Fréttablaðið - 26.11.2010, Side 36

6 föstudagur 26. nóvember
„Mér finnst mjög
gott að vera í
námi með barn og
það eru ýmis þægindi
sem fylgja því.“
Edda Hermanns-
dóttir er gift æskuást-
inni, stundar háskóla-
nám í hagfræði, á von á
sínu öðru barni skömmu
fyrir jól og er nýr spyrill
spurningaþáttarins
Gettu betur. Þrátt fyrir
að hafa í nægu að snú-
ast segist Edda reyna að
taka lífinu með ró.
Blaðamaður: Sara McMahon
Ljósmyndir: Valgarður Gíslason
Fatnaður: Andersen & Lauth
E
dda er uppalin á Akur-
eyri en flutti suður árið
2007 þegar hún hóf nám
við Háskóla Íslands. Hún
heimsækir þó æskustöðvarnar eins
oft og hún getur enda er hún mik-
ill Akureyringur í sér. Edda á eina
litla dóttur með eiginmanni sínum,
Halldóri Svavari Sigurðssyni, og á
von á sínu öðru barni stuttu fyrir
jól. Innt eftir því hvort það taki ekki
á að vera í námi með barn svarar
hún því neitandi. „Mér finnst mjög
gott að vera í námi með barn og
það eru ýmis þægindi sem fylgja
því. Sjálfri finnst mér ég hafa meiri
tíma til að sinna dóttur minni enda
hæfilega kærulaus námsmaður,“
segir hún hlæjandi.
STAL BESTA VININUM
Edda og Halldór Svavar hafa verið
saman frá því hún var sextán ára
gömul og var hann besti vinur
stóra bróður hennar. „Bróðir minn
var fyrst ekkert voðalega hrifinn af
því að litla systir hans hefði stolið
besta vininum, en við erum mjög
góður vinahópur í dag. Hann fékk
svo að halda bitra ræðu í brúðkaup-
inu okkar síðasta sumar,“ segir hún
brosandi.
Parið hélt óhefðbundið sveita-
brúðkaup fyrir norðan síðasta
sumar og gifti sig undir berum
himni í viðurvist fjölskyldu og vina.
„Ég er svolítið stressuð týpa þannig
að við ákváðum að gera þetta á
þann hátt að við gætum bæði notið
dagsins. Ef við hefðum haldið hið
fullkomna hvíta brúðkaup hefði ég
bara stressast yfir smámunum og
ekki getað slappað af. Við giftum
okkur í sveitinni hjá honum og
gestirnir sátu bara í þúfunum fyrir
neðan pallinn sem Halldór Svavar
hafði smíðað fyrir þetta tilefni. At-
höfnin fór fram undir berum himni
og ég hafði verið mjög stressuð í
marga mánuði um að það mundi
rigna, sem það gerði að sjálfsögðu,
en það entist bara stutt og svo kom
sólin. Þannig þetta var bara dás-
amlegur dagur í alla staði,“ segir
Edda brosandi. Hún segir lítið hafa
breyst eftir að hún gifti sig, skrítn-
ast finnst henni að geta nú kall-
að sig eiginkonu einhvers. „Ég var
bara mjög heppin að finna mann-
inn minn í fyrstu tilraun,“ bætir
hún glaðlega við.
Edda lýsir móðurhlutverkinu
sem dásamlegu og segir dóttur sína
vera fjöruga og ákveðna litla dömu.
Innt eftir því hvort það að vera for-
eldri sé eins og hún hafði ímyndað
sér brosir hún og svarar neitandi.
„Þetta er ekkert eins og ég bjóst við
að það yrði. Þetta er auðvitað mjög
erfitt á köflum en á móti er þetta
svo dásamlegt að maður er fljótur
að gleyma þessu erfiða og leiðin-
lega. Við erum líka heppin með það
hvað við erum samhent og sam-
taka í uppeldinu og Halldór Svavar
er mjög mikill pabbi.“
MÖRG JÁRN Í ELDINUM
Edda starfar sem leikfimikennari
hjá World Class og að hennar sögn
hefur hún alltaf haft mikinn áhuga
á íþróttum. Eftir að hún átti dótt-
ur sína fór hún að stunda hlaup og
hefur tvisvar hlaupið 10 kílómetr-
ana í Reykjavíkurmaraþoninu. „Ég
fór að æfa með vinkonu minni sem
er mikil íþróttamanneskja og það
var mér mikil hvatning. Ég er með
mikið keppnisskap og markmið
mitt var alltaf að koma á undan
henni í mark og það tókst, ég náði
að lauma mér fram hjá henni á
síðustu metrunum.“
Edda er einnig meðlimur í
Röskvu, hefur setið í Stúdenta-
ráði Háskóla Íslands í eitt ár og er
einnig formaður Fjölskyldunefndar.
Hún segir félagsskapinn í Röskvu
skemmtilegan en hefur þurft að
draga sig í hlé undanfarna mán-
uði vegna óléttunnar. „Það hefur
verið mjög skemmtilegt að taka
þátt í þessu starfi og kynnast fólk-
inu sem er í Röskvu, en þetta er
tímafrekt starf og þess vegna hef
ég þurft að draga mig svolítið í hlé
núna á meðan ég er að sinna öllu
hinu.“
Það ríkir mikið og öflugt félags-
líf í kringum stúdentapólitíkina
og viðurkennir Edda að hún hafi
ekki verið sú öflugasta í félags-
lífinu hingað til. „Nei, ég hef ekki
verið sú öflugasta á bjórkvöldun-
um,“ segir hún og hlær. Á vefsíðu
Röskvu stendur að Edda sé jafn-
framt eini meðlimur félagsins sem
drekkur ekki bjór, er það rétt? „Já.
Ég segist aðeins drekka léttvín, en
ég er bara ekki orðin nógu þrosk-
uð til að njóta þess að drekka bjór
og kaffi og skar mig mjög úr í Há-
skólanum vegna þessa,“ segir hún
glaðlega.
FJÖLMIÐLAÁHUGINN Í ARF
Edda segist lengi hafa haft áhuga á
að vinna við fjölmiðla og tók meðal
annars einn valáfanga í fjölmiðla-
fræði við Háskóla Íslands. Í áfang-
anum áttu nemendur að búa til út-
varpsþátt sem fluttur var á Rás 1 og
vakti Edda sérstaka athygli Sigrún-
ar Stefánsdóttur, dagsskrárstjóra
RÚV. Eddu var í kjölfarið boðið að
koma í prufu sem spyrill spurn-
ingaþáttarins Gettu betur. Hún sló
að sjálfsögðu til, enda ekki hægt
að hafna svo góðu boði. „Það hefur
alltaf blundað í mér einhver áhugi
fyrir því að starfa innan fjölmiðla,
en ég bjóst alls ekki við því að þetta
mundi gerast svona hratt. Þetta er
sannarlega stórt tækifæri sem mér
bauðst og ég er þakklát fyrir það,“
segir hún.
Edda er dóttir Hemma Gunn sem
stýrði af sinni alkunnu snilld sjón-
varpsþættinum Á tali hjá Hemma
Gunn og hefur því ekki langt að
sækja hæfileikana. „Ég ólst reynd-
ar ekki upp hjá honum en við
höfum alltaf verið fínir vinir. Það
NÝTUR ÞESS EKK
DREKKA BJÓR OG K
Edda Hermannsdóttir er nýr spyr-
ill spuringaþáttarins Gettu betur.
Hún segist lengi hafa haft áhuga á
því að starfa við fjölmiðla og því sé
þetta kærkomið tækifæri.