Fréttablaðið - 26.11.2010, Page 64

26. nóvember 2010 FÖSTUDAGUR44
sport@frettabladid.is
KÖRFUBOLTI Erlendir leikmenn eru í
forystuhlutverki hjá flestum liðum
Iceland Express deildar karla það
sem af er tímabilinu en hjá tveim-
ur liðum í deildinni eru íslenskir
leikstjórnendur sem eru í forystu-
hlutverkinu. Þetta eru þeir Pavel
Ermolinskij, leikstjórnandi KR, og
Ægir Þór Steinarsson, leikstjórn-
andi Fjölnis, sem eru báðir meðal
fimm efstu manna í deildinni
þegar kemur að hæsta framlagi
til sinna liða.
Pavel Ermolinskij er efstur í
framlagi í deildinni með 28,8 fram-
lagsstig að meðaltali í leik. Hann
er með 17,4 stig, 12,6 fráköst og 8,5
stoðsendingar að meðaltali í leik,
kemst reyndar ekki inn á topp
tuttugu í stigaskori (23. sæti) en
er í 2. sæti í bæði fráköstum og
stoðsendingum.
Mikilvægi Pavels fyrir KR-
liðið sést vel í tölfræðinni því
hann er með 35,0 framlags-
stig að meðaltali í sig-
urleikjunum (21,0 stig
- 14,8 fráköst - 9,8 stoðsending-
ar) en aðeins 10,0 framlagsstig
að meðaltali í tapleikjunum (6,5
stig - 6,0 fráköst - 4,5 stoðsend-
ingar). Hamri og Keflavík tókst að
stoppa strákinn og fögnuðu fyrir
vikið góðum sigrum á KR-liðinu.
Ægir Þór Steinarsson er í 5. sæti
í framlagi í deildinni með 25,6
framlagsstig að meðaltali í leik.
Ægir er með 19,1 stig, 5,4 fráköst
og 9,4 stoðsendingar að meðaltali í
leik en hann er efstur í deildinni í
stoðsendingum og kemst líka inn á
topp 20 í stigaskori (15. sæti). Ægir
var efstur í stoðsendingum í deild-
inni í fyrra en hefur hækkað með-
altal sitt úr 7,8 stoðsendingum í leik
í fyrra upp í 9,4 stoðsendingar að
meðaltali í ár.
Ægir er að skila svipuðum fram-
lagstölum í sigur- og tapleikjum
Fjölnisliðsins en samkvæmt stig-
askorinu virðist það vera mikil-
vægara fyrir liðið að hann skori
meira sjálfur. Ægir er þannig með
21,0 stig og 8,5 stoðsendingar að
meðaltali í sigurleikjunum en
með 17,3 stig og 10,3 stoðsend-
ingar að meðaltali í tapleikjunum.
Hann er að skjóta meira og komast
oftar á vítalínuna í sigurleikjunum,
en Fjölnismenn hafa nú unnið tvo
leiki í röð í deildinni.
Pavel og Ægir Þór eru miklir
leiðtogar í sínum liðum og að hætti
stjörnuleikmanna vestur í Banda-
ríkjunum hafa góðir menn fundið
á þá skemmtileg viðurnefni. Pavel
hefur verið kallaður Galdramað-
urinn í beinni tilvísun til hins frá-
bæra Magic Johnson, sem líkt og
Pavel var leikstjórnandi í fram-
herjaskrokki. Ægir Þór hefur
verið kallaður Geitungurinn enda
spilar hann í gulu, er eldsnöggur
með boltann og stingur mótherj-
ann með beittum leik sínum. Það
er við hæfi að strákarnir séu settir
í stjörnuleikmannabúning að hætti
Kanans enda hafa þeir látið verkin
tala inni á vellinum í vetur.
ooj@frettabladid.is
HÁSTEINSVÖLLUR verður ekki heimavöllur ÍBV í Evrópukeppninni næsta sumar að því er
fram kemur í vikublaðinu Fréttum. Völlurinn uppfyllir ekki skilyrði UEFA fyrir Evrópuleiki. ÍBV þarf að
ráðast í framkvæmdir fljótlega því félagið mun ekki fá undanþágu frá leyfiskerfi lengur en næsta
sumar. Verði völlurinn ekki lagaður þarf ÍBV að spila heimaleiki sína á fastalandinu árið 2012.
Enn eru yfirburðir Fréttablaðsins á dagblaðamarkaði staðfestir.
Það sést greinilega á lestrartölum milli ára. Morgunblaðið dalar
en Fréttablaðið bætir við sig.
Við vitum sem er að dagblað á að vera skemmtilegt og
upplýsandi. Það á að veita innsýn í líf fólks og varpa ljósi
á atburði sem skipta okkur máli.
Við hlustum á raddir lesenda og erum lifandi vettvangur
fyrir skoðanaskipti.
Af þessum ástæðum hefur forskot
Fréttablaðsins aukist úr 143% í 187%
Forskotið eykst!
Fréttablaðið er nú með 187% meiri lestur en Morgunblaðið.
Meðallestur á tölublað, höfuðborgarsvæðið, 18–49 ára.
Könnun Capacent í ágúst til október 2009 og 2010.
MORGUNBLAÐIÐ
20
09

