Fréttablaðið - 22.01.2011, Blaðsíða 50

22. janúar 2011 LAUGARDAGUR12
Reglugerð
um veiðar á Austur-Atlantshafs bláuggatúnfiski 2011
1. gr.
Allar veiðar á austur Atlantshafs bláuggatúnfiski eru óheimilar nema að fengnu
leyfi Fiskistofu. Ákvæði reglugerðar þessarar taka til veiða á austur-Atlantshafs
bláuggatúnfiski á samningssvæði Atlantshafs túnfiskveiðiráðsins (ICCAT), þar
með talið hafsvæði utan lögsögu ríkja og enn fremur innan lögsagna þar sem
íslensk skip hafa rétt til veiða samkvæmt samningum eða sérstökum veiðileyfum.
Leyfisveitingin er bundin við þau skip sem sækja um aflaheimildir á bláuggatún-
fiski til sjávarútvegs- og landbúnaðarráðuneytis innan frests sem auglýstur er í
upphafi árs. Í umsókninni skal tilgreina áætlun um veiðarnar, m.a. um útbúnað
skips, áætlaðar löndunarhafnir og ráðstöfun afla.
Leyfi til bláuggatúnfiskveiða skulu gefin út fyrir hvert almanaksár en ráðuneytinu
er heimilt að fella úr gildi leyfi til bláuggatúnfiskveiða sé talin ástæða til að tak-
marka veiðarnar frekar eða endurskipuleggja stjórnun þeirra.
2. gr.
Á árinu 2011 er íslenskum skipum heimilt að veiða 78 tonn af bláuggatúnfiski
miðað við afla upp úr sjó. Bláuggatúnfiskveiðar er einungis heimilt að stunda á
línu.
3. gr.
Samkvæmt reglum ICCAT er aðeins heimilt að úthluta einu íslensku skipi veiði-
leyfi árið 2011.
Skilyrði fyrir útgáfu leyfis til bláuggatúnfiskveiða er að skip hafi leyfi til veiða í
atvinnuskyni og hafi búnað til veiðanna. Ráðuneytið áskilur sér rétt til að hafna
umsóknum sé ljóst að viðkomandi skip hafi ekki búnað til veiðanna eða að fyrirséð
sé að það muni af öðrum ástæðum ekki stunda þær. Að öðru leyti skal hlutkesti
skera úr um rétt umsækjenda til leyfis til bláuggatúnfiskveiða. Eftir að leyfi er veitt
er óheimilt að endurúthluta því á árinu 2011 til annars skips nema skip hafi farist,
eða vélarbilun valdi því að það geti ekki haldið til veiða. Aflaheimildir má ekki
flytja milli ára.
Skip skulu landa afla á Íslandi í fyrirfram ákveðnum höfnum, sem Fiskistofa
ákveður í samráði við útgerðir.
Veiðar á Austur-Atlantshafs bláuggatúnfiski á línu eru heimilar frá 1. ágúst 2011 til
ársloka á veiðisvæðinu norðan 42°00,00´ N milli 10°00,00´ V og 45°00,00´ V.
4. gr.
Skipstjórar skulu skrá í afladagbækur sem Fiskistofa og Hafrannsóknarstofnunin
leggja til, nákvæmar upplýsingar um veiðarnar í því formi sem skýrslurnar gera
ráð fyrir og skila Fiskistofu þegar skip kemur næst til hafnar eftir að hafa stundað
veiðar samkvæmt reglugerð þessari.
Veiðar á bláuggatúnfiski í landhelgi Íslands í tómstundum eða til eigin neyslu skal
tilkynna til Fiskistofu eigi síðar en við löndun.
5. gr.
