19. júní - 19.06.1984, Qupperneq 30

Fyrsta íslenska
kennslubókin um
tölvumálið BASIC
— höfundur er Halla Björg Baldursdóttir,
sem nú stundar framhaldsnám í Sviþjóð
19. JÚNÍ komst aö því aö fyrstu íslensku kennslubókina um forritunar-
málið „Basic“ skrifaði ung kona. Bókin nefnist BASIC og höfundurinn er
Halla Björg Baldursdóttir. Þegar til átti að taka og fá viötal við höfundinn
kom í ljós að hún var víðsfjarri, nánar tiltekið í Helsingjaborg í Svíþjóð.
Lausnin var því sú að skrifa bréf og brást Halla Björg bæði skjótt og vel við
þeirri beiðni að senda okkur smápistil.
Halla Björg Baldursdóttir Iauk BS-
prófi frá Háskóla íslands árið 1977 í
stærðfræði og reiknifræði. Á þessum
árum var reiknifræði samheiti yfir hag-
nýta stærðfræði og tölvufræði. Jafnhlið
námi kenndi hún við Menntaskólann
við Tjörnina (nú Menntaskólann við
Sund) og varð síðan fastur kennari þar
þegar námi lauk.
Auk bókarinnar um BASIC hefur
Halla Björg skrifað tvær kennslubækur
í stærðfræði í samvinnu við Óskar Elvar
Guðjónsson kennara.
Gefum Höllu Björg orðið um starf
sitt og aðdragandann að bókinni.
„Fyrst kenndi ég eingöngu stærð-
fræði, en haustið 1975 fékk ég minn
fyrsta nemendahóp í tölvufræði. Skól-
Tölvur eru framtíðin
Vantar þig lesefni
um tölvur?
Skoðaðu úrvalið
hjá okkur
Auk þess fyrirliggjandi úrval af forritum og
jaðartækjum fyrir flestar tegundir heimilistölva
Bokabuð
^Braga
Laugavegur 118. Símar
TOLVUDEILD
V/HLEMM
Símar: 29311 og 621133
inn hafði haft tölvufræði sem valgrein
frá 1972, en kennslan var í mjög nánum
tengslum við stærðfræðina. Mér fannst
erfitt að taka við þessari kennslu, bæði
vegna þess að ekkert íslenskt námsefni
var til um tölvur og engar vélar til að
æfa sig á. Þessu mætti líkja við að kenna
prjónaskap með því að sýna myndir af
prjónum og lesa prjónauppskriftir! En
kröfurnar voru aðrar en í dag og áhugi
bæði nemenda og kennara ódrepandi
og á því er víst hægt að komast ótrúlega
langt. Rétt er þó að geta þess að við
fengum nokkrum sinnum að nota tölvu
Háskóla Islands á Iaugardagseftirmið-
dögum en þessa sömu tölvu er nú að
finna á Þjóðminjasafninu.
Næst kenndi ég tölvufræði veturinn
1977-1978 og hafði þá til hliðsjónar
bókina „Hvað er tölva?“ eftir Gunnar
M. Hansson. Hún dugði hins vegar
engan veginn fyrir heilan vetur. Þrauta-
lendingin var því að kenna um tölvur og
forritun án nokkurra hjálpartækja ann-
arra en töflu og krítar og nokkurn veg-
inn án þess að koma nálægt tölvum.“
Og Halla Björg heldur áfram:
„Næsta vetur fór loks að komast skriður
á málin, en þá fyrst komu á íslenskan
markað litlar tölvur með lyklaborði og
skjá sem voru á viðráðanlegu verði.
Skólinn fjárfesti í einni slíkri vél. Mér
gekk allvel að læra á vélina, en velti því
jafnframt mikið fyrir mér hvernig best
væri að kenna nemendum á hana. For-
ritunarmálið var BASIC sem þá var ekki
orðið jafn þekkt og útbreitt og nú. Því
var mjög lítið til af bókum um þetta efni
og auðvitað engin bók á íslensku en
annað þýddi ekki að bjóða nemendum
upp á. Smám saman fór ég því að útbúa
námsefni handa nemendunum og fyrr
en varði fyllti það heila möppu. Þegar
um áramótin þennan vetur fóru aðrir
skólar að falast eftir möppunni og það
hvatti mig til að vinna hana og útfæra
betur. Nú er búið að gefa bókina út
einum 6 sinnum og oftast í endurbættri
og aukinni útgáfu (nýjasta útgáfan er
frá 1981). Fyrst gaf ég hana út sjálf með
aðstoð M.S. en síðan tók bókaforlagið
Iðunn við útgáfunni.
Eg vann bókina að öllu leyti sjálf,
vélritaði, handskrifaði og teiknaði. Við
þetta varð hún kannske svolítið óvenju-
leg í útliti, en að mínu áliti meira lifandi
og persónulegri.
Námsefni og kennsluhættir hafa
breyst mikið á þessum stuttan tíma
30