Fréttablaðið - 22.01.2011, Blaðsíða 30
30 22. janúar 2011 LAUGARDAGUR
V
ið í Hellvar lukum við
upptöku á nýrri plötu
fyrir jól og það er
verið að hljóðblanda
hana núna,“ segir
Heiða og yljar sér á
sojalatte-bollanum sem hún pant-
ar sér á hverfiskaffihúsinu C is
for Cookie. „Platan heitir Stop that
noise og fyrsta lagið af henni fer í
spilun á Rás tvö næsta þriðjudag.“
Á þriðjudaginn er afmælisdagur
Heiðu, sem verður fertug, og ætlar
Rás tvö að halda upp á afmælisdag-
inn með henni, spila lög með Heiðu
sem hefur verið viðloðandi íslenska
tónlistarsenu yfir tuttugu ár, nú síð-
ast með hljómsveitinni Hellvar.
„Það er frábært að þeir ætli að
halda upp á afmælið mitt, við frum-
flytjum lagið klukkan tíu um morg-
uninn,“ segir Heiða. „En svo ætla
ég að bjóða vinum mínum í keilu
síðdegis, og biðja þá helst að koma
í furðufötum. Ég er ekki kökuboða-
manneskja og þaðan af síður lang-
aði mig að leigja sal fyrir veislu og
ég fór bara hugsa hvernig veislu
mig langaði að vera boðin í – þetta
var niðurstaðan.“
Fyrir utan Hellvar-plötuna er
Heiða með ýmislegt á prjónunum
– og ekki allt tengt tónlist. „Ég er að
leggja lokahönd á meistara ritgerð
í heimspeki og þar er ég að skrifa
um verufræði Heideggers, um hans
aðferð til að reyna að fá manninn til
að festast ekki í klisjum og hugsa,“
segir Heiða, sem fór í heimspeki
eftir stúdentspróf en tók sér langt
hlé frá námi þegar hljómsveitin
Unun hafði í sem mestu að snúast
og hefur verið misiðin við námið
síðan. „Þess vegna er ég að klára
masterinn fertug en ekki 26 ára.“
Stefnt er að því að nýja Hellvars-
platan komi út í mars en fyrir utan
hana er Heiða að undirbúa trúbador-
plötu. „Ég á nóg af efni í góða trú-
badorplötu og vonast til að gefa
hana út á þessu ári. Það er kannski
þetta sem gerist þegar maður verð-
ur fertugur, maður fer að skilja að
það þýðir ekki að hafa allt efnið
ofan í skúffum, maður verður setja
í fertugasta gírinn.“
Eðlilegast að semja tónlist
Það er samt ekki hægt að segja
annað en að Heiða hafi komið ýmsu
frá sér í gegnum tíðina. „Ég hef
samt aldrei hugsað þá hugsun að
mig langi að verða tónlistarkona,
það er bara það eðlilegasta sem ég
geri að búa til tónlist. Að semja,
taka upp og flytja tónlist, það er
mitt náttúrulega ástand,“ segir
Heiða og hlær.
Heiða fékk fyrsta gítarinn sinn
að gjöf fyrir vel heppnuð samræmd
próf árið 1987. Sama ár stofnaði
hún sína fyrstu hljómsveit, Útúr-
dúr. Þar með var ferillinn haf-
inn. Árið 1994 sló Heiða í gegn
sem söngkonan í hljómsveitinni
Unun en eftir að sú sveit lagði upp
laupana hefur hún bæði gefið út
sólóplötur og með hljómsveitum.
Hljómsveitin Hellvar var stofn-
uð í Berlín árið 2004 af Heiðu og
Elvari Geir Sævarssyni, mann-
inum hennar. „Við kynntumst á
Gamla Garði 1998. Þangað flutti
ég eftir að Unun hætti og tók upp
þráðinn í heimspekináminu en
Elvar var líka að læra heimspeki.“
Tónlistin var sameiginlegt áhuga-
mál þó að smekkurinn hafi reyndar
ekki verið alveg sá sami.
„Elvar heldur mikið upp á Metall-
icu en mér fannst aldrei neitt varið
í þungarokk, fannst það alltaf hold-
gervingur einhvers hallærisleika.
