Fréttablaðið - 26.11.2010, Blaðsíða 12
12 26. nóvember 2010 FÖSTUDAGUR
Árbótarhjón höfnuðu í
desember í fyrra tillögu
Barnaverndarstofu um að
deilu þeirra yrði vísað til
bindandi matsnefndar ef
allt um þryti. Lögmaður
þeirra segir að uppsögn
þjónustusamningsins
hafi verið ólögmæt, enda
stjórni Barnaverndarstofa
sjálf eftirspurninni að
meðferðarheimilum.
Barnaverndarstofa lagði til um
miðjan desember í fyrra að gengið
yrði til samninga um upp-
gjör við hjónin sem ráku
meðferðarheimilið Árbót
þar sem tekið yrði tillit
til fjárhagslegra skuld-
bindinga þeirra vegna
uppbyggingar heimilis-
ins. Þetta kemur fram í
drögum að samningi um
lokun heimilisins sem
Fréttablaðið hefur feng-
ið í hendur frá lögmanni
Árbótarhjóna, Björgvin
Þorsteinssyni.
Barnaverndarstofa
lagði jafnframt til í samn-
ingsdrögunum að ef sam-
komulag næðist ekki
fyrir 1. júlí yrði skip-
uð þriggja manna mats-
nefnd sem hefði það hlut-
verk að ákveða endanlegt
uppgjör vegna lokunar-
innar og skyldi niður-
staða hennar vera bind-
andi. Nefndin átti að
vera skipuð fulltrúa
Barnaverndar-
stofu, félagsmála-
ráðuneytisins og
Árbótar.
„Þessum
samningsdrög-
um var að sjálf-
sögðu hafnað
enda fráleitt að
ríkið hefði tvo
menn í matsnefndinni en Árbót
einn,“ segir lögmaðurinn Björgvin
Þorsteinsson í greinargerð sem
hann hefur sent Fréttablaðinu um
málið. Greinargerðin er birt í heild
sinni á Vísi í dag.
Uppsögnin ólögmæt
Björgvin segir að eftir að samn-
ingsdrögunum var hafnað hafi
Árbótarhjónin mótmælt uppsögn-
inni og sett fram tillögu að sátt
sem kvað á um Barnaverndarstofa
greiddi þeim sex mánaða uppsagn-
arfrestinn auk rekstrarframlags til
þrettán mánaða, eða helming þess
tíma sem þá stæði eftir af samn-
ingnum. Sex mánaða uppsagnar-
fresturinn nam um 44 milljónum
og þrettán mánuðir til
viðbótar hefðu verið um
95 milljónir.
„Grundvöllur kröfunn-
ar var að uppsögn samn-
ings aðila væri ólög-
mæt,“ segir Björgvin.
„Á því var byggt, m.a.
af hálfu Barnaverndar-
stofu að eftirspurn eftir
vistmeðferð í Árbót hefði
minnkað. Hið rétta er að
Barnaverndarstofa sjálf
ræður því á endanum
hvar unglingar eru vist-
aðir og getur því alfarið
stjórnað eftirspurninni.“
Hann segir þá skýringu
að þörfin hafi minnkað
koma illa heim og saman
við þá yfirlýsingu Braga
Guðbrandssonar, for-
stjóra Barnaverndar-
stofu, að byggja þyrfti
nýtt heimili undir slíka
starfsemi á Suðurlandi.
Þá gagnrýnir hann
tal um að kynferðis-
brotið sem upp kom
geti réttlætt uppsögn-
ina. „Meint kynferð-
isbrot starfsmanna
heimilisins gat held-
ur ekki verið ástæða
uppsagnar samnings-
ins og lokunar vist-
heimilisins. Í slíkum
tilvikum er viðkom-
andi starfsmanni sagt
upp störfum en starf-
seminni ekki hætt. Hefur þess
einhvern tímann verið krafist að
kirkju sé lokað vegna meints kyn-
ferðisafbrots prests? Ekki svo vitað
sé til.“
Þrjátíu milljónir of lítið
Til stuðnings bótakröfunni vísar
Björgvin til skuldastöðu Árbótar-
hjóna, sem lagt hafi út í mikinn
kostnað við byggingarframkvæmd-
ir á heimilinu að kröfu Barnavernd-
arstofu. Björgvin segir að skuldir í
bókhaldi þeirra vegna þeirra fram-
kvæmda hafi um síðustu áramót
numið rúmum 48 milljónum króna.
