Fréttablaðið - 22.01.2011, Blaðsíða 2

2 22. janúar 2011 LAUGARDAGUR
Ásta, var þetta þá ekki fingra-
fartölva?
„Það er spurning, enda var nú ekk-
ert fingrafar á henni.“
Ásta R. Jóhannesdóttir er forseti Alþingis.
Í húsakynnum þingsins fannst grunsam-
leg fartölva sem talin var notuð til að
komast ólöglega inn á net þingsins.
Lögregla fann hvorki fingraför né önnur
merki um hver væri eigandi tölvunnar.
FASTEIGNIR Tafir hafa orðið á bygg-
ingu fjölbýlishúss á Klapparstíg 17
vegna 112 ára gamals steinbæjar
sem átti sameiginlegan gafl með
húsi sem rifið var svo nýtt húsið
gæti risið.
Við framkvæmdir kom í ljós að
suðurgafl hússins á Klapparstíg
17 er um leið norðurgafl gamla
steinbæjarins á númer 19. Eigandi
bæjarins hefur viljað rífa hann og
byggja upp á lóðinni en bygging-
arfulltrúi heimilar það ekki í ljósi
umsagna frá Húsafriðunarnefnd
og Minjasafns Reykjavíkur, sem
vilja að húsið sé varðveitt. Í raun
munu aðeins vera tveir uppruna-
legir veggir af húsinu.
Húsið sem fyrir stóð á númer
sautján hefur verið rifið, að
undanskildum þeim hluta gafls-
ins sem heldur uppi gamla stein-
bænum.
Jón E. Halldórsson, verktakinn
sem byggir nýja húsið, segir að
jafnvel þótt gaflinn sameiginlegi
hafi verið þynntur eins og hægt
sé standi hann enn tíu sentímetra
inni á lóð nýja hússins.
„Í sjálfu sér hef ég enga skoðun á
þessum steinbæ en það hefði verið
faglegra að fá að taka vegginn svo
hægt væri að byggja alveg við
lóðamörk,“ segir Jón, sem kveður
það þó ekkert tiltökumál að verða
við kröfum Reykjavíkurborgar.
Þessi lausn rýri þó verðgildi nýja
hússins, sem verði íbúðarhús með
kjallara og þremur hæðum.
„Auðvitað gerir þetta það að
verkum að húsið verður minna og
fermetrarnir því færri. Þeir eru
dýrir í miðbænum og að þessu leyti
er þetta því tjón fyrir þá sem við
erum að byggja fyrir,“ segir Jón.
Í umsögn byggingarfulltrúa
Reykjavíkur um málið segir að
núverandi steinhleðsla í norður-
gafli steinbæjarins hafi varðveislu-
gildi og eigi að vera óhreyfð. „Ber
byggjandi fulla ábyrgð á því að
valda ekki skemmdum á byggingu
númer 19 með aðgerðum sínum,“
segir byggingarfulltrúinn.
Samkvæmt upplýsingum Frétta-
blaðsins er steinbærinn ekki í notk-
un um þessar mundir fyrir utan að
þar er stundum kennsla í gítarleik.
gar@frettabladid.is
Bannað að rífa gafl
við gamlan steinbæ
Ríflega 110 ára steinbær á Klapparstíg var í hættu vegna nýbyggingar á næstu
lóð. Bærinn styðst við gafl nágrannahússins. Bæði eigandi bæjarins og eigandi
nýja hússins vilja nýjan gafl en borgin vill að steinhleðsla sé varðveitt.
Í sjálfu sér hef ég
enga skoðun á þess-
um steinbæ en það hefði
verið faglegra að fá að taka
vegginn svo væri hægt að
byggja alveg við lóðamörk.
JÓN E. HALLDÓRSSON
VERKTAKI OG BYGGINGARSTJÓRI
STEINBÆRINN Á KLAPPARSTÍG Hluti gafls aðliggjandi húss var skilinn eftir þegar það
var rifið til að styðja við gamla steinbæinn á næstu lóð. Steinhleðslan hefur varð-
veislugildi segja Húsafriðunarnefnd og Minjasafn Reykjavíkur. FRÉTTABLAÐIÐ/STEFÁN
HANDBOLTI Selurinn Golli, sem kom
á land í Breiðdalsvík fyrr í vetur,
spáir Þjóðverjum afdráttarlausum
sigri gegn Íslendingum á heims-
meistaramótinu í handbolta í dag.
Golli hefur dvalið á Fiska-
safninu í Vestmannaeyjum í tvo
mánuði og var fenginn til að spá
fyrir um úrslit í leik Íslendinga
og Norðmanna sem fram fór á
fimmtudag. Hann var ekki í vafa,
og valdi síldina merkta íslenska
fánanum. Spáin reyndist hárrétt,
enda höfðu Íslendingar býsna
öruggan sigur í leiknum.
