19. júní - 19.06.1971, Blaðsíða 53
Skýrsla
stjórnai' K.IM.Í.
IÍI70
Félags- og stjórnarfundir hafa verið haldnir svo sem lög
félagsins mæla fyrir.
Fundur var haldinn með kvenréttindanefndunum síðast-
liðið haust.
Mörg merkiserindi hafa verið flutt á vegum K.R.F.l.
þetta starfsár.
1. Kristján J. Gunnarsson skólastjóri við Langholtsskóla
flutti erindi um skólamál og svaraði fyrirspurnum á
marzfundi.
2. Lára Sigurbjörnsdóttir flutti stutt erindi um markmið
og tilgang K.R.F.l. samkvæmt beiðni nokkurra ungra,
nýrra félaga.
3. Á þessum sama aprílfundi flutti Bjarni Bragi Jónsson,
forstjóri, fyrirlestur um endurhæfingu og tilfærslu
milli starfsgreina og svaraði fyrirspurnum.
4. Jódís Jónsdóttir varaformaður Félags einstæðra for-
eldra flutti á maífundi erindi um markmið þess fé-
lags. Sigurveig Guðmundsdóttir las boðsbréf frá Inter-
national Alliance of Women til 22. allsherjarþings sam-
bandsins, sem haldið yrði í Königstein þ. 9.—16 sept-
ember 1970, og einnið boðsbréf hinna þýzku kvenna.
Á októberfundinum íór fram kosning í ritstjórn 19. júnl.
Kosningu hlutu: Valborg Bentsdóttir, og Sigurlaug Sæ-
mundsdóttir í aðalstjórn. Varakonur: Magdalena Thorodd-
sen, Margrét Margeirsdóttir og Svava Sigurjónsdóttir.
Fundarstjóri Guðný Helgadóttir þakkaði fráfarandi rit-
stjórn, og einkum þó Sigríði Einars frá Munaðarnesi,
sem hefur unnið mjög lengi að útgáfu 19. júni.
Anna Sigurðardóttir flutti skýrslu um för sína, Sigur-
bjargar Lárusdóttur og Kristínar Bragadóttur til König-
stein. Þær sátu þar 22. allsherjarþing Alþjóðakvenréttinda-
félagsins og gáfu Alþjóðasambandinu íslenzkan fána, sem
Gréta Jóelsdóttir saumaði endurgjaldslaust.
Aðalmál 22. alþjóðaþings kvenna var: Menntun á tækni-
öld. Þær Sigurbjörg Lárusdóttir og Kristín Bragadóttir
fluttu einnig ferðasögu af veru þeirra í Königstein og
Berlín.
Dagskrá nóvemberfundarins var í höndum ungra fé-
lagskvenna. Þær höfðu skipt sér í starfshópa og fluttu
skýrslur fyrir hvern starfshóp. Verkefnin voru: Könnun
á námsbókum i barnaskólum. Könnun á aðstöðumun til
fjáröflunar hjá piltum og stúlkum, í Menntaskólum og
Kennaraskóla. Könnun á launum karla og kvenna í bönk-
um. Athugun gerð á verkefnavali fyrir pilta og stúlkur í
handavinnu barnaskóla.
Desemberfundurinn var að venju bókmenntakynning.
Þessar skáldkonur lásu úr verkum sinum: Rósa Þorsteins-
dóttir og Svava Jakobsdóttir, en Valborg Bentsdóttir las
úr skáldsögu Guðrúnar frá Lundi.
Formaður flutti síðan stutt erindi um hina dýrlegu konu
í islenzkum bókmenntum.
Lára Sigurbjörnsdóttir sagði frá boði, sem forráðamenn
Fæðingardeildar Landspítalans gerðu þeim konum, er
stóðu að samstarfi Landspítalasöfnunar kvenna 1969. Var
þetta hið þriðja boð, sem þessir forráðamenn hafa gert
söfnunarkonum, til þess að láta þær fylgjast með því, sem
gerist í byggingamálum hinnar nýju Fæðingar- og kven-
sjúkdómadeildar Landspítalans.
Á janúarfundinn hafði K.R.F.l. boðið áhugafólki úr
Rauðsokkahreyfingunni. Tveir karlmenn héldu greinar-
góðar kynningarræður um stefnu Rauðsokka. Gerður Ósk-
ardóttir hélt framsöguræðu af hálfu Rauðsokka.
Dansk Kvindesamfund átti 100 ára afmæli nýverið,
og sendi boðsbréf til K.R.F.l. Stjórnin fór þess á leit
við Ólöfu Pálsdóttur, myndhöggvara og sendiherrafrú i
Kaupmannahöfn, að hún sæti þessa afmælisveizlu dönsku
kvennanna fyrir hönd K.R.F.I., sem hún og gerði.
Á aðalfundi, sem haldinn var 20. febrúar, urðu nokkr-
ar breytingar á stjórn félagsins, og skipa nú þessar kon-
ur stjórn K.R.F.I.:
Guðný Helgadóttir, formaður,
Ásta Björnsdóttir, varaformaður,
Brynhildur Kjartansdóttir,
Edda Svavarsdóttir,
Fanney Long Einarsdóttir,
Lóa Kristjánsdóttir,
Sigurveig Guðmundsdóttir,
Valborg Bentsdóttir,
Valgerður Gísladóttir.
Sigurveig GuSmundsdóttir.
scher, prófessor við háskólann í Lausanne, en
hann er sérfræðingur í frönskum miðaldabók-
menntum og hefur gefið út ýmis rit um íslenzk-
ar riddarasögur, þær, sem eru þýðingar úr frönsk-
um bókmenntum.
Doktorsvörnin fór fram í nýjum háskóla, La
Universidad Autónoma de Barcelona, sem hefur
aðsetur sitt í rómönsku klaustri. Fáeinum dög-
um áður hafði þeim háskóla sem og öðrum há-
skólum á Spáni verið lokað, þegar neyðarástandi
var lýst yfir vegna réttarhalda í svonefndu
Burgos-máli.
Þó var veitt leyfi til að doktorsvörn Álfrúnar
færi fram, og er hún sú fyrsta við heimspeki-
deild hins nýja háskóla. Dómnefndina skipuðu
fimm prófessorar, þrír frá báðum háskólunum
í Barcelona, einn frá Oviedo og prófessor Aebi-
scher frá Lausanne, og gáfu þeir ritgerðinni ein-
kunnina „summa cum laude“.
Blaðið 19. júní óskar dr. Álfrúnu Gunnlaugs-
dóttur til hamingju með þennan merka áfanga
og allra heilla í starfi hennar í framtíðinni.
S. S.
19. JÚNÍ
51