19. júní - 19.06.1984, Blaðsíða 29

Tölvuskólinn Framsýn tók til starfa í
september áriö 1982, og hafa flest nám-
skeið sem skólinn hefur haldið verið
fullsetin. Konur jafnt sem karlar sækja
tölvunámskeiðin hjá Framsýn; karlar
hafa vinninginn í hópi þátttakenda, eru
56%, en áhugi kvenna er greinilega
mjög mikill.
Diðrik Eiríksson sem er skólastjóri
Framsýnar sagði að konur sæktu fyrst
og fremst ritvinnslunámskeiðin. Skól-
inn liefur verið með ýmiss sérnámskeið
fyrir félög og stofnanir og hafa konur
oft verið þar í meirihluta. Til dæmis var
efnt til sérnámskeiðs fyrir Röntgen-
tæknafélag íslands þar sem ni.a. var sér-
staklega fjallað um not félagsmanna af
tölvum. Námskeiðið sóttu 60 konur en
aðeins 2 karlar.
Diðrik lengst til hægri á náinskeiði Frainsýnar.
Framsýn með tölvunámskeið
út um landið
Á sumrin hefur Framsýn efnt til
tölvukennslu fyrir unglinga á aldrinum
12 til 16. Diðrik sagði að stúlkurna væru
feimnari að koma á þessi námskeið en
strákar, að því er virtist. „Það er eins og
einhver innbyggð takkaþörf komi frant
í strákunum," sagði Diðrik.
Hann sagði ennfremur að mikið væri
um að fólk, sem komið hefði á eitt
tölvunámskeið kæmi aftur og tæki þá
annars konar námskeið. Við athugun
hefði komið íljósað 40% sækja fleiri en
eitt námskeið.
Sumt fólk kemur á tölvunámskeiðin
vegna þess að það telur að námskeiðið
veiti því vinnu beint, en að sjálfsögðu
hefur fyrri starfsreynsla mikla þýðingu
og menntun líka. Þekking eða þátttaka
í tölvunámskeiði auðveldar þetta þó.
Framsýn hefur haldið fjöldamörg
námskeið úti á landi. Námskciðin eru
þá venjulega frá föstudegi til mánu-
dags. Hefur mikil aðsókn verið að
þessum námskeiðum og fólki þótt gott
að geta sótt námskeiðin heima í sinni
heimabyggð og þurfa ekki til Reykja-
víkur til þess að afla sé þessarar
fræðslu. Á námskeiðunum er sama
námsefni og í Reykjavík, en því aðeins
þjappað saman á styttri tíma. Hel'ur
það líkað vel.
Við spurðum Diðrik um verð nám-
skeiðanna. Hann sagði þau ef til vill
nokkuð dýr, þar sem 18 tíma námskeið
kostaði 3.750 krónur. En allt verð er
afstætt. „Til samanburðar má nefna að
fari fólk á dansnámskeið þurfa 20 að
njóta leiðsagnar sama leiðbeinandans,
á meðan aðeins 12 eru í hópnum á
tölvunámskeiðunum. Námsgögn fylgja
ókeypis, og fólki er gefinn kostur á að
koma og þjálfa sig á tölvurnar utan
kennslutímans ef það hefur aðstöðu
til,“ sagði Diðrik.
Á skrá yfir námskeið Framsýnar má
sjá um tuttugu mismunandi námskeið,
grunnámskeið um tölvur, BASIC for-
ritunarnámskeið, Cobol-forritunarnám-
skeið, Fortran-forritunarnámskeið og
Pascal-forritunarnámskeið. Þá er þar
ritvinnsla, áætlanagerð, fjarhagsbók-
hald, gagnagrunnsforrit, heildarnot-
endanámskeið, og fleira. Tölvuskólinn
Framsýn er til húsa í Síðumúla 27 í
Reykjavík og er Diðrik Eiríksson
skólastjóri eins og fyrr segir.
fb
Eftirtaldir aðilar hafa styrkt útgáfu blaðsins:
íslenski verðlistinn
v/Laugalæk, sími 33755
Vouge
Skólavörðustíg 12, sími 25866
Sláturfélag Suðurlands
Hans Petersen
Lynghálsi 1, simi 83233
Bílaborg hf.
Smiðshöfða 23, sími 81299
Hampiðjan hf.
Stakkholti 2, sími 28100
Niðursuðuverksmiðjan ORA
Vesturvör 12, sími 41995
Örtölvutækni hf.
Ármúla 38, sími 91 -687220
Mjólkursamsalan
Laugavegi 162, sími 10700
Ölgerðin Egill Skalla-
grímsson hf.
Þverholti 20, sími 11390
29