Hann byrjaði nú samt með mér og
nú er þungarokksvígið fallið hjá
mér, ég er búin að taka Metallica í
sátt. Síðasta tónlistarvígið hjá mér
er óperur, ég skil þær ekki,“ segir
Heiða sem lifir og hrærist í tónlist
og hlustar á velflest milli himins
og jarðar.
Á ekki iPod
„Ég er misdugleg að kynna mér
nýja tónlist, en tek skorpur inn á
milli.“ Plötuspilarinn er stofustáss
á heimilinu en geisladiska hlust-
ar Heiða aðallega á í ferða geisla-
spilaranum sínum. Hvað með iPod?
„Ég á ekki iPod og langar ekki í
iPod. Ég vil hlusta á heilar plötur,
ekki lög. Ég trúi því að hvert lag sé
sett í ákveðið samhengi og lagið á
undan og eftir geti haft heilmikil
áhrif á það. Mér finnst ipod vera
enn ein birtingarmynd ADHD-kyn-
slóðarinnar sem ég rétt slapp við
að tilheyra, kynslóðar sem lifir við
stöðugt áreiti og á mjög erfitt með
að halda athyglinni,“ segir Heiða og
upplýsir að heima hjá henni sé held-
ur ekki horft á sjónvarp, til að forð-
ast auglýsingar. „Ég hef ekki áhuga
á því að láta auglýsingar dynja á
heimilinu en við horfum oft á bíó-
myndir saman,“ segir Heiða en þau
Elvar eiga níu ára strák sem fær að
hafa tækið inni hjá sér.
Heiða og fjölskylda fluttu síðasta
haust aftur til Reykjavíkur eftir
nokkurra ára búsetu í Keflavík,
bænum þar sem Heiða átti heima
frá níu ára aldri þar til framhalds-
skóla lauk. „Við erum búin með
Keflavík í bili,“ segir Heiða, sem
er hæstánægð með að vera flutt
enda mikil miðbæjarmanneskja.
Kaffihúsið C is for Cookie er í
miklu uppáhaldi. „Það er svo gott
að koma hingað, þetta er líka svo
einfalt, minnir á Berlín,“ segir hún
en borgin sú hefur verið í algjöru
uppáhaldi síðan fjölskyldan dvald-
ist þar veturlangt.“
Engar málamiðlanir
Hljómsveitin Hellvar hefur spil-
að utanlands nokkrum sinnum
undanfarin ár og segir Heiða það
nauðsynlegt að spila stundum við
aðra áhorfendur en íslenska. „Það
er ekki gaman að spila fyrir sama
fólkið aftur og aftur, maður vill fá
nýtt fídbakk og þess vegna förum
við út. Yfirleitt fáum við ekki
mikinn pening fyrir vikið en stund-
um er selt inn og svo tökum með
okkur geisladiska og seljum,“ segir
Heiða sem segir óskastöðuna vissu-
lega vera þá að lifa af tónlistinni,
þó ekki hafi það gerst enn. „Það
hefur ekki verið þannig en ég ætla
ekki að útiloka að það gerist. En ég
er ánægð með að hafa aldrei gert
málamiðlanir. Ég tók þá meðvituðu
ákvörðun að gera tónlist nákvæm-
lega eins og ég vil hafa hana og ef
ég lifi ekki af því þá redda ég því
bara öðruvísi,“ segir Heiða, sem fer
á fullt í atvinnuleit þegar meistara-
ritgerðin er komin í hús. „Vonandi
finn ég eitthvað tónlistartengt.
Annars er ég mjög lítið fyrir að
skipuleggja hlutina í þaula, ég held
að maður missi af skemmtilegum
tækifærum ef maður einblínir um
of á eina braut. Ég hef meiri trú á
því að láta lífið koma mér á óvart,“
segir Heiða að lokum.
Geri tónlist eftir mínu höfði
Tónlistarkonan Heiða ætlar að halda upp á fertugsafmælið sitt í næstu viku með keiluferð í grímubúningi. Afmælisárið verður
viðburðaríkt hjá Heiðu en verið er að leggja lokahönd á nýjustu plötu hennar og hljómsveitarinnar Hellvar, auk þess sem hún
stefnir á að gera trúbador-plötu og verða meistari í heimspeki. Sigríður Björg Tómasdóttir hitti hana yfir kaffibolla.
HEIÐA Ætlar að setja í fertugasta gírinn á árinu. FRÉTTABLAÐIÐ/STEFÁN