Barnaverndarstofa hefur hins
vegar mótmælt þeirri fullyrðingu
og sagt að ekki hafi verið sýnt fram
á skuldastöðuna með fullnægjandi
hætti. Nánar er fjallað um þá hlið
málsins hér til hliðar.
Vegna alls þess sem að framan
greinir taldi Björgvin Árbótarhjón-
in eiga rétt á að ríkið greiddi þeim
vegna þess tjóns sem þau urðu
fyrir við samningsrofin. Niður-
staðan hafi verið að þau fengju 30
milljónir. „Er það mín skoðun að sú
fjárhæð hafi verið of lág en þau […]
vildu ganga að þessu tilboði í stað
þess að sækja rétt sinn fyrir dóm-
stólum,“ segir Björgvin.
Segir Björgvin að allir sem um
málið hafi fjallað hafi gert það af
„yfirgripsmiklu þekkingarleysi
á atvikum öllum“ án þess að leita
sjónarmiða Árbótarhjóna og vill
hann með greinargerð sinni koma
þeim á framfæri.
FRÉTTASKÝRING: Bætur til meðferðarheimilisins Árbótar
Stígur
Helgason
stigur@frettabladid.is
Trausti
Hafliðason
trausti@frettabladid.is
Höfnuðu því að matsnefnd ákvæði bætur
ÁRBÓT Í AÐALDAL Hjónin í Árbót fengu 30 milljóna greiðslu. Tólf hafa verið greiddar en átján eru á fjáraukalögum næsta árs.
Bragi Guðbrandsson var andvígur samkomulaginu en félagsmálaráðherra lét hann skrifa undir það.
BJÖRGVIN
ÞORSTEINSSON
Fram kom í Fréttablaðinu í gær að lögmaður Götusmiðj-
unnar teldi að jafnræðisregla stjórnarskrárinnar hefði
verið brotin þegar ráðherrar blönduðu sér í samninga-
viðræður um uppgjör við Árbótarhjónin, enda hefði
Götusmiðjan fengið allt aðra meðferð í kerfinu þegar
samningnum við hana var sagt upp. Sagðist hann ætla
að kvarta yfir málinu til umboðsmanns Alþingis.
Bragi Guðbrandsson, forstjóri Barnaverndarstofu,
lét í ljós áhyggjur af fordæmisgildi samninganna við
Árbótarhjónin á fundi í félagsmálaráðuneytinu 8. apríl
síðastliðinn.
Í minnisblaði Einars Njálssonar, skrifstofustjóra í
ráðuneytinu, um fundinn segir: „Bragi mótmælti því að nokkurt tilefni eða
rök væru fyrir því að greiða rekstraraðilum nokkuð umfram það sem þau
samkvæmt samningi ættu rétt á, þ.e. greiðslur í 6 mánuði eftir uppsögn
samnings. Varaði hann við því að í þessu gæti falist fordæmi sem gerði það
að verkum að einkarekstur á meðferðarheimilum yrði alveg út úr myndinni í
framtíðinni, þar sem það yrði alltaf dýrara en ríkisreksturinn, ef rekstraraðilar
ættu alltaf rétt á að fá greiddar óskilgreindar háar fjárhæðir fram yfir samn-
ingsbundnar greiðslur við starfslok.“
Bragi varaði við fordæmisgildinu
BRAGI
GUÐBRANDSSON
Félags- og tryggingamálanefnd
Alþingis ætlar að funda um
Árbótarmálið á
mánudaginn.
