Sólskin - 01.07.1936, Page 91

Það fara .ekki sögur af fólkinu því,
en fegurð þó eykur það landinu í,
í landinu litla mínu.
I hrjóstruga, litla landinu þínu og mínu!
Ólöf Sigurðardóttir.
LÓAN
Eg heyrði, litla lóan mín,
þín ljóð í morgun fyrst, —
þú flaugst svo létt á himin hátt
við holtið þarna nyrst.
Eg þekkti lagið undir eins,
já, áður’ en þig eg sá;
það gleymast seint þau ljúfu lög,
sem lýsa hjartans þrá.
Guðm. Guðmundsson.
KRUMMI
Krummi gamli er svartur,
og krummi er fuglinn minn.
Krunkið eru söngvar hans
um sólina og himininn.
Davíð Stefánsson.
Hrafninn situr á hamrinum,
ber við loftin blá.
Horfðu ekki upp eftir hrafninum,
því honum má enginn ná.
En lágt flýgur krummi á kvöldin.
Þorsteinn Gíslason.