Fréttablaðið - 26.11.2010, Síða 6

6 26. nóvember 2010 FÖSTUDAGUR
F
í
t
o
n
/
S
Í
A
Verð á mann, frá:
115.800 kr.
Innifalið: Flug með sköttum og öðrum greiðslum
og gisting á Marina Internacional.
Torrevieja
16. des.– 5. jan.
Torrevieja
29. des.– 5. jan.
Verð á mann, frá:
89.900 kr.
Innifalið: Flug með sköttum og öðrum
greiðslum og gisting á Marina Internacional.
Fararstjóri: Björn Eysteinsson
Verð á mann, frá:
159.700 kr.
29. des.–5. jan.
Áramótagolf
á Spáni
Innifalið: Flug með sköttum og öðrum
greiðslum, frítt fyrir golfsettið í flug, akstur,
íslensk fararstjórn, ótakmarkað golf og gisting
á Hotel Bonalba í 7 nætur með hálfu fæði.
Jól og áramót
á Spáni
með Express ferðum
Nánari upplýsingar
á expressferdir.is
eða í síma 5 900 100
SUÐUR-KÓREA, AP Kim Tae-young,
varnarmálaráðherra Suður-Kóreu,
sagði af sér í gær, tveimur dögum
eftir harkalega árás Norður-Kór-
euhers á eyjuna Yeongpyeong sem
kostaði fjóra menn lífið.
Lee Myung-pak forseti boðar
aukna hernaðaruppbyggingu á eyj-
unni og sameiginlegar heræfingar
með Bandaríkjunum um helgina,
en Norður-Kóreumenn ítreka hót-
anir um fleiri árásir ef þeir telja
sér ögrað.
Afsögn ráðherrans kom fáein-
um klukkustundum eftir að þing-
menn í Suður-Kóreu höfðu gagn-
rýnt stjórnvöld fyrir að hafa ekki
verið nógu vel undir árásina búin,
og herinn gagnrýndu þeir fyrir of
hæg viðbrögð.
Átök milli landanna eru nokkuð
algeng, en með árásinni á þriðju-
dag beindu Norður-Kóreumenn í
fyrsta sinn vopnum sínum gegn
almennum borgurum. Ótti hefur
því vaknað um að harðari átök séu
í uppsiglingu.
Stjórnvöld bæði Suður-Kóreu og
Bandaríkjanna hafa skorað á Kín-
verja að beita áhrifum sínum til
að halda aftur af Norður-Kóreu. Í
gær ítrekuðu Kínverjar þau hvatn-
ingarorð sín til beggja Kóreuríkj-
anna, um að þau þurfi bæði að
halda aftur af sér.
Íbúar eyjunnar vörðu deginum
í gær til að kanna rústir þeirra
húsa, sem eyðilögðust, og tóku með
sér þær af eigum sínum sem enn
reyndust í þokkalegu horfi.
„Þetta var sannkallað eldhaf,“
sagði Lee In-ku, 46 ára verslunar-
eigandi á Yeongpyeong, um árás-
irnar á þriðjudag. „Mörg hús-
anna urðu eldi að bráð og margir
íbúanna hlupu fram og til baka í
algerri óvissu. Þetta var ringul-
reið.“
Lee forseti segir að hermönn-
um á Yeongpyeong og fleiri eyjum
við markalínuna í Gulahafi verði
nú fjölgað, en ekki fækkað smám
saman eins og ákvörðun var tekin
um fyrir fjórum árum.
Hann vildi ekki fara nánar út
í þau áform, en sagði að nú væru
um fjögur þúsund hermenn á
eyjunum.
Barack Obama Bandaríkjafor-
seti hefur staðfest að bandarískt
flugmóðurskip muni taka þátt í
heræfingum á Gulahafi með her
Suður-Kóreu, en þær heræfingar
eiga að hefjast á sunnudaginn.
Norður-Kórea telur sig eiga til-
kall til eyjanna og hafsvæðis á
Gulahafi langt sunnan við marka-
línuna, sem Sameinuðu þjóðirnar
tóku ákvörðun um árið 1953, segir
til um. gudsteinn@frettabladid.is
Ótti um að harðari
átök séu í uppsiglingu
Norður-Kórea hótar fleiri árásum á Suður-Kóreu, en Suður-Kórea boðar hernað-
aruppbyggingu á eyjunum og heræfingar í Gulahafi með Bandaríkjamönnum
strax um næstu helgi. Varnarmálaráðherra Suður-Kóreu sagði af sér í gær.
EYÐILEGGING Íbúar eyjunnar Yeongpyeong hafa reynt að bjarga því sem bjargað
verður úr rústum húsa sinna. NORDICPHOTOS/AFP
MENNTAMÁL Meirihluti mennta-
ráðs Reykjavíkur hefur lagt fram
umsögn um tillögur mannréttinda-
ráðs um breytingar á samstarfi
leik- og grunnskóla í Reykjavík við
trúar- og lífsskoðunarhópa.
Í umsögninni er sú breyting lögð
til að þær stofnanir sem hafa starf-
andi áfallaráð tryggi að samráð
verði haft við þá sem áfall snert-
ir áður en kallað er til utanaðkom-
andi fagfólks, til dæmis presta, til
stuðnings. Þó skulu helgistundir
tengdar áfallahjálp fara fram utan
skólatíma.
