19. júní - 19.06.1984, Page 77

Börn hafa mikla ánægju af tölvum. (Ljósmynd Anna Gyða Gunnlaugsdóttir).
leika og langanir ráða einhverju um
verkaskipti sín við aðdrætti og það hlut-
verk að annast um sig og sína.
Konur hafa nýtt sér létt vinnuálag
inni á heimilum til þess að leita út á
almennan vinnumarkað og jafnframt
að leita sér meiri menntunar og nýta
hana. Heimilin hafa nýtt sér möguleika
hljómflutningstækja og myndflutnings-
tækja þótt segja megi með sanni að þar
hafi ekki alltaf verið mikilli vandfýsni
fyrir að fara í vali efnis.
Og nú ber tæknin enn að dyrum en í
þetta sinn á þeim stöðum sem margar
konur afla sér tekna. Störf sem þær hafa
unnið eru allt í einu orðin tölvutæk og
það sem meira er þau eru stundum
betur af hendi leyst þannig. Hvernig
bregðast þessar konur við?
Ekki er óeðlilegt að sumar spyrji
sjálfar sig hvað þær eigi að gera þegar
starfið er ekki lengur til sem
mannsstarf. Ekki er óeðlilegt að þær
spyrji hvaða starf þær geti unnið í stað-
inn. Ekki er óeðlilegt að þær spyrji
hvernig þær eigi að læra til nýs starfa.
Og ekki er óeðlilegt að þær spyrji hver
muni hagnast á þvf að breyta starfinu úr
mannsstarfi í viðfangsefni tölvu.
Og í framhaldi af því erekki óeðlilegt
að þær bregðist við á neikvæðan hátt og
sakir skorts á upplýsingum og öryggi
um framtíðarvinnu standi þær í vegi
fyrir framförum sem gætu orðið öllum
til góðs ef vel er á málum haldið.
En hvaða jákvæðu kostir geta verið
samfara tæknibyltingu? Og að hvaða
þáttum þurfum við að hyggja í því þró-
unarsamfélagi sem fram undan er?
Símenntun verður eðlilegur þáttur í lxfi
hvers og eins, ekki aðeins nokkurra for-
réttindastétta. 'Það verður eðlilegt að
skipta um starf oftar á ævinni.
Konur fylgist með
Við getum vænst þess að tækni-
byltingin sem að þessu sinni ræðst gegn
allmörgum kvennastörfum verði til
þess að rífa niður einhverja þá múra
sem verið hafa milli karlastarfa og
kvennastarfa. Að hún verði til þess að
þrýsta konum frekar en orðið er inn í
ýmis þau störf sem verið hafa kennd við
karla af gamalli hefð og einnig til að
þrýsta körlurn inn í mörg störf sem
varða mannleg samskipti svo sem
fræðslumál og fleiri slík með aukinni
sýn á mikilvægi þeirra.
Hvernig geta konur stuðlað að því að
svo megi verða? Ýmsum hugmyndum
hefur verið haldið á lofti og eru þær mis-
hyggilegar. Það er t.d. engin ástæða til
þess að allar konur læri að forrita. Það
er engin ástæða til þess að allar konur
læri rafeindatækni. En það er ástæða til
þess að konur fylgist með aðstæðum á
vinnustað sínum, setji sig nægilega vel
inn í tölvumál til þess að skilja hvers
eðlis þau störf eru sem tölvuvæða má og
hvaða áhrif slíkar aðgerðir hafi á vinnu-
umhverfi þeirra og starfsvettvang. Það
krefst nokkurrar innsýni í möguleika
tækninnar en þó umfram allt skilnings á
eðli þeirra verka sem unnin eru og
hvernig vinna megi þau á hagkvæman
máta fyrir alla.
Tæknivæðingin á heimilum hefur
m.a. gengið fyrir sig á jákvæðan hátt
vegna þess að stjórnendur heimilanna
þekktu verkin sem þar þurfti að vinna
og sáu glöggt hvernig mátti hagnýta sér
tæknina.
Hvaða störf mun verða um að ræða í
Texti:
Anna
Kristjánsdóttir
77