Í gær var Golli látinn endur taka
leikinn, og spá fyrir um viður eign
Þjóðverja og Íslendinga. Viðstödd-
um til mikilla vonbrigða gleypti
hann í sig síldina undir þýska
fánanum án umhugsunar. Menn
voru ekki reiðubúnir að fallast
á þessa niður stöðu nema í fulla
hnefana og ákváðu að reyna aftur.
Í seinna skiptið þefaði Golli af
íslensku síldinni nokkra stund,
en sneri sér síðan aftur að þeirri
þýsku. - sh
Golli spáir í handboltann:
Spáir Þjóðverj-
um sigri í dag
NAMM Golli var ekki í vafa um hvor
síldin væri girnilegri. FRÉTTABLAÐIÐ/ÓSKAR
HANDBOLTI Fánaæði hefur runnið á íslensku þjóðina
vegna árangurs handboltalandsliðsins á heims-
meistaramótinu í Svíþjóð. Hilmar Már Aðalsteins-
son, verslunarstjóri í Rammagerðinni, sem selur
fána og vörur í fánalitunum bæði í verslun sinni og
í heildsölu, segist varla hafa undan að bæta nýjum
viðskiptavinum við.
Hilmar segir að pantanir hrannist inn frá fyrir-
tækjum sem hingað til hafi aldrei selt vörur sem
þessar; matvöruverslunum, krám og sportvöru-
verslunum.
Hilmar segir að um ýmiss konar varning sé að
ræða; fána, trefla, derhúfur, boli, húfur, víkinga-
hjálma og fleira, sem hingað til hafi aðallega verið
selt útlendingum.
„Íslendingar hafa alltaf verið með þetta í ein-
hverjum mæli á vellinum en lítið á kránni og því
um líkt. Það virðist vera gjörbreytt núna,“ segir
hann.
Hilmar er ekki viss hvað veldur. „En þetta er
alveg nýtt fyrir okkur Íslendingum. Þegar Ólympíu-
leikarnir voru kom það öllum í opna skjöldu
hvað okkur gekk vel en nú eru allir í gírnum frá
byrjun.“ - sh
Varningur í fánalitunum streymir út úr Rammagerðinni vegna HM í handbolta:
Íslendingar óðir í fánalitina
FLOTTUR Hilmar segir að vörur sem þessar hafi hingað til
aðallega verið seldar útlendingum. Það sé nú að breytast.
FRÉTTABLAÐIÐ/VILHELM
BRASILÍA, AP Stjórnvöld í Brasilíu
ætla næstu árin að verja jafn-
virði nærri 800 milljörðum króna
til þess að draga úr flóðahættu
og koma upp viðvörunarkerfi á
flóðasvæðum landsins.
Flóð og aurskriður kosta tugi
og stundum hundruð manna lífið
ár hvert í Brasilíu. Talið er að í
landinu séu að minnsta kosti 500
hættuleg flóðasvæði og þar búa
um fimm milljónir manna.
Nú í vikunni létust meira en
750 manns af völdum flóða og
aurskriðna í fjallahéruðunum
norður af Rio de Janeiro. - gb
Flóðaviðbrögð í Brasilíu:
Ætla að styrkja
forvarnakerfi
BRETLAND Heilu ári áður en Bret-
ar og Bandaríkjamenn réðust inn í
Írak var Tony Blair, þáverandi for-
sætisráðherra Breta, orðinn sann-
færður um nauðsyn þess að steypa
Saddam Hussein af stóli.
Þetta kom fram í yfirheyrslum
yfir honum í gær hjá Íraksnefnd-
inni í Bretlandi, sem er að kanna
hvort innrásin hafi verið gerð í
fullu samræmi við alþjóðalög.
Undir lok yfirheyrslunnar
sagðist Blair vilja leiðrétta mis-
skilning, sem kom fram þegar
hann mætti síðast í yfirheyrslu
hjá nefndinni. Þá sagðist hann
ekki sjá eftir því að hafa tekið
ákvörðun um að fara í stríð í
Írak. Það þýðir hins vegar ekki,
segir Blair, að hann sjái ekki eftir
þeim mannslífum sem stríðs-
reksturinn hefur kostað. - gb
Blair leiðréttir misskilning:
Efast ekki um
Íraksstríðið
MÓTMÆLI GEGN BLAIR Hópur fólks beið
eftir Tony Blair þegar hann mætti til
yfirheyrslunnar í gærmorgun.
