Hathaway stendur við hlið
leikarans Denzels Washington
og mun það hafa verið leikkonan
sjálf sem bað um að fá að gegna
þessu hlutverki.
Frægt fólk hefur ávallt verið
kynnar á tónleikum Friðarverð-
launa Nóbels. Í fyrra voru það
hjónin Will Smith og Jada Pinkett
Smith sem tóku þetta að sér
ásamt börnum sínum Willow og
Jaden.
Kynnir
Nóbelinn
KYNNIR Leikkonan Anne Hathaway
sóttist sjálf eftir því að fá að stjórna
Nóbelstónleikunum við hlið Denzels
Washington. FRÉTTABLAÐIÐ/GETTY
Rokkaradóttirin Kelly Osbourne
hafði ekki gaman af því að vera
í megrun en hún hefur misst 22
kíló undanfarna mánuði. Útlit
Osbourne hefur vakið mikla
athygli og flestir vilja meina
að hún hafi aldrei litið betur út.
„Þetta var rosalega mikil vinna
og ekki það skemmtilegasta að
fylgja ströngu mataræði og hörð-
um æfingum. Ég hló ekki oft
meðan á þessu stóð en hló hins
vegar þegar ég steig á vigtina.
Það var gaman.“
Leiðinlegt að
léttast
ÁRAMÓTAPARTÍ Klovn-myndin verður frumsýnd á Íslandi 2. janúar í Sambíóunum.
Þeim hefur þegar verið boðið að koma og vera viðstaddir frumsýninguna. Og það
verður að teljast líklegt að þeir þiggi það. FRÉTTABLAÐIÐ/ANTON
Skilnaðir og brestir í sam-
böndum fræga fólksins
vekja jafnan mikla athygli
og að undanförnu hefur
óvenju mikið borið á hjóna-
skilnuðum í borg englanna.
Fréttablaðið valdi fimm
fræg pör sem hafa ákveðið
að fara hvort í sína áttina.
Það er svo sem ekkert nýtt að
stjörnurnar í Hollywood tolla
ekki lengi í hjónabandi og skipta
um maka ótt og títt. Í vikunni bár-
ust fregnir af því að aðþrengda
eiginkonan Eva Longoria hafi
sótt um skilnað við eiginmann
sinn til þriggja ára, körfubolta-
manninn Tony Parker. Longoria,
sem bar engin merki þess að hún
væri að ganga í gegnum persónu-
lega krísu þegar hún var kynnir
á MTV verðlaunahátíðinni fyrir
stuttu, mun vera mjög leið yfir
þessu öllu saman en slúðurmiðl-
ar vestanhafs segja að Parker
hafi ekki verið við eina fjölina
felldur. Sumir greina frá því að
hann hafi haldið við eiginkonu
fyrr verandi liðsfélaga síns í San
Antonio Spurs og hefur Parker
nú viðurkennt að önnur kona sé
í spilinu.
Framhjáhald eiginmanna virð-
ist einnig vera ástæða skilnaða
leikkvennana Courteney Cox
og Söndru Bullock við eigin-
menn sína. Cox skildi við David
Arquette eftir 11 ára hjónaband.
Parið var talið eitt af óskapörun-
um í Hollywood enda tókst því að
halda sig fjarri slúðursíðunum og
kom því skilnaðurinn almenningi
í opna skjöldu. Arquette ber fyrir
sig kynlífsfíkn og leitar sér nú
hjálpar við henni.
Eins og flestum er kunnugt
skildi Sandra Bullock við mótór-
hjólamanninnn Jesse James eftir
að upp komst um framhjáhald
hans með klámmyndastjörnu.
Poppdívan Christina Aguilera
komst einnig í fréttirnar þegar
hún sótti um skilnað við dansar-
ann Jordan Bratman í septemb-
er á þessu ári. Þar er sagt að þau
skilji í góðu og ætli að deila for-
ræðinu yfir tveggja ára gömlum
syni sínum. Leikkonan og Ósk-
arsverðlaunahafinn Kate Wins-
let skildi við leikstjórann Sam
Mendes fyrr á þessu ári eftir
aðeins tveggja ára hjónaband
en þau voru mikið draumapar í
Hollywood þann tíma sem þau
voru saman.
Skilnaðaralda í Hollywood
KLÁMMYNDASTJARNAN SETTI STRIK Í
REIKNINGINN Sandra Bullock var ekki
lengi að yfirgefa eiginmann sinn Jesse
James eftir framhjáhaldið.
NORDICPHOTOS/GETTY
NÝSKEÐ Nýjustu fregnir af skilnaði Longoria við Parker herma að hann hafi haldið
framhjá með eiginkonu liðsfélaga síns. NORDICPHOTOS/GETTY
GIFT Í TVÖ ÁR Kate Winslet og Sam
Mendes skildu fyrr á árinu.
NORDICPHOTOS/GETTY
Í SÁTT OG SAMLYNDI Aguilera er skilin
við dansarann Jordan Bratman.
KYNLÍFSFÍKN Cox er farin frá eiginmanni
sínum til ellefu ára David Arquette en
hann heldur enn í vonina um að lappa
upp á hjónabandið eftir meðferð.
Höfundasmiðja Vonarstrætisleikhússins
í Iðnó
Frásagnaleikhús með yngstu leikskáldunum
sýningar í Iðnó 22 og 24 nóvember kl 20
Aðgöngumiðar í Iðnó
Sveinn Einarsson og Vigdís Finnbogadóttir
Aðventukvöld Kvennadeildar Gusts
Hið árlega aðventukvöld Kvennadeildar Gusts verður haldið fimmtu-
daginn 25. nóvember nk. kl. 19:30 í veitingasal reiðhallar Gusts við
Álalind í Kópavogi. Dagskráin hefst kl. 20 og fram koma Björk Jakobs-
dóttir, Selma Björnsdóttir og 2 hálfvitar. Einnig verður flott happdrætti
að venju og léttar veitingar í boði kvennadeildarinnar.
Sölusýning á handverki verður á staðnum og veigar seldar á
vægu verði.
Allar konur eru velkomnar - komum saman og eigum góða stund
í Gusti!
Kvennadeild Gusts
folk@frettabladid.is
MILLJARÐA á Harry Potter-stjarnan Emma Watson inni á bankabók. Hún varð tvítug 15. apríl.3,6