Fulltrúar Sjálfstæðisflokks í
menntaráði greiddu atkvæði gegn
tillögunni á fundi á miðvikudag og
fulltrúi Vinstri grænna sat hjá.
Í bókun Vinstri grænna segir
meðal annars: „Viðbætur meiri-
hlutans [um presta innan áfalla-
ráða] eru aðfinnsluverðar og mikil
afturför við nokkuð skýra tillögu
mannréttindaráðs. [...] Sérfræði-
menntun og kunnátta presta er
fyrst og fremst á sviði guðlegra
málefna og ætti því ekki að geta
þeirra sérstaklega í lið [um presta
innan áfallaráða]. Ekki þarf að
hafa orð um það meir.“
Í bókun Sjálfstæðisflokks segir
meðal annars: „Tillögur að reglum
mannréttindaráðs um samskipti
skóla og trúfélaga eru í heild sinni
hið furðulegasta mál og kemur
öllum er fjallað hafa um á óvart.
Í fyrsta lagi endurspeglar tillaga
meirihluta mannréttindaráðs ekki
umburðarlyndi eða jafnræði held-
ur einkennist hún af miðstýringu
og boðvaldi [...].“
Stjórn SAMFOK, félags for-
eldra grunnskólabarna í Reykja-
vík, hefur lýst yfir ánægju sinni
með umsagnirnar, en leggur fram
þá athugasemd að hún telji ekki að
það stríði gegn mannréttindum
eða flokkist undir trúboð að trúar-
og lífsskoðunarfélög fái að kynna
starfsemi sína á skólatíma.
Oddný Sturludóttir, formaður
menntaráðs, segir umsögnina
byggja á athugasemdum og vilja
skólasamfélagsins.
Tillagan liggur nú hjá Íþrótta-
og tómstundaráði og velferðarráði.
Umsögnum verður skilað til mann-
réttindaráðs í næstu viku sem
síðan skilar af sér lokatillögum
fyrir jól. - sv
Meirihluti menntaráðs hefur lagt fram umsögn um samstarf skóla og kirkju:
Byggð á vilja skólasamfélagsins
Finnur þú fyrir skertri þjónustu
hjá þínu sveitarfélagi?
JÁ 60%
NEI 40%
SPURNING DAGSINS Í DAG:
Ætlar þú að kjósa til stjórnlaga-
þings?
Segðu þína skoðun á visir.is
BÖRN Í GRAFARVOGSKIRKJU Ekki ríkir
eining í menntaráði um hvort taka eigi
fyrir kirkjuheimsóknir barna á skólatíma.
FRÉTTABLAÐIÐ/PJETUR
DÓMSTÓLAR Hæstiréttur hefur
dæmt rúmlega tvítugan mann
í eins árs fangelsi fyrir að hafa
ráðist á karlmann á veitinga-
staðnum Apótekinu við Austur-
stræti og sparkað oftar en einu
sinni í höfuð hans. Níu mánuðir
eru skilorðsbundnir.
Fórnarlambið hlaut mikla
áverka, meðal annars brotnuðu
bein og tennur. Héraðsdómur
Reykjavíkur hafði áður dæmt
árásarmanninn í átta mánaða
fangelsi, þar af fimm mánuði
skilorðsbundna. - jss
Ofbeldisdómur þyngdur:
Réðst á mann
og slasaði mikið
ALÞINGI Jón Bjarnason, sjávar- og
landbúnaðarráðherra var gagn-
rýndur á Alþingi í gær fyrir að
skipa Bjarna son sinn í starfshóp
um dragnótaveiðar í Skagafirði.
Efaðist Ásbjörn Óttarsson,
þingmaður Sjálfstæðisflokks, um
hæfi Bjarna vegna fyrri aðkomu
hans að málaflokknum sem sveit-
arstjórnarmaður og vildi að ráð-
herrann svaraði því hvort hann
teldi skipan sonarins vera góða
stjórnsýslu.
Í yfirlýsingu sem Jón Bjarna-
son sendi frá sér í gær segir ráð-
herrann að það hafi ekki verið
hann sem ákvað hverjir tóku
sæti í starfshópnum heldur hafi
viðkomandi verið tilnefndir af
Hafrannsóknastofnun, sjávar-
líftæknisetrinu BioPol og Veiði-
málastofnun. Bjarni sem er
fiskifræðingur var tilnefndur af
Veiðimálastofnun.
„Þá er rétt að það komi fram
að umræddur starfshópur er
ekki launaður sérstaklega heldur
er um að ræða fast starf viðkom-
andi fyrir ofantaldar stofnanir,“
segir í yfirlýsingu ráðherrans.
Til harðra orðaskipta kom um
málið í gær sem náðu hámarki
þegar Siv Friðleifsdóttir, vara-
forseti Alþingis, vék Jóni úr
ræðustóli fyrir að virða ekki
tímamörk. - gar
Þingmaður efast um stjórnsýslu sjávarútvegsráðherra við skipan í starfshóp:
Hafnar gagnrýni á skipan sonar síns
JÓN
BJARNASON
ÁSBJÖRN
ÓTTARSSON
KJÖRKASSINN