Þau íslensku fiskiskip sem leyfi hafa fengið til að stunda veiðar á samningssvæði
ICCAT skulu vera búin fjarskiptabúnaði sem sendir upplýsingar með sjálfvirkum
hætti til sameiginlegrar eftirlitsstöðvar Landhelgisgæslu Íslands og Fiskistofu, hér
eftir nefnd eftirlitsstöðin, um staðsetningu viðkomandi skips á klukkustundar fresti.
Skipi er óheimilt er að halda úr höfn til veiða fyrr en starfsmenn eftirlitsstöðvar-
innar hafa staðfest til skipstjóra að ofangreindur búnaður starfi eðlilega.
Ef búnaður til sjálfvirkra sendinga, sbr. 1. mgr., bilar, skal gert við hann við komi í
næstu höfn. Þar til búnaðinum verður komið í lag, skal senda á annan hátt upplýs-
ingar um staðsetningu skipsins á 6 klukkustunda fresti til eftirlitsstöðvarinnar. Einn-
ig skulu tilkynningar skv. 6. gr. innihalda upplýsingar um staðsetningu skipsins.
6. gr.
Tilkynningar.
Skip sem stunda bláuggatúnfiskveiðar á samningssvæðinu skulu senda eft-
irgreindar tilkynningar til eftirlitsstöðvarinnar:
Komutilkynning:
Skylt er skipstjóra skips að tilkynna til eftirlitsstöðvarinnar með ekki meira en 12
klukkustunda og að minnsta kosti 6 klukkustunda fyrirvara að það fari inn á
viðkomandi samningssvæði til bláuggatúnfiskveiða á þetta við um veiðar innan
íslenskrar lögsögu sem og utan. Í tilkynningunni komi fram eftirfarandi
upplýsingar:
1. Kóði viðtakanda: „ISL“ fyrir íslensku eftirlitsstöðina.
2. Raðnúmer skeytisins.
3. Kóði fyrir tegund skeytisins: „COE“ sem komutilkynning.
4. Kallmerki skipsins.
5. Staðsetning skipsins í gráðum og heilum mínútum.
6. Áætlað aflamagn um borð miðað við afla upp úr sjó, sundurliðað eftir
tegundum.
7. Dagsetning og tími.
Haldi skip til veiða úr íslenskri höfn skal það tilkynnt eftirlitsstöðinni á sama hátt.
Aflatilkynning:
Dag hvern sem skip er við túnfiskveiðar, skal skipstjóri tilkynna eftirlitsstöðinni
um heildarafla síðasta sólarhrings, miðað við afla upp úr sjó, sundurgreindan eftir
tegundum. Í tilkynningunni komi fram eftirfarandi upplýsingar:
1. Kóði viðtakanda: „ISL“ fyrir íslensku eftirlitsstöðina
2. Raðnúmer skeytisins.
3. Kóði fyrir tegund skeytisins: „CAT“ sem aflatilkynning.
4. Kallmerki skipsins.
5. Afli frá síðustu aflatilkynningu í kg., miðað við afla upp úr sjó, sundurliðað
eftir tegundum.
6. Fjöldi veiðidaga frá upphafi veiða, en frá síðustu aflatilkynningu hafi hún
verið send.
7. Dagsetning og tími.
Lokatilkynning:
Þegar veiðiskip hættir veiðum skal það tilkynnt eftirlitsstöðinni. Jafnframt skal í
tilkynningu tilgreina afla frá síðustu aflatilkynningu miðað við afla úr sjó,
aðgreindan eftir tegundum og einnig löndunarhöfn eða löndunarstað. Loka-
tilkynningin skal send eigi síðar en 6 klukkustundum fyrir áætlaðan tíma í
löndunarhöfn. Í tilkynningunni komi fram eftirfarandi upplýsingar:
1. Kóði viðtakanda: „ISL“ fyrir íslensku eftirlitsstöðina.
2. Raðnúmer skeytisins.
3. Kóði fyrir tegund skeytisins: „COX“ sem lokatilkynning.
4. Kallmerki skipsins.
5. Dagsetning og tími.
6. Afli frá síðustu aflatilkynningu í kg, miðað við afla upp úr sjó, sundurliðað
eftir tegundum.