Sigríður Ingi-
björg Ingadóttir,
formaður nefnd-
arinnar, kvaðst í
samtali við Vísi í
gær ekki vilja tjá
sig um það þangað til. Það voru
Unnur Brá Konráðsdóttir og Pétur
H. Blöndal, fulltrúar Sjálfstæðis-
flokksins í nefndinni, sem fóru
fram á fundinn til að fá upplýsing-
ar um stjórnsýslu félagsmálaráðu-
neytis og Barnaverndarstofu vegna
meðferðarheimila, einkum Árbótar
og Götusmiðjunnar.
Rætt um Árbót í
félagsmálanefnd
Lúðvík Emil Kaaber
Látum stjórnmálamenn
stjórna, ekki
sérhagsmunahópa!
Sköpum heiðarlegum
stjórnmálamönnum
skilyrði til þess!
www.ludvik.is
5823
Viltu færa bankaviðskiptin þín
Ég aðstoða fólk og minni fyrirtæki við að opna
reikninga og stunda bankaviðskipti við banka
í Englandi. Ef þú vilt færa bankaviðskiptin þín og
þitt úr landi hafðu þá samband við mig.
Ekki er um lánaviðskipti að ræða
bankavidskipti@gmail.com
Hefur þess
einhvern
tímann verið
krafist að
kirkju sé lokað
vegna meints
kynferðisbrots
prests? Ekki
svo vitað sé
til.
Í greinargerð sinni segir Björgvin að Árbótarhjónin hafi
á árunum 2002 til 2004 lagt út í 43 milljóna kostnað
við stækkun og breytingar á húsnæði að kröfu Barna-
verndarstofu. Barnaverndarstofa hafi farið fram á
viðbótarframlag á fjárlögum næstu tíu ára til að mæta
þeim kostnaði og fengið þau. „Mér reiknast svo til að
vegna þessara framkvæmda hafi þau fengið greiddar frá
ríkinu alls kr. 23.150.000, þar af kr. 17.900.000 miðað
við verðlag í desember 2004 og kr. 5.250.000 miðað við
verðlag í mars 2008,“ segir Björgvin. Um síðustu áramót
hafi eftirstandandi skuldir hjónanna vegna framkvæmd-
anna numið rúmum 48 milljónum, samkvæmt bókhaldi
félagsins.
Þessu hefur Bragi Guðbrandsson, forstjóri Barna-
verndarstofu, mótmælt. Í viðbrögðum hans við bréfi
Steingríms J. Sigfússonar segir: „Samkvæmt ársreikn-
ingum meðferðarheimilisins sem skilað er reglulega til
Barnaverndarstofu nema langtímaskuldir um 2,6 mkr.
Fjárfestingar rekstraraðila vegna heimilisins (og hugsan-
lega annarrar starfsemi) eru hins vegar á vegum sérstaks
einkahlutafélags, Bragabótar, en Barnaverndarstofu hefur
ekki verið látin í té gögn um fjárhagsstöðu þess þrátt fyrir
að óskað hafi verið eftir því í tengslum við hugsanlegt
uppgjör.
Á hinn bóginn kemur fram í ársreikningum meðferð-
arheimilisins sem skilað hefur verið til Barnaverndar-
stofu að meðferðarheimilið Árbót hefur greitt verulegar
fjárhæðir til Bragabótar ehf. undanfarin ár. Þannig nema
t.d. greiðslur til Bragabótar fyrir aðeins þrjú ár 2006 til
2008 alls um 54 mkr. vegna afnota af eignum þess. Í
ljósi þessara upplýsinga telur Barnaverndarstofa afar
ólíklegt að skuldastaða vegna meðferðarstarfsins sé með
þeim hætti sem fjármálaráðherra hefur fengið upplýsing-
ar um.“
Deilt um milljónaskuldir systurfélags meðferðarheimilisins