Fréttablaðið - 22.01.2011, Blaðsíða 78

22. janúar 2011 LAUGARDAGUR50
sport@frettabladid.is
UTAN VALLAR
Sigurður Elvar Þórólfsson
segir sína skoðun
ÍSLENSKA HANDBOLTALANDSLIÐIÐ er búið að vinna fimm leiki í röð á móti Þjóðverjum (mótherjum dagsins á HM)
og hefur ekki tapað fyrir þeim í undanförnum sjö leikjum (6 sigrar, 1 jafntefli) eða síðan Þjóðverjar unnu 35-27 á EM í Noregi
2008. Síðustu fjórir leikir, allt vináttulandsleikir, hafa allir unnist með fjögurra marka mun (32-28, 33-29, 27-23 og 31-27).
Það hefur ekki farið framhjá mörgum hér á landi að íslenska karla-
landsliðið í handbolta hefur komið sér í gríðarlega sterka stöðu á
heimsmeistara mótinu í Svíþjóð. Liðið hefur unnið alla fimm leikina og
er efst í milliriðlinum þegar keppni hefst í dag í Jönköping. Þýskaland,
Spánn og Frakkland verða næstu mótherjar og það getur því allt gerst
í framhaldinu.
Við tökum því sem sjálfsögðum hlut að landsliðið sé á stórmóti á þess-
um tíma árs enda góðu vön. Þetta er ellefta stórmótið frá árinu 2000
þar sem Ísland er í lokakeppni í janúar – og það þrettánda ef ÓL er talið
með. Það er gjörsamlega búið að gjörspilla okkur með þessu góðgæti
ár eftir ár.
Ég legg til að við veltum því aðeins fyrir okkur næst þegar Alexand-
er Petersson skorar mark hvernig við sem þjóð tókum þátt í því marki.
Borgum við 15-20 milljóna kr. kostnað HSÍ við þetta mót?
Fór hluti af þeim skatti sem við greiddum um síðustu mánaðamót í
rekstur HSÍ? Hvernig virkar þetta eiginlega?
Svarið er: Þú leggur fram 80 kr. í Afrekssjóð á þessu ári í gegnum
skattinn og þegar búið er að deila því á alla aðila fær Handknattleiks-
samband Íslands 3 kr. í sinn hlut frá þér. Þrjár krónur.
Ríkið leggur til 24,7 milljónir í sjóð sem nefnist Afrekssjóður ÍSÍ. Hluti
af hagnaði Íslenskrar getspár rennur einnig í Afrekssjóð og potturinn er
því alls 44 milljónir kr. Eins og áður segir eru þetta 80 krónur frá hverj-
um Íslendingi en til samanburðar er þessi upphæð um 400 krónur á íbúa
í Noregi og um 300 í Danmörku.
Það má reyndar minnast á það að norska karlalandsliðið fær 160 millj-
ónir króna til ráðstöfunar á ári en við unnum Norðmenn í fyrrakvöld 29-
22. Heildarvelta HSÍ á árinu 2010 er um 150 milljónir kr. og hlutfallslega
stunda jafnmargir handbolta hér á landi og í Noregi.
Ef ég væri ungur og efnilegur afreksmaður á Íslandi væri það mitt
fyrsta verk að kanna hve langan tíma það tekur að skipta um ríkisfang.
Íslenskir afreksíþróttamenn eru núll og nix þegar kemur að úthlutun
úr sameiginlegum sjóðum okkar sem þjóðar – 24,7 milljónir á ári eru
bara grín og jafnvel móðgun. Íþróttahreyfingin gerir sitt allra besta til
að hlúa að afreksfólkinu en það er úr litlu
að moða þegar allt okkar afreksfólk og
landslið skipta á milli sín 44 milljón-
um kr. á ári.
Það er áhugavert fyrir alla að renna
í gegnum Fjárlagafrumvarpið 2011.
Það plagg er pólitísk forgangsröðun
á sameiginlegum sjóði okkar.
Afrekssjóður ÍSÍ fær 0,005%
af heildarkökunni.
Það er eitthvað svo rangt
við þetta allt saman – eða
hvað? Það eru kjörnir
fulltrúar okkar á Alþingi
sem taka ákvörðun
um þessa hluti. Þeir
eru þar af því að við
kusum þá. Kannski
hefur enginn þeirra
áhuga á íþróttum
– nema í janúar
þegar það eru
stórmót í hand-
bolta. Þá eru
allir í stuði.
Áfram
Ísland.
Þrjár krónur frá mér
til þín, Alexander
HM 2011 Íslenska handboltalands-
liðið tryggði sér sigur í leikjunum
á móti Austurríki og Noregi með
frábærri frammistöðu í seinni
hálfleik. Íslenska liðið vann seinni
hálfleik þessara tveggja leikja
samtals með fimmtán marka mun,
skoraði 32 mörk á móti aðeins 17.
Vörnin var frábær og í markinu
var Björgvin Páll Gústavsson svo
í svaka stuði.
Björgvin hafði aðeins varið 2
af 12 skotum í fyrri hálfleiknum
á móti Austurríki (17 prósent) en
mætti eins og nýr maður í seinni
hálfleikinn þar sem hann varði 14
af 21 skoti Austurríkismanna sem
gerir 67 prósenta markvörslu.
