Fréttablaðið - 22.01.2011, Blaðsíða 36
22. janúar 2011 2
„Ég hef átt hund frá að því ég var tíu ára. Hundur er hluti af minni fjölskyldu og
stundum eins og að vera með barn, en Stjarna er einstaklega barngóð.“ FRÉTTABLAÐIÐ/
„Þá fer ég út að borða, í bíó eða
leikhús með vinum, en er alveg
búin með skemmtistaðapakkann.
Mig langar heldur ekki að hitta
menn sem eru úti á lífinu, því það
hentar mér ekki, enda er ég sjálfri
mér nóg og ekki í leit að ástinni. Ef
Guð leyfir mér að verða ástfangin
eða eignast fleiri börn tek ég því
vitaskuld fagnandi, en ég er ham-
ingjusöm ein og trega það alls ekki.
Það virðist vera meira atriði fyrir
aðra að ég gangi út, en fólk gleym-
ir að þetta er val hjá mér og að
lífið gengur út á svo margt annað
en karlmenn,“ segir Linda sposk.
Spurð hvort karlmenn séu hræddir
að fara á fjörurnar við hana svarar
hún: „Ég veit ekki, en það er alla-
vega ekki hangið á hurðarhúninum
hjá mér og maður telur ekki fésbók-
arnálgun margra eftir helgar með,“
segir hún hlæjandi og ánægð með
stöðu sína í tilverunni, en ekki síst
með fyrsta „barnið“ sitt, Baðhúsið,
sem hún stofnaði aðeins 24 ára.
„Mér finnst óskaplega gaman
í vinnunni og það blómstrar með
fullu húsi af konum. Baðhúsið var
alfarið mín hugmynd á sínum tíma
en ég seldi það þegar ég fluttist til
Kanada. Nú er ég komin aftur, á
það ein, er búin að endurvekja hug-
myndina og það virkar afskaplega
vel,“ segir Linda sæl.
Senn eru liðin 23 ár síðan Linda
var krýnd Ungfrú heimur. „Mér
finnst ótrúlegt að ég var ekki nema
nítján ára að ferðast um heiminn og
sitja til borðs með þjóðhöfðingjum,
en ég tók það alvarlega, var mjög
ábyrgðarfull og er ánægð með
að hafa gert þetta. Minningarn-
ar eru margar góðar en ég held að
það hafi hjálpað mér að ég reyndi
aldrei að vera önnur en ég var. Það
hefði verið erfitt að halda uppi leik-
riti með pókerfés í heilt ár, og þótt
það sé ekki endilega ég að sitja yfir
matardisk með kórónu á höfði, var
ég alltaf ég sjálf í samræðum við
fólk,“ segir Linda og þvertekur
fyrir að hafa fundist hún fegurst
kvenna þegar hún bar þann titil
umfram aðrar konur heimsins.
„Í fyrstu þurfti ég oft að klípa
mig en svo varð þetta eins og hvert
annað starf. Maður þurfti auðvitað
sjálfstraust og ég efaðist aldrei um
sjálfa mig og fannst ég sambæri-
leg við fegurstu konur, en það hefði
aldrei hvarflað að mér, nýkomin frá
Vopnafirði, að sigra heiminn. Ég
var bara nýlent eftir skiptinemaár
í Bandaríkjunum og byrjuð í Fjöl-
braut við Ármúla, þar sem ég ætl-
aði að halda áfram námi, njóta lífs-
ins og ferðast um heiminn, og það
höfðu örlögin ætlað mér en á annan
veg en ég hafði planað.“
Linda var virkur alkóhólisti þar
til fyrir níu árum að hún afþakk-
aði frekari samfylgd Bakkusar.
„Að hætta að drekka var mjög erf-
itt en besta ákvörðun lífs míns.
Ég lifi samkvæmt boðorðinu einn
dag í einu og get fallið eins og hver
annar, en sé það ekki gerast í dag.
Þetta er mér engin barátta og ég
upplifi það sem forréttindi að lifa
lífinu edrú,“ segir Linda sem geisl-
ar af fegurð og heilbrigði.
„Ég er sem betur fer laus við
öfga og held að það hafi hjálpað
mér. Það eru engin geimvísindi
að ástunda heilbrigða lífshætti;
það snýst bara um að borða hollt,
hreyfa sig og hvílast nóg,“ segir
Linda sem reynir alltaf að setja
sig sjálfa í fyrsta sæti. „Það skipt-
ir alla máli að eiga tíma fyrir sjálfa
sig því þá gefast einnig gæðastund-
ir með öðrum og án góðrar heilsu
hefur maður lítið. Því má maður
aldrei gleyma sjálfum sér,“ segir
Linda sem nýtur þess að eldast.
„Það á vel við mig. Maður verður
sáttari og ekki á sömu hlaupum og
fyrir fimmtán árum. Þá hefði mér
ekki dottið í hug að vera heima
heilu helgarnar og fara í göngutúra.
Það hefði ekki verið nóg. Ég hugsa
mikið um hvenær nóg er nóg, en er
sátt við mitt hlutskipti og hef yfir
engu að kvarta á meðan grunnþörf-
um mínum er sinnt, sem er að eiga
þak yfir höfuðið, aur fyrir reikn-
ingum og mat, og góð samskipti við
þá sem ég elska. Annað er aukaat-
riði og mikilvægt að njóta líðandi
stundar með sínum nánustu, því
morgundaginn á enginn vísan.“
thordis@frettabladid.is
Límonaði er hressandi með góðum morgunmat um helgar en það má hæg-
lega búa til upp á eigin spýtur. Setjið eina afhýdda límónu, fjóra desilítra af
vatni, engiferbút og eina matskeið af agave-sírópi í blandara og blandið vel
saman. Hellið í könnu í gegnum sigti og kælið með klökum.
Sýning á myndskreytingum
úr nýútkomnum barnabókum
verður opnuð í Gerðubergi á
morgun.
Þetta vilja börnin sjá! heitir sýn-
ing á myndskreytingum úr nýút-
komnum íslenskum barnabókum
sem verður opnuð í Gerðubergi á
sunnudag, en sams konar sýning-
ar hafa verið haldnar árlega frá
því 2002. Þátttakendur á sýning-
unni keppa jafnframt um íslensku
myndskreytingarverðlaunin, sem
eru kennd við Dimmalimm, og
verða úrslitin kunngerð við opnun
sýningarinnar klukkan 14.
Starfsfólk Gerðubergs og Borg-
arbókasafnsins mun síðan bjóða
átta ára skólabörnum upp á dag-
skrá á sýningartímabilinu þar
sem þau fá að skoða sýningarn-
ar Þetta vilja börnin sjá! og Orm-
urinn ógnarlangi og taka þátt í
leikjum á bókasafninu. Einnig er
boðið upp leiðsögn um sýningarn-
ar fyrir aðra aldurshópa í samráði
við starfsfólk Gerðubergs. Sýning-
in stendur til 6. mars og er opin
virka daga frá 11-17 og um helgar
frá 13-16.
Barnabókamyndir til sýnis
Framhald af forsíðu