19. júní - 19.06.2002, Qupperneq 66

Konur í Reykjavík fagna kosningarétti sínum við setningu Alþingis hinn 7. 7. 1915.
heimil samkvæmt stjórnarskrá lýðveldisins og í
gildi eru sérstök jafnréttislög sem eiga að
tryggja jafnan rétt kvenna og karla til atvinnu og
launa. Engu að síður eru konur enn að eiga við
viðhorf og hefðir sem erfitt er að festa hendur á.
Alltof margar konur rekast á svokölluð glerþök á
frambraut sinni þar sem gamaldags viðhorf og
hefðir standa þeim fyrir þrifum og eftir næstum
hundrað ára baráttu er óútskýrður launamunur
kynjanna enn staðreynd. Og fyrir kemur að
gengið er fram hjá hæfum konum við stöðuveit-
ingar.
Kvenréttindafélag íslands hefur undanfarin ár
staðið fyrir ráðstefnum um jafnréttismál. Hlutur
kvenna í fjölmiðlum, staða og réttindi eldri kvenna,
konur í sveitarstjórnum, erlendar konur á íslandi
og málefni fjölskyldunnar eru meðal nýlegra ráð-
stefna félagsins. Þá hefur stjórn félagsins leitast
við því síðustu misseri að senda frá sér ályktanir
þegar réttur kvenna hefur þótt fyrir borð borinn en
einnig þegar vel hefur verið gert og nýjir áfangar í
jafnréttisbaráttunni náð fram að ganga.
Kvenréttindafélag íslands vill sem fyrr leggja sitt
af mörkum við að skapa réttlátt samfélag þar sem
konur og karlar sitja við sama borð á öllum sviðum
þjóðlífsins. í stefnuskrá félagsins, sem samþykkt
var 1992, leggur félagið áherslu á sameiginlega á-
byrgð foreldra á uppeldi barna og heimilishaldi, að
jafnréttis sé gætt í skólakerfinu og að drengir og
stúlkur fái sömu hvatningu til náms, að öll börn eigi
rétt á dagvistun. Jafnframt leggur félagið áherslu á
launajafnrétti, að vinnumarkaðurinn lagi sig að
breyttum þjóðfélags- og fjölskylduaðstæðum, að
konur séu hvattar til eigin atvinnureksturs. Þá telur
félagið afar mikilvægt að hlutur kynjanna sé sem
jafnastur á framboðslistum stjórnmálaflokka og í á-
byrgðarstöðum hvers konar. Aðeins þannig er
tryggt að sjónarmið beggja kynja námi fram að
ganga við stefnumótun og ákvarðanatöku. □
Áhugasömum um sögu Kvenréttindafélags íslands er
bent á eftirtalin rit:
Bríet Héðinsdóttir, Strá í hreiðrið. Bók um Bríeti Bjarnhéðins-
dóttur byggð á bréfum hennar (Reykjavík, 1988)
Sigríður Th. Erlendsdóttir, Veröld sem ég vil. Saga Kvenrétt-
indafélags Islands 1907-1992 (Reykjavik, 1993).
Kvenréttindaféiag islands 40 ára 1907-1947. Minningarrit
(Reykjavík, 1947)
66