19. júní - 19.06.1996, Síða 20

Jafnrétti á vinnu stööum
eru
jafningiara'"
num
Auður Finnbogudóttir
og Inga Dóra Sigfúsdóttir
Heildartekjur íslenskra kvenna í fullu starfi eru um 65% af
launum karla í fullu starfi. Þrátt fyrir að íslenskar konur á
vinnumarkaði séu hlutfallslega mun fleiri en kynsystur þeirra í
nágrannalöndunum er launamisrétti kynjanna mest á íslandi í saman-
burði við hin Norðurlöndin. í aldurshópnum 35 til 49 ára afla konur
einungis 50% á við karla. Þrátt fyrir að ekki sé mikill munur á hlutfalli
kynjanna á vinnumarkaðnum í heild er fjöldi kvenna í
stjórnunarstörfum áberandi minni en karla. Um þessar mundir eru um
77% íslenskra kvenna á vinnumarkaðnum en 87% karla. Hjá hundrað
stærstu fyrirtækjunum á einkamarkaði eru karlar ríflega 97% æðstu
yfirmanna og forstjóra en konur aðeins tæplega 3%. Yfirmenn hvetja
frekar karla en konur til að sækja ráðstefnur, til að koma með eigin hug-
myndir og til að vinna að sjálfstæðum verkefnum. Sama á við þegar
þeir velja fulltrúa til að koma fram fyrir hönd fyrirtækisins en þá leita
þeir helst til háskólamenntaðra karla.
Rannsóknir sýna að þetta eru staðreyndirnar sem við okkur blasa.
Sú spurning vaknar hvort unnið sé að jafnréttismálum innan fyrirtækja
og stofnana með markvissum hætti með það að markmiði að breyta
þessu. Leitað var eftir viðhorfum forsvarsmanna íjármálaráðuneytisins
og Eimskipafélagsins.