Björgvin hélt uppteknum
hætti í leiknum á móti Nor-
egi. Hann varði vel í fyrri
hálfleik, 9 af 21 skoti (43
prósent) en fór síðan í miklu
meira stuð í seinni hálfleikn-
um þar sem hann varði 12 af
22 skotum Norðmanna sem
gerir 55 prósenta markvörslu.
Björgvin hefur því varið 61 pró-
sent skota sem hafa komið á hann
í seinni hálfleik í síðustu tveimur
leikjum (26 af 43).
Björgvin tók 68 prósent lang-
skota í þessum tveimur hálfleikj-
um (15 af 22) og varði 83 prósent
skota úr hornum (83 prósent).
Fimm af þeim sextán mörkum sem
hann fékk á sig komu úr hraðaupp-
hlaupum eða úr vítum sem er ekki
hægt að ætlast til að markvörður
verji nema í einstökum tilfellum.
Það hefur annars verið mikill
stöðugleiki í markvörslu Björg-
vins á HM en hann hefur varið
yfir 48% prósent skota eða meira
í undanförnum þremur leikjum.
Björgvin hefur alls varið 73 skot í
leikjunum fimm eða 14,6 að meðal-
tali en hann hefur tekið 43,5 pró-
sent skota sem hafa komið á hann.
ooj@frettabladid.is
Björgvin Páll í miklu stuði:
Seinni hálfleikur á móti Austurríki
Frá skyttum: 90 prósent (9 af 10)
Úr hornum : 75 prósent (3 af 4)
Af línu: 100 prósent (2 af 2)
Samtals:: 67 prósent (14 af 21)
Seinni hálfleikur á móti Noregi
Frá skyttum: 50 prósent (6 af 12)
Úr hornum : 100 prósent (2 af 2)
Af línu: 43 prósent (3 af 7)
Samtals:: 55 prósent (12 af 22)
Samantekt:
Frá skyttum: 68 prósent (15 af 22)
Úr hornum : 83 prósent (5 af 6)
Af línu: 56 prósent (5 af 9)
Samtals:: 61 prósent (26 af 43)
Björgvin fer á
kostum eftir hlé
Björgvin Páll Gústavsson fór mikinn í leikjunum
gegn Noregi og Austurríki og varði alls 62 prósent
þeirra skota sem hann fékk á sig í síðari hálfleik.
BJÖRGVIN PÁLL GÚSTAVSSON Sverre Jakobsson fagnar íslenska markverðinum í
leikslok. FRÉTTABLAÐIÐ/VALLI
Forkeppni EM í Futsal
Ísland - Lettland 4-5
Mörk Íslands: Þórarinn Ingi Valdimarson 2, Guð-
mundur Steinarsson, Magnús Sv. Þorsteinsson.
Grikkland - Armenía 2-2
Iceland Express deild karla
Hamar - Fjölnir 73-80 (43-32)
Stigahæstir hjá Hamri: Darri Hilmarson 17, Ellert
Arnarson 15, Kjartan Kárason 11, A. Dabney 10.
Stigahæstir hjá Fjölni: Brandon Springer 29 (18
frák.), Magni Hafsteinsson 21, Ægir Steinarss. 15.
Snæfell - Njarðvík 92-91 (47-44)
Stigahæstir hjá Snæfelli: Jón Ólafur Jónsson 32
(13 frák.), Pálmi Freyr Sigurgeirsson 22 (6 stoðs.).
Stigahæstir hjá Njarðvík: Christopher Smith 30,
Friðrik Stefánsson 14, Hjörtur H. Einarsson 12.
ÍR - KFÍ 92-82 (47-42)
Stigahæstir hjá ÍR: Nemanja Sovic 27, Kelly Bidler
16 (15 frák.), James Bartolotta 16.
Stigahæstir hjá KFÍ: Darco Milosevic 16, Craig
Schoen 16, Marco Milicevic 15.
Umfjöllun um leikina má finna á íþróttavef Vísis.
ÚRSLIT
FUTSAL Ísland tapaði í gær sínum
fyrsta opinbera landsleik í futsal,
eða innanhússknattspyrnu,
er liðið mætti Lettlandi í for-
keppni Evrópumeistaramótsins.
Riðill inn er leikinn á Ásvöllum í
Hafnarfirði.
Lettar fóru með sigur af hólmi,
5-4, eftir að staðan var 2-2 í hálf-
leik. Keflvíkingurinn Magnús
Sverrir Þorsteinsson á heiður að
fyrsta landsliðsmarki Íslands í
futsal er hann skoraði á 16. mín-
útu leiksins. Eyjamaðurinn Þór-
arinn Ingi Valdimarsson skoraði
tvö þar til viðbótar og Guðmund-
ur Steinarsson, leikmaður Kefla-
víkur, eitt.
Grikkland og Armenía skildu
í gær jöfn í sama riðli og mætir
Ísland liði Grikkja klukkan 17.00
í dag. - esá
Forkeppni EM í futsal:
Ísland tapaði
fyrir Lettum
SKORAÐI TVÖ Þórarinn Ingi Valdimars-
son var öflugur í fyrsta landsleik Íslands
í futsal. FRÉTTABLAÐIÐ/VILHELM