29
,3%
74,7%
26%
20
10
20
09

71
,4% 20
10
Allt sem þú þarft...
FRÉTTABLAÐIÐ
Pavel og Ægir í forystuhlutverki
Galdramaðurinn og Geitungurinn eru einu íslensku leikmennirnir inni á topp tíu listanum yfir þá leik-
menn Iceland Express deildar karla sem hafa skilað mestu til sinna liða það sem af er tímabilinu.
Hæsta framlag í deildinni:
1. Pavel Ermolinskij, KR 28,75
2. Kelly Biedler, ÍR 28,63
3. Semaj Inge, Haukum 28,13
4. Lazar Trifunovic, Keflavík 26,75
5. Ægir Þór Steinarsson, Fjölni 25,63
6. Craig Schoen, KFÍ 24,25
7. Gerald Robinson, Haukum 23,63
8. Ben Stywall, Fjölni 23,63
9. Ryan Amaroso, Snæfelli 23,25
10. Christopher Smith, Njarðvík 22,80
Tölur Pavels og Ægis
Stig í leik 17,4 - Ægir 19,1
Fráköst í leik Pavel 12,6 - 5,4
Stoðsendingar í leik 8,5 - Ægir 9,4
Stolnir í leik 1,8 - Ægir 1,9
Tapaðir í leik 5,8 - Ægir 3,4
3ja stiga skotnýting 38,5% - Ægir 48,9%
Vítanýting 77,4% - Ægir 79,1%
Framlag í leik Pavel 28,8 - 25,6
SUND Ragnheiður Ragnarsdóttir
komst ekki í úrslit á EM í 100
metra skriðsundi í gær. Ragn-
heiður komst í undanúrslit á mót-
inu en náði ekki að synda sig inn í
úrslitasundið.
Hún synti á 54,91 sekúndu í
undanúrslitunum, sem var lakari
tími en í undanrásunum. Þá synti
hún á 54,83 sekúndum. Íslands-
met hennar er 54,65 sekúndur.
Seinna sundið byrjaði vel hjá
Ragnheiði í gær og hún var með
fjórða besta tímann í sínum riðli
eftir 25 metra. Hún náði ekki að
halda sama hraða út sundið.
Tíminn dugði Ragnheiði í
13. sætið en aðeins átta synda í
úrslitasundinu. Sú síðasta sem
komst í úrslitasundið kom í mark
á 54,42 sekúndum. - hbg
Ragnheiður Ragnarsdóttir:
Hafnaði í 13.
sæti á EM
RAGNHEIÐUR RAGNARSDÓTTIR Stóð sig
ágætlega í gær. FRÉTTABLAÐIÐ/STEFÁN
PAVEL
ERMOLINSKIJ, KR
ÆGIR ÞÓR
STEINARSSON, FJÖLNI