Fréttablaðið - 26.11.2010, Blaðsíða 56
36 26. nóvember 2010 FÖSTUDAGUR
Kór Langholtskirkju heldur ferna
jólatónleika 17. til 19. desember
næstkomandi. Tónleikarnir ganga
undir nafninu
Jólasöngvar og
hafa verið haldn-
ir árlega síðan
1978. Ásamt Kór
Langholtskirju
syngur Grad-
ualekór Lang-
holtskirkju og
þeim til halds
og trausts verð-
ur Táknmálskórinn en þetta er í
fyrsta sinn sem hann tekur þátt í
tónleikum með öðrum kórum.
„Ég hlakka mikið til,“ segir Jón
Stefánsson, stjórnandi Kórs Lang-
holtskirkju. Hann segir það hæg-
ara sagt en gert fyrir heilan kór
að flytja lög á táknmáli. „Þetta
er heljarmikið mál. Fyrst þarf að
þýða alla músíkina yfir á táknmál
og síðan þarf kórinn að æfa hana
þannig að hún falli að tónlistinni.
Eyrún Ólafsdóttir stjórnar Tákn-
málskórnum en einsöngvari er Kol-
brún Völkudóttir. „Hún hefur vakið
mikla athygli fyrir túlkun sína,“
segir Jón. „Hún var meðal annars
valin í aðalhlutverk í finnsku tákn-
málsóperunni „Kung Karls jakt“
hjá Teatteri Tutti, sem er eina tákn-
málsleikhúsið í Finnlandi, og hlaut
mikið lof fyrir kraftmikinn og til-
finningaþrunginn flutning.“
Jón segir það mikla upplifun
að fylgjast með tónleikum
táknmálskórsins, jafnt fyrir þá
sem tala táknmál og þá sem gera
það ekki. „Þetta er heilmikið sjón-
arspil. Fyrir okkur sem tölum ekki
táknmál er þetta dálítið eins og að
horfa á ballett, það er svo mikil
túlkun og tjáning í þessu.“ - bs
Jólasöngvar á táknmáli
HVAÐ? HVENÆR? HVAR?
Föstudagur 26. nóvember 2010
➜ Opnanir
Opnuð hefur verið sýning á verkum Hildar
Margrétardóttur myndlistarmanns í Artó-
teki á 1.hæð Borgarbókasafns Reykjavíkur.
Sýningin stendur til 16. janúar.
➜ Dans
22.00 Rokkabillý veisla verður haldin
á Faktorý í kvöld. Hljómsveitin The
59’s, Bárujárn og Blue Willis leika fyrir
dansi. Veislan hefst kl. 22 og er frítt inn.
Þemaklæðnaður æskilegur, verðlaun
fyrir flottasta dressið.
➜ Fyrirlestrar
12.00 Graham Avery flytur fyrirlesturinn
Iceland’s Application for EU member-
ship: A view from Brussels. Fyrirlest-
urinn er hluti af fundaröðinni Evrópa:
samræður við fræðimenn sem haldin er
á vegum Alþjóðamálastofnunar Háskóla
Íslands. Fyrirlesturinn verður fluttur á
Háskólatorgi stofu 103 og hefst kl. 12.
➜ Tónleikar
12.15 Tón-
leikaröðin
Klassík í
Hádeginu
verður haldin
í Gerðubergi
í dag. Fram
kemur Nína
Margrét
Grímsdóttir
ásamt Joaquín
Páli Pal-
omares. Tón-
leikarnir hefjast
kl. 12.15 og er
aðgangur ókeypis.
21.00 Hljómsveitin Lame Dudes
endurtekur A Lame Tribute to J.J.
Cale í kvöld á skemmtistaðnum Dill-
on á Laugavegi 30. Tónleikarnir hefjast
kl. 21.
22.00 Gildran verður með tónleika á
Sódómu Reykjavík í kvöld kl. 23, húsið
opnar kl. 22. Aðgangseyrir er 1500
krónur.
22.00 Útgáfutónleikar Sigurðar Guð-
mundssonar og Memfismafíunnar
á jóladisknum Það stendur mikið
til verða haldnir á Græna Hattinum,
Akureyri, í kvöld. Tónleikarnir hefjast
kl. 22.
22.30 Hljómsveitin amiina efnir til
tónleika í Þjóðleikhúskjallaranum, á
Hverfisgötu 19, í kvöld. Húsið opnar kl.
22.30 og hefjast tónleikarnir skömmu
seinna. Aðgangseyrir er 1000 krónur.
Upplýsingar um viðburði sendist á
hvar@frettabladid.is
Víkingur Heiðar Ólafsson píanó-
leikari heldur einleikstónleika í
Salnum í kvöld og á sunnudag.
Þar flytur hann 24 prelúdíur eftir
Frédéric Chopin, sem kváðu meðal
margbrotnustu tónsmíða 19. aldar,
og partítur númer 2 og 5 eftir
Jóhann Sebastian Bach, en þau
verk eru einnig á efnisskrá nýs
geisladisks Víkings, sem kemur
út í maí. Í ár er 200 ára afmælis-
ár Chopin.
Ýmislegt fleira er á döfinni hjá
Víkingi en útgáfa geisladisksins í
vor. Til dæmis leikur hann ásamt
Martin Fröst á Vetrarhátíð þess
síðarnefnda í Dalarna í Svíþjóð
eftir áramót auk þess sem hann
leikur ásamt Sinfónóíuhljómsveit
Íslands undir stjórn Vladimirs
Ashkenazy við opnun tónlistar-
hússins Hörpu í maí.
Tónleikar Víkings í Salnum í
kvöld hefjast klukkan 20 en tón-
leikarnir á sunnudag hefjast
klukkan 17.
Víkingur Heiðar
leikur í Salnum
VÍKINGUR HEIÐAR Leikur 24 prelúdur eftir Chopin, með margbrotnustu tónsmíðum
19. aldar. FRÉTTABLAÐIÐ/STEFÁN
KOLBRÚN VÖLKUDÓTTIR Hlaut mikið lof fyrir túlkun sína í aðalhlutverki í finnskri
táknmálsóperu og flytur einsöng á táknmáli í Langholtskirkju. FRÉTTABLAÐIÐ/GVA
JÓN STEFÁNSSON
Út er komin bókin Yrsa – hin
gleymda drotttning Danmerkur
eftir Margit Sandemo, höfund
bálksins um Ísfólkið.
Yrsa var þjóðhöfðingi Svía á
þjóðflutningatímunum þegar hún
giftist konungi Dana og mótaði
örlög sín og norrænu þjóðanna. Í
bókinni rekur Sandemo söguna frá
sjálfri sér aftur til Yrsu, og segir
hana eins og hún gæti hafa verið.
Sandemo hefur gefið út rúmlega
170 bækur. Bókaútgáfan Jentas
gefur út en Snjólaug Bragadóttir
þýðir.
Ný bók frá
Sandemo
Tónleikar með þeim félögum
Megasi, Rúnari Þór og
Gylfa Ægissyni
Classic Rock | Ármúla 5 | Sími: 5683590 | classic@classic.is
Þessir frábæru tónleikar verða á Classic Rock
föstudaginn 26. nóvember og byrja kl 21.00.