7. Fjöldi veiðidaga frá upphafi veiða, en frá síðustu aflatilkynningu hafi hún
verið send.
8. Löndunarhöfn (áætlaður tími og dagsetning þar).
9. Dagsetning og tími.
Tilkynningar til Eftirlitsstöðvarinnar er hægt að senda með eftirfarandi sam-
bandsleiðum: Tölvupóstfang sar@lhg.is, fax nr. 545 2001, Inmarsat C nr. 581
425101519 eða gegnum strandstöðvar á Íslandi.
7. gr.
Óheimilt er að styðjast við leit úr lofti við veiðar á bláuggatúnfiski.
8. gr.
Sé þyngd bláuggatúnfisks sem veiddur er undir 30 kg, skal honum sleppt lifandi.
9. gr.
Hverju skipi er óheimilt að stunda bláuggatúnfiskveiðar nema eftirlitsmaður á
vegum Fiskistofu sé um borð. Þó er Fiskistofu heimilt að veita undanþágu frá
skilyrði 1. ml. enda séu eftirlitsmenn um borð a.m.k. 20% þess tíma sem skip
stundar bláuggatúnfiskveiðar. Skipstjóra er óheimilt að halda skipinu til bláugga-
túnfiskveiða án eftirlitsmanns um borð án skriflegrar heimildar Fiskistofu þar að
lútandi.
Útgerð skips skal greiða eftirlitskostnað skv. 4. mgr. 4. gr. laga nr. 33, 5. maí 2000,
um veiðieftirlitsgjald. Útgerð skips með eftirlitsmann á vegum Fiskistofu um borð
skal sjá honum fyrir fæði og aðstöðu án endurgjalds.
Fyrir hverja veiðiferð skal útgerð skips tilkynna Fiskistofu með a.m.k. 7 daga fyrir-
vara að fyrirhugað sé að halda til veiða.
10. gr.
Merkja skal hvern einstakan bláuggatúnfisk sem veiddur er af íslenskum skipum
samkvæmt nánari fyrirmælum Fiskistofu og í samræmi við reglur ICCAT þar að
lútandi.
Öllum bláuggatúnfiski sem veiddur er af íslenskum skipum sem og öllum bláugga-
túnfiski sem fluttur er inn til Íslands eða seldur er á íslenskum markaði skal fylgja
sérstakt rekjanleika¬vottorð (e. bluefin tuna catch document, BCD) sem Fiskistofa
gefur út.
Öllum bláuggatúnfiski sem endurútfluttur er frá Íslandi skal fylgja sérstakt endur-
útflutnings¬vottorð (e. bluefin tuna re-export certificate, BFTRC) sem Fiskistofa
gefur út.
11. gr.
Brot á reglugerð þessari varða viðurlögum samkvæmt ákvæðum III. kafla laga nr.
151, 27. desember 1996, um fiskveiðar utan lögsögu Íslands og ákvæðum laga nr.
116, 10. ágúst 2006, um stjórn fiskveiða, með síðari breytingum.
12. gr.
Reglugerð þessi er sett samkvæmt ákvæðum laga nr. 151, 27. desember 1996,
um fiskveiðar utan lögsögu Íslands og ákvæðum laga nr. 116, 10. ágúst 2006, um
stjórn fiskveiða, með síðari breytingum, til þess að öðlast þegar gildi og birtist til
eftirbreytni öllum þeim, sem hlut eiga að máli. Jafnframt fellur úr gildi reglugerðir
um veiðar á Austur-Atlantshafs bláuggatúnfiski nr. 640, 4.ágúst 2010.
Sjávarútvegs- og landbúnaðarráðuneytinu 21. janúar2011.
F. h. r.
Jóhann Guðmundsson
Hrefna Karlsdóttir.
Tilkynningar