NORDICPHOTOS/AFP
LÖGREGLUMÁL Sigurjón Þ. Árna-
son, fyrrverandi bankastjóri
Landsbankans, var látinn laus úr
gæsluvarðhaldi
í gær. Skýrslu-
tökum yfir
honum er lokið
og sá sérstak-
ur saksóknari
ekki ástæðu til
að halda honum
lengur.
„Sigurjón er
laus úr haldi
og það er aðal-
málið,“ sagði
Sigurður G. Guðjónsson, verjandi
Sigurjóns, í samtali við Vísi.
Sigurjón var úrskurður í 11
daga gæsluvarðhald 14. janúar síð-
astliðinn vegna gruns um að bera
ábyrgð á meintri markaðsmisnotk-
un Landsbankans og öðrum brot-
um sem varða auðgunarbrotakafla
almennra hegningarlaga.
Saksóknari lýkur skýrslutöku:
Sigurjón laus úr
gæsluvarðhaldi
DÓMSMÁL Stofnfjárhafar í Byr sem
fengu lánað fyrir stofnfjárhlutum í
árið 2007 þurfa ekki að endurgreiða
lánin samkvæmt dómi héraðs dóms.
Dómur féll í máli þriggja stofnfjár-
hafa í gær, en milljarðar króna eru
undir hjá öðrum stofnfjárhöfum,
sem horfa til þess hvort þessi mál
séu fordæmisgefandi.
Lánin voru veitt af Glitni við
fyrirhugaða sameiningu Byrs og
Sparisjóðs Norðlendinga. Íslands-
banki tók yfir kröfur Glitnis, sem
voru bara með veðum í stofnfjár-
bréfunum sjálfum.
Dómurinn komst að þeirri
niðurstöðu að bankinn hafi ekki
mátt ganga lengra við innheimtu
lánanna en að ganga að veðunum.
Villt hafi verið um fyrir lántakend-
um með því að telja þeim trú um að
lánin væru án áhættu.
Miklir hagsmunir eru í húfi, en
ekki fengust upplýsingar um það
frá Íslandsbanka í gær hversu
háar upphæðir bankinn lánaði
til stofnfjáreigenda með þessum
hætti. Fram hefur komið í fréttum
að milljarðar króna voru lánað-
ir úr Glitni, og var hluti lánanna í
erlendri mynt.
Íslandsbanki hefur ekki tekið
ákvörðun um hvort málinu verð-
ur áfrýjað til Hæstaréttar segir
Guðný Helga Herbertsdóttir, upp-
lýsingafulltrúi bankans. Málin
hafi verið höfðuð til að láta reyna
á greiðsluskyldu. Hefðu skuldirnar
verið felldar niður hefðu lántakend-
ur þurft að borga af þeim skatt.
Guðný Helga segir alla sem hafi
fengið lánað fyrir stofnbréfum með
þessum hætti hafa átt þess kost að
framlengja gjalddaga lánsins til
15. október næstkomandi, og því
muni enginn þurfa að lenda í inn-
heimtuaðgerðum meðan óvissa sé
um málalok. - bj
Stofnfjáreigendur í Byr þurfa ekki að endurgreiða Íslandsbanka lán fyrir stofnbréfum samkvæmt dómi:
Milljarðar undir fyrir stofnfjáreigendur
LÁNAÐ Til stóð að sameina Byr og
Sparisjóð Norðlendinga árið 2007 og var
í því skyni boðað til stofnfjáraukningar.
FRÉTTABLAÐIÐ/STEFÁN
SIGURJÓN Þ.
ÁRNASON
Sprenging á skjálftamælum
Sprenging verktaka sem vinnur að
dýpkun Hafnarfjarðarhafnar var svo
öflug að hún mældist á jarðskjálfta-
mælum Veðurstofu Íslands. Styrkleiki
skjálftans var 0,7. Sjaldgæft er að
sprengingar mælist á skjálftamælum
en það gerist við öflugar sprengingar.
NÁTTÚRA
BANDARÍKIN Fyrirtæki sem fram-
leiðir rafbyssur fyrir löggæslu-
yfirvöld víða um heim hefur nú
sett á markað í útgáfu af rafbyss-
unni sem hönnuð er til að gera
birni og önnur stór og hættuleg
dýr óvíg án þess að skaða þau.
Rafbyssan hefur verið sett á
markað í Bandaríkjunum. Mark-
hópurinn er einkum lögreglu-
menn í dreifbýli og þjóðgarðs-
verðir, að því er fram kemur í
frétt BBC. Vopninu er ætlað að
bjarga mannslífum án þess að
aflífa þurfi hættuleg dýr með
skotvopnum. - bj
Nýjung á Bandaríkjamarkað:
Selja rafbyssur
sem rota birni
SPURNING DAGSINS