19. júní - 19.06.2002, Blaðsíða 71

LEIÐRÉTTING
I síöasta 19. júní blaði, sem kom út fyrir ári,
birtist röng mynd með grein eftir Gunnar
Hersvein sem fjallaði um hlutverk kynjanna í
íslenskum auglýsingum. í greininni var m.a.
fjallað um auglýsingaherferð Visa, sem ber
yfirskriftina: á morgun er nýr dagur. Var þar
m.a. gert að umtalsefni að í auglýsingunum
var stúlkan hálfklædd; í nærbuxum og í
ermalausum bol sem náði rétt yfir nafla en
strákurinn var fullklæddur. Til að mynd-
skreyta grein Gunnars Hersveins og sýna
um leið hvernig auglýsingarnar birtust á síð-
um tímarita, dagblaða og á strætóskýlum,
hafði ritstjóri samband við forsvarsmenn
auglýsingastofunnar Kollgras sem sá um
umrædda auglýsingaherferð. Óskaði ritstjóri
eftir því að fá nokkrar myndir hjá auglýs-
ingastofunni til birtingar í 19. júní og gerði
forsvarsmönnum Kollgrass um leið grein
fyrir því í hvaða tilgangi þær ætti að nota,
þ.e. verið væri að fjalla um þau skilaboð
sem fælust í hálfklæddri stúlku og full-
klæddum karlmönnum í umræddum auglýs-
ingum. Ekki stóð á fyrrgreindri auglýsinga-
stofu og hún sendi umbeðnar myndir til
hönnuða 19. júní. Ritstjóra láðist hins vegar
að fara rækilega yfir myndirnar áður en
blaðið fór í prentun og sá því ekki fyrr en um
seinan að forsvarsmenn Kollgras höfðu af
einhverjum ástæðum ekki sent umbeðna
mynd, sem notuð var á strætóskýlum og í
fjölmiðlum, heldur aðra mynd, mjög svip-
aða, sem ritstjóra er þó ekki kunnugt um að
hafi verið notuð í títtnefndri auglýsingaher-
ferð, a.m.k. ekki fyrir útgáfu 19. júní. Á myn-
dinni sem Kollgras sendi sást nefnilega
hvorki í nafla kvenfyrirsætunnar né í það að
hún væri í nærbuxum. Hvort Kollgras hafi
fyrir mistök sent mynd sem var skorin of
þröngt eða hvort Kollgras hafi ritskoðað
myndina á síðustu stundu, skal ósagt látið,
enda hefur ritstjóri ekki fengið skýringar á
því. Hins vegar þótti rétt að birta í þessari
útgáfu 19. júní, þá mynd sem átti að fylgja
grein Gunnars Hersveins. Til fróðleiks er hin
myndin, sem Kollgras sendi 19. júní, einnig
látin fylgja með.
Arna Schram
ritstjóri 19. júní. 2001 og 2002
Eins og talað var um 2